“Чингис хаан” Олон улсын нисэх онгоцны буудалд өчигдөр 11:00-12:00 цагийн орчимд Сирийн паспорттой хоёр иргэн “Turkish Airlines”-ийн онгоцоор буусан. Гэвч дээрх хоёр иргэнтэй холбогдуулан Улаанбаатараас Турк улс руу нислэг үйлдэх байсан онгоц саатаад байсан билээ.
Тэгвэл Гадаадын Иргэн, Харьяатын газраас уг асуудлын талаар албан ёсны тайлбар өгчээ. Албан ёсны тайлбарт“Туркийн “Turkish Airlines” авиа компанийн Истанбул-Улаанбаатар чиглэлийн онгоц өчигдөр /2016.09.27/ 11.00 цагт Чингис хаан нисэх буудалд газардаж, 12.05 цагт буцаад хөөрөх байсан ч хойшилсон.
Тус онгоцоор манай улсыг зорин ирсэн Сири улсын иргэн Ahmed Jawal Husseini–г Монгол Улсын хууль хяналтын байгууллагаас нэвтрэн орохыг хориглосон байсан байна. Тиймээс олон улсын иргэний агаарын тээврийн дүрмийн дагуу тухайн иргэнийг тээвэрлэж ирсэн авиа компани буцаан тээвэрлэх үүрэг хүлээдэг байна.
Харин манай улсын хилээр нэвтрүүлэхийг хориглосон дээрх зорчигчийн биеийн байдал муудсаны улмаас харзнаж, онгоцны нислэгийг шөнийн 02.45 цаг хүртэл хойшлуулжээ. Тэрээр өмнө нь манай улсад 2012, 2014, 2015 онуудад нэвтэрч байсан бөгөөд 2012 онд Гадаадын иргэний эрх зүйн байдлын тухай хуулийн 42.1.11 дэх заалт /визийн хугацаа, журмын талаар хүлээсэн үүргээ зөрчсөн уригчийг гадаадын иргэн тус бүрээр тооцон энэ хуулийн 42.1.9, 42.1.10-т зааснаар торгоно/-ын дагуу захиргааны арга хэмжээ авахуулж байсан байна.
Хууль хяналтын байгууллагаас ирүүлсэн мэдээллийн дагуу түүнийг тус улсад нэвтрүүлэхээс татгалзсан бөгөөд Сири улсаас дүрвэсэн дүрвэгч биш юм” гэжээ.
Холбооны
Монгол-Оросын
“Алдрын од” одонт Харанга хамтлагийн аргил гитарчин, Up Music продакшны захирал, хөгжмийн зохиолч, дуучин МУУГЗ Ц.Чулуунбатын зургаа дахь тоглолт 10 дугаар сарын 7, 8-д “UB palace”-ийн их танхимд болох гэж байгаа билээ. Үүнтэй холбоотой өнөөдөр “Пума имприал” зочид буудалд сэтгүүлчдэд зориулан хэвлэлийн хурал хийлээ. Тэрбээр өдөр тутам болж байдаг хэвлэлийн хурлаас өөрөөр хийсэн юм. Амьд хөгжимтэй тайз засаж, өөрөө амьд хоолойгоороо гурван дуугаа дуулж сонирхуулсан нь сэтгүүлчдэдээ барисан том бэлэг байв.
Ингээд түүнтэй хийсэн бяцхан ярилцлагыг хүргэе. 
-Та чөлөөт цагаараа уран бүтээлээс өөр юу хийдэг вэ?
Бид нийгмийн сүлжээг ашиглаж байна. Бүх телевиз, радиог ашиглаж мэдээллийг тарааж байгаа. Хамгийн сүүлийн үйл явц буюу морьдоор бол гарааны зурхайгаас гарах гэж байгаа үе дээр нь та бүхэн үзэгчдэд хүргэх гүүр нь болж байна. Бид ч гэсэн сэтгүүлчид та нарыг өргөн дэлгэр хүргэж өгөөсэй гэж хүсч байна. Энэ бол та бүхний урлагт оруулж байгаа хувь нэмэр чинь юм шүү” гэв. 
Үндсэн хуулийн цэцийн дунд суудлын өнөөдрийн хуралдаанаар Монгол Улсын шүүхийн тухай хуулийн 31 дүгээр зүйлийн 31.6 дахь хэсэгт хяналтын шатны шүүх шийдвэрээ тусгай саналын хамт нийтлэхээр заасан нь Үндсэн хуулийн холбогдох заалтыг зөрчсөн эсэх тухай маргааныг хянан хэлэлцэв.
Хүйтэн, сэрүүний улиралд томуу, томуу төст өвчин буюу бидний хэлж заншсанаар ханиадны тархалт нэмэгддэг. Үүнтэй холбогдуулан томуугийн вакциныг хийж эхлэхээр болжээ. Энэхүү вакциныг манай улсад жил бүрийн аравдугаар сарын дунд үеэсулсын болон хувийн эмнэлгүүдэд хийж эхэлдэг.Энэ жил аравдугаар сарын 5-наас хийж эхлэх ажээ.
Өнгөрсөн өдөр Замын цагдаагийн газрын ЖШУХ нийт 333 дуудлага, мэдээ мэдээлэл хүлээн авчээ. Үүнээс зам тээврийн ослын 260 дуудлага бүртгэгдэж, 12 хүн хүнд, хөнгөн гэмтсэн байна. СХД-ийн Энхтайваны өргөн чөлөө, Хөрс худалдааны төвийн зүүн замд T.Succeed маркийн авто машины жолооч С нь явган зорчигч 07 настай эмэгтэй А-г мөргөж гэмтээжээ.
Улаанбаатар хотын гэр хорооллыг орон сууцжуулах төслийн хүрээнд хийгдэх бохирын шугам шинээр суурилуулах ажлыг 2016 оны 09 дүгээр сарын 28-ны 06:00 цагаас 2016 оны 10 дугаар сарын 04-ны 23:00 цаг хүртэл хийнэ. Дээрх ажлын хүрээнд 7 буудлын эцсийн зогсоол хойноос урагш чиглэлийн нэгдүгээр эгнээг хаах тул зогсоолын байршлыг түр хугацаагаар өөрчлөөд байна. Иймд 7 буудал /баруун/ зогсоолоор үйлчлүүдэг иргэд дээрх зураглалын дагуу үйлчлүүлнэ үү.
“Дэлхийн эдийн засгийн форум” ашгийн бус сангаас жил бүр гаргадаг судалгаагаар Монгол Улсын өрсөлдөх чадварт ахиц гараагүйг тодотгожээ. Дэлхийн өрсөлдөх чадварын судалгааны 2016-2017 оны тайланг өнөөдөр Нээлттэй нийгэм форумын Эдийн засгийн бодлогын хөтөлбөрийн менежер Д.Оюунбадам танилцуулав. Манай улс өрсөлдөх чадвараар 3.8 оноо авч, 138 орноос 102 дугаарт жагссан байна. Өнгөрсөн жилийн судалгаагаар Монгол Улс өрсөлдөх чадвараараа 104 дүгээрт эрэмбэлэгдсэн юм.
Төрийн албаны туршилтын шалгалт өгсөн иргэдийн 88 хувь нь шалгалтанд унажээ.Төрийн албаны зөвлөл энэ сарын 15-20-ны өдрүүдэд “Төрийн албаны шалгалт” нээлттэй өдөрлөгийг зохион байгууллаа. Тус өдөрлөгийн үеэр шалгалт өгөхөөр бэлтгэж байгаа иргэдэд арга зүйн зөвлөгөө өгч, цахим шалгалтын системтэй танилцуулж, хөндлөнгийн нөлөөгүй, нээлттэй, ил тод зохион байгуулж байгааг иргэдэд сурталчлахын зэрэгцээ төрийн албанд орох иргэд туршилтын шалгалт өгч, хууль эрх зүй, албан хэрэг хөтлөлтийн мэдлэгийн түвшингээ тогтоон, өөрөө өөрийгөө сорих боломж олгосон аж. Энэхүү арга хэмжээнд оролцох хүсэлтэй 1,620 иргэн Төрийн албаны зөвлөлийн soril@csc.gov.mn хаягаар өдөрлөгт оролцох хүсэлтээ ирүүлсэн бөгөөд хуваарь гарган, нэрсийг нь Төрийн албаны зөвлөлийн csc.gov.mn сайтад байрлуулжээ. Туршилтын шалгалтад хамрагдсан нийт 1,560 иргэний 88 хувь нь шалгалтаа амжилтгүй өгсөн байна.