АНУ-ын өсвөрийн мисс шалгаруулах уралдаан өнгөрсөн бямба гаригт болж өндөрлөжээ. Тус тэмцээнд 14-19 насны охид оролцсоноос 18 настай Техасаас ирсэн Карли Хэй түрүүлж титмийн эзэн болсон аж. Гэвч түүний хоёр жилийн өмнө твиттертээ бичиж байсан арьс өнгөөр ялгаварласан өнгө аястай постуудаас нь болж олны дунд шуугиан үүсчээ.
Тэрбээр түүнийхээ төлөө албан ёсоор уучлал гуйгаагүй бөгөөд хоёр жилийн өмнө миний сэтгэл зүйд янз бүрийн л юм болж байсан. Үүнээс болж намайг хэн бэ гэдгийг тодорхойлж болохгүй хэмээжээ.
О.ӨНӨР
10-аад хоногийн өмнөөс бие гүйцсэн эрвээхийнүүд нисэж эхэлсэн. Тэгвэл тухайн жилийн хуурайшилт, температур нь цагаан эрвээхийний бие гүйцэж гарч ирэх хугацаанд нь нөлөөлдөг байна. Бие гүйцсэн хүр эрвээхий 14 орчим хоног нисээд үр төлөө үлдээх таатай газрыг олж өндөглөөд үхдэг аж. Эрвээхийнүүд бүгд нэг өдөр бие гүйцээд гараад ирдэггүй учраас элбэгших үйл явц нь сар орчим үргэлжилдэг байна. Ихэнх тохиолдолд уулын энгэрт дулаан нарлаг газар хаданд өндөглөдөг. Зарим жил элбэгшсэн үедээ байшингийн хана, гэрийн туурганд өндөглөх нь ба ямар нэгэн халдвар тараадаггүй аж. Мөн хүнийг хазна хатгана гэсэн ойлголт байдаггүй байна. Тиймээс та цагаан эрвээхийнээс айх хэрэггүй ба төвөгтэй байвал гэрэл доор хувинтай ус хийж тавиад тэднийг хороож болох юм. Гэрийн туурга, байшингийн хананы завсар өндөгөө шахчихсан бол түүнийг нь бие гүйцэхээс нь өмнө устгахгүй бол ирэх жил бие гүйцээд гараад ирдэг аж.
Нийслэлийн Засаг дарга бөгөөд Улаанбаатар хотын захирагч С.Батболд өнөөдөр НҮБ-ын Хөгжлийн хөтөлбөрийн суурин төлөөлөгч, хатагтай Биата Транкманыг хүлээн авч уулзлаа.
УИХ-ын чуулганы нэгдсэн хуралдааныг маргааш 11.00 цагт зарласан байна. Чуулганы хуралдааны өмнө 10.00 цагт УИХ дахь Ардчилсан намын бүлэг хэвлэлийнхэнд мэдээлэл хийхээр болжээ. Өнгөрөгч долоо хоногт анхдугаар чуулганыг хаах төлөвлөгөөтэй байсан УИХ дахь АН-ын бүлэг уг асуудлаар ажлын гурав хоногийн завсарлага авсан учир хойшилсон юм. ЗГХЭГ-аас нэр дэвшин Төрийн албаны зөвлөлийн орон тооны гишүүнээр томилогдсон Т.Хадхүү, УИХ-ын Тамгын газраас нэр дэвшин Төрийн албаны зөвлөлийн орон тооны гишүүнээр томилогдсон Д.Даваа-Очир нарын бүрэн эрхийн хугацаа дуусгавар болсон тул нэр бүхий гишүүдийг үүрэгт ажлаас нь чөлөөлөх саналаа холбогдох байгууллагууд УИХ-ын даргад өргөн мэдүүлсэн билээ.
МАН-ын Удирдах зөвлөлийн хуралдаан Төрийн ордонд болж дэд сайдад нэр дэвшигчдээ олонхийн саналаар тодруулжээ. 
2016 оны 8 дугаар сарын 1-нээс 8 дугаар сарын 8-ныг хүртэлх
Энэ өдрүүдэд ихэнх нутгаар хэт халж байгаатай холбоотойгоор бага насны хүүхдүүд нарших, нарны хордлогод орох тохиолдол нэлээд гарах болжээ. Тэгвэл өнөөдөр 35 хэм хүрч халах төлөвтэй байгааг Ус цаг уур орчны шинжилгээний хүрээлэнгээс мэдээллээ. Түүнчлэн энэ амралтын өдрүүдэд хэт халах юм байна. Тиймээс эцэг, эхчүүд та бүхэн хүүхдээ наршихаас хэрхэн хамгаалах талаар хэдэн энгийн зөвлөгөө өгье. Хэт халуун, бүгчим өдөр бага насны хүүхдээ аль болох гадаа тоглуулахгүй байхыг бодоорой. Хурц нартай үед хүүхдээ гадуур дагуулж олон цагаар явахгүй байхыг эмч нар сануулдаг. Хүүхдэдээ заавал нарны малгай өмсгөж шингэн ус сайн уулгах хэрэгтэй. Учир нь халуун өдөр хүний бие шингэнээр их дутагддаг. Таны хүүхэд наршсан бол бие сулрах, толгой өвдөх, биеийн халуун нэмэгдэх, цээж багтран амьсгаа цухалдах, цонхийх, бөөлжих, хөлс хэт их гарах эсвэл багасах, нүүр чинэрэх зэрэг шинж тэмдэг илрэх болно. Наршсан тохиолдолд аль болох сүүдэрт, сэрүүхэн газар амрааж хөлийг нь өргөж өндөрлөх хэрэгтэй. Ингээд бүлээн чихэртэй ус, цэвэр ус ойр ойрхон уулгаж нойтон алчуураар ороож, арчих хэрэгтэй. Мөн арьсны нимгэн хэсэгт хүйтэн жин тавьж, спиртээр биеийг нь арчсан ч болох юм байна.Улмаар хүүхдийнхээ биед иллэг хийж, цусны эргэлт нь зогсохоос сэргийлэх хэрэгтэй. Гэхдээ шингэн зүйл уулгахдаа бага багаар өгөхгүй бол бөөлжиж магадгүй. Мэдээж дээрх зөвлөгөө насанд хүрсэн хүмүүст ч хамаатай гэдгийг анхаараарай. Гэрийн нөхцөлд дээрх аргыг хэрэглээд намдахгүй бол эмчид хандахаа мартуузай.