Нийслэл Улаанбаатар хотноо Ази тивийн аварга шалгаруулах 100 буудалт даамын тэмцээн үргэлжилж байна. Өнөөдөр тус тэмцээний сүүлийн өргийн тоглолт болж, тивийн аваргууд тодорлоо. Энэ удаагийн тивийн аваргад түрүүлсэн Р.Манлай их мастерын болзол хангаад байна.
Эрэгтэйчүүдийн ангилалд таван улсын 24 даамчин өрсөлдсөнөөс Дэлхийн даамын холбооны мастер Р.Манлай 14 оноогоор түрүүлсэн бол их мастер, Азийн таван удаагийн аварга, Гавьяат тамирчин Д.Эрдэнэбилэг 13 оноо, их мастер Д.Баттулга 12 оноогоор удаалав.
Өнөөдөр болсон сүүлийн ес дэх өрөгт Р.Манлай Д.Баттулгад, Д.Эрдэнэбилэг БНХАУ-ын Жао Вэнлонд хожигдсон байна. Тэмцээний IV-X байрт Монголын дөрөв, БНХАУ-ын хоёр, Узбекистаны даамчин оржээ. Сүүлийн таван жил манай тамирчид 100 буудалт даамын төрөлд аваргалж байгаа билээ.
Энэ сарын 30, 31-ний өдөр “Буянт-Ухаа” спорт цогцолборт Сонирхогчдын сүмо бөхийн дэлхийн аварга шалгаруулах тэмцээн болно. Их аварга Хакүхо Даваажаргал тэргүүтэй монгол сүмочид энэхүү тэмцээнийг үзэж сонирхон, гарын бэлгээ гардуулахаар эх орондоо ирээд байгаа билээ. Энэхүү тэмцээнийг үзсэн үзэгчдийн дунд азтан шалгаруулж Самсунг галакси-7 утас болон Ланд-200 маркийн автомашинаар шагнахаар болжээ.
Ардчиллын удирдагч, төр нийгмийн зүтгэлтэн С.Зориг агсны амийг хөнөөсөн хэргийг илрүүлэх ажлын хэсгийнхэн өнгөрсөн хугацаанд эхнэр Б.Булганыг Төв аймгийн цагдан хорих төвд ганцаарчлан хорьсоор удаж байгаа билээ.
Монгол Ардын намын Удирдах зөвлөл өнөөдөр хуралдаж дөрвөн сайдын нэрсийг тодорхой болголоо. Үүнд:Хүнс, Хөдөө Аж Ахуй, Хөнгөн үйлдвэрийн сайдаар П.Сэргэлэн, Эрүүл Мэндийн сайдаар А.Цогцэцэг, Эрчим Хүчний сайдаар Т.Энхтайван, Барилга, Хот Байгуулалтын сайдаар Г.Мөнхбаяр нарыг нэр дэвшүүлэхээр баталлаа.
Монгол Ардын намын Удирдах зөвлөлийн хуралдаанаар Д.Амарбаясгаланг Ерөнхий нарийн бичгийн даргын үүрэг гүйцэтгэгчээр томилсон байна. Өмнө нь энэ албыг Ж.Мөнхбат хашдаг байсан юм. Намын дүрэмд Ерөнхий нарийн бичгийн даргыг намын Бага хурлаар сонгодог заалттай. Энэ дагуу Д.Амарбаясгалан намын Бага хурал болтол үүрэг гүйцэтгэгчээр ажиллаж байгаад жинхлэх аж.
“Дэлхийн хепатитын өдөр” өнөөдөр тохиож байна. Энэ өдөр элэгний өвчлөлийн эсрэг цогц үйлчилгээг иргэдэд үзүүлэх үйл ажиллагааг 10:00-12:00 цагт Чингисийн талбайд зохион байгуулахаар болсон тухай хэвлэл мэдээллийн хэрэгслээр зарласан. Гэвч үйл ажиллагаа цагтаа эхлэхгүй хүлээлгэж байгаад талбайд цугласан иргэд бухимдаж байв. 
Монгол Ардын намын Удирдах зөвлөл Төрийн ордонд яг одоо хуралдаж байна. Уг хурлаар эзэнгүй байгаа дөрвөн яамдын сайд нарын нэрийг хэлэлцэж байгаа аж. Баттай эх сурвалжийн мэдээлснээр Түлш, Эрчим хүчний дэд сайд асан Т.Энхтайван, Хотын захирагчаар ажиллаж байсан Г.Мөнхбаяр нарын нэрс нам дээрээ дэмжлэг авч аль нэг салбарын сайдад нэр дэвших нь тодорхой болжээ. Харин үлдсэн хоёр сайд нь хэн, хэн байх нь одоогоор тодроогүй байгаа аж.
Бразилийн Рио де Жанейро хотноо зуны олимпийн XXXI наадам эхлэхэд найм хоногийн хугацаа үлдлээ. Монголын багийн албаны хүмүүс, эмч, тогооч нар өнгөрсөн долоо хоногт Риод очсон бол өчигдөр буюу долоодугаар сарын 27-нд тамирчдын түрүүч болох бокс, байт харвааныхан олимпийн хотод хүрэлцэн очжээ.
Засгийн газар анхдугаар хуралдаан
Нийслэлийн Засаг даргын санаачилгаар Зүүн хойд Азийн хотын дарга нарын форум 3 дахь “Хотуудын ногоон өсөлт-Эрчим хүчний ногоон шийдлүүд” сэвдийн хүрээнд 2016 оны 08 дугаар сарын 03, 04-ний өдрүүдэд Улаанбаатар хотноо болно.