Найрамдах Итали Улсад суух Онц бөгөөд Бүрэн эрхт Элчин сайд Ц.Жамбалдорж Итали Улсын Ерөнхийлөгч Сержио Маттарелла 9 дүгээр сарын 26-ны өдөр итгэмжлэх жуух бичгээ барив. Итгэмжлэх жуух бичиг барих ёслол Италийн Ерөнхийлөгчийн албан ёсны өргөө – “Куиринале” Ордонд болов.
Итали Улсын Ерөнхийлөгч Сержио Маттарелла итгэмжлэх жуух бичгээ барьсантай нь холбогдуулж Элчин сайд Ц.Жамбалдоржийг хүлээн авч уулзав. Уулзалтын үеэр Элчин сайд Ц.Жамбалдорж Монгол Улсын Ерөнхийлөгч Цахиагийн Элбэгдоржийн мэндчилгээг Италийн Ерөнхийлөгчид уламжлав. Марко Поло 13 дугаар зуунд Монголд зорчсон үеэс эхтэй түүхэн хэлхээ холбоо бүхий Монгол, Италийн харилцаа, хамтын ажиллагааг худалдаа, эдийн засаг, соёл, боловсролын салбарт өргөжүүлэн хөгжүүлэх ихээхэн боломж байгааг Элчин сайд дурдаад, цаашид бүх талын хамтын ажиллагааг өргөжүүлэхийн төлөө идэвхитэй хамтран ажиллахаа илэрхийлэв.
Итали Улс энэ онд Улаанбаатарт өөрийн ЭСЯ-аа нээсэн нь хоёр орны хамтын ажиллагааг идэвхижүүлэхэд чухал ач холбогдолтой болсон, улмаар хоёр талын шинэ Элчин сайд нар Итали, Монголын хоорондын харилцаа, хамтын ажиллагааг идэвхитэй хөгжүүлнэ гэдэгт итгэлтэй байгаагаа Ерөнхийлөгч Сержио Маттарелла онцлон тэмдэглээд, Монгол Улсын Ерөнхийлөгчид өөрийн чин сэтгэлийн мэндчилгээг уламжлав.
Энэ оны эхний наймдугаар сарын байдлаар улс хооронд автотээврээр тээвэрлэсэн 13.2 сая тонн ачааны 11.8 мянган тонныг нь нүүрс тээвэрлэлт эзэлж байгаа судалгаа бий. Үүнээс уул уурхайн бүтээгдэхүүн тээвэрлэлтийн хэмжээ өмнөх оны мөн үетэй харьцуулахад 26.4 хувиар өссөн үзүүлэлттэй байгааг харж болно.
Буудлага спортын ахмадын улсын аварга шалгаруулах тэмцээн Батлан хамгаалахад туслах нийгэмлэгийн Техник спортын төвд өнөөдөр эхэллээ. Тэмцээн 40-49, 50-59, 60-69, 70-79, 80-с дээш гэсэн насны ангилалаар явагдах ба ахмад тамирчид хийн урт, гар буу, хэвтээ 60 сумны дасгалын эрэгтэй, эмэгтэй төрөлд өрсөлдөнө. Өнөөдөр тэмцээний урт бууны дасгалууд явагдах бол маргааш гар бууны төрөлд өрсөлдөнө.
УИХ-ын Тамгын газрын Ерөнхий нарийн бичгийн даргын захирамжаар Тамгын газрын бүтэц, зохион байгуулалтыг өчигдөр шинэчлэн баталжээ.Ингэхдээ улс орны эдийн засгийн хүндрэлтэй нөхцөл байдлыг харгалзан шинэ бүтцээр Тамгын газрын нийт орон тоог 10 хувиар бууруулсан байна.
Орон нутгийн сонгууль ойртсонтой холбоотой МАН-ын Удирдах зөвлөл хуралдсан байна. Албан бус эх сурвалжийн мэдээлснээр Тусгаар тогтнолын ордонд өчигдөр МАН-ын Удирдах зөвлөл хаалттай хуралдаж орон нутгийн сонгуулийн өмнө намын дотоод асуудлаа нухацтай хэлэлцэж, сонгуульд хэрхэн оролцох талаараа ярилцжээ. 
БНХАУ-ын тусгаар тогтнолын баярын өдөр тохиох гэж буйтай холбогдуулан Монгол, Хятадын хилийн бомтын түр амрахаар болсон байна. Тодруулбал, хилийн боомт тэдгээрийн дэглэмийн тухай хэлэлцээрийн 4.3-т заасны дагуу Монгол, Хятадын хилийн боомтууд ирэх аравдугаар сарын 1-3-ны өдрүүдэд ажиллахгүй юм байна. Энэ үеэр Монгол, Хятадын төмөр замын боомтууд амрахгүйгээр Олон улсын галт тэрэгний цагийн хуваарийн дагуу иргэдэд үйлчилнэ.
Засгийн газрын ээлжит хуралдаан өнөөдөр 15.00 цагт Засгийн газрын хуралдааны танхимд болно. Хуралдаанаар Монгол Улсын 2017 оны төсвийн тухай, Хүний хөгжил сангийн 2017 оны төсвийн тухай, Нийгмийн даатгалынсангийн 2017 оны төсвийн тухай, Төрөөс мөнгөний бодлогын талаар 2017 онд баримтлах бодлогын төсөлд өгөх санал, дүгнэлт, Эдийн засгийн хүндрэлийг даван туулах, тогтворжуулах хөтөлбөрийн тухай, Мал, амьтны эрүүл мэндийн тухай хуулийн үзэл баримтлал, Малын генетик нөөцийн тухай хуулийн үзэл баримтлал, Бүтээн байгуулалтын томоохон төсөл хэрэгжүүлэх зарим арга хэмжээний тухай зэрэг нийт 11 хуулийн төсөл хэлэлцэх юм.
Өнөөдөр буюу есдүгээр сарын 28-ний Лхагва гарагт дараах байршлуудад цахилгаан эрчим хүч түгээдэг шугам тоноглолд урсгал засвар хийх тул та бүхэн хэрэглээгээ түр зохицуулна уу.
Замын цагдаагийн газрын ЖШУХ-т өчигдөр нийт 333 дуудлага, мэдээ мэдээлэл хүлээн авснаас 260 нь зам тээврийн ослынх байсан байна.