2016-2019 оны соёлын солилцооны тухай Монгол Улсын Засгийн газар, БНСУ-ын Засгийн газар хоорондын хөтөлбөрт Монгол Улсын БСШУ-ны сайд Л.Гантөмөр, БНСУ-ын Гадаад хэргийн сайд Юн Бён Сэ нар гарын үсэг зурав.
Соёлын өвийн салбарт хамтран ажиллах тухай Монгол Улсын БСШУЯ, БНСУ-ын Соёлын өвийн захиргаа хоорондын харилцан ойлголцлын Санамж бичигт Монгол Улсын БСШУ-ны сайд Л.Гантөмөр, БНСУ-ын Соёл, спорт, аялал жуулчлалын дэд сайд Чон Гван Жү нар гарын үсэг зурав.
Соёлын бүтээлч үйлдвэрлэлийн салбарт хамтран ажиллах тухай Монгол Улсын БСШУЯ болон БНСУ-ын Соёл, спорт, аялал жуулчлалын яам хоорондын харилцан ойлголцлын Санамж бичигт Монгол Улсын БСШУ-ны сайд Л.Гантөмөр, БНСУ-ын Соёл, спорт, аялал жуулчлалын дэд сайд Чон Гван Жү нар гарын үсэг зурав.
Турк улсад үүссэн эмх замбараагүй байдалтай холбогдуулан Бүгд Найрамдах Турк Улсаас Монгол Улсад суугаа Онц бөгөөд Бүрэн эрхт Элчин сайд Мурат Карагөз сэтгүүлчдэд мэдээлэл хийлээ.
БНСУ-ын Ерөнхийлөгч Пак Гын Хэ-гийн Монгол Улсад хийж байгаа албан ёсны айлчлалын үеэр баримт бичгүүдэд гарын үсэг зурах ёслол Төрийн ордны Ёслол, хүндэтгэлийн их танхимд боллоо.
Туркийн Ерөнхийлөгч П.Эрдагон төрийн эргэлт хийхийг оролдсон цэрэг армийнхныг Фетулла Гуллен удирдсан хэмээн үзэж байгаагаа хэлсэн. Фетулла Гуллен нь Лалын шашны нөлөө бүхий хүмүүсийн нэг бөгөөд тэрээр өмнө нь ерөнхийлөгч Режеп Тайип Эрдогантай дотно нөхөрлөдөг байгаад үл ойлголцлын улмаас АНУ-д дүрвэн амьдарч байгаа юм.
Ирэх наймдугаар сарын 5-21-ны өдрүүдэд Бразилийн нийслэл Рио де Жанейро хотноо “Рио 2016” олимпийн наадам болно. Тус наадамд Монгол Улсаа төлөөлөн оролцох баг тамирчдыг үдэн гаргах ёслолын ажиллагаа энэ сарын 20-ны 11:00 цагт Чингисийн талбайд болох юм байна.
Аймаг сумдын баяр наадам 14,15-ны өдрүүдээс эхэлсэн билээ. Өчигдөр Хөвсгөл аймгийн баяр наадам өргөн дэлгэр болж өндөрлөлөө. Аймгийн баяр наадамд Хөвсгөл аймгийн Шинэ-Идэр сумын харьяат аймгийн начин Ц.Сандагдорж түрүүлэн аймгийн арслан болж, Тосонцэнгэл сумын заан Н.Даваахүрэл үзүүрлэж, аймгийн заан болжээ. Түрүү бөх Ц.Сандагдорж , улсын харцага Ц.Содномдорж нартай шөвгийн дөрөвт үлдсэн, аймгийн начин Н.Жаргалбат Хөвсгөл аймгийн Цагаан-Үүр сумын харьяат Дарийн Дамдин аваргын удам дамжсан бөх ажээ. Харин улсын начин Л.Лха-Очироор тав давж, аймгийн начин Х.Тулгатай тунаж барилдаад зургаа давж, улсын харцага Ц.Содномдоржоор долоо даван, Ц.Сандагдоржтой барилдан үзүүрлэж, сумын заанаас, аймгийн заан болсон Н.Даваахүрэл Хангайн бүсэд хурдан халиун морьдоороо алдаршсан, Хөвсгөл аймгийн алдарт уяач Д.Ням-Очир агсны хүү ажээ.
Ази-Европын 11 дэх удаагийн АСЕМ-ийн уулзалтын үеэр олон жил яригдсан Камбож улсад үзүүлэх Бээжингийн тусламж эцэслэн шийдэгдсэн нь олон улсын анхаарлыг татлаа. Олон жилийн өмнөө Бээжин, Камбож улсад 600 сая ам.долларын тусламж үзүүлнэ хэмээн мэдэгдэж байсан ч өнөөг хүртэл уг асуудал гацаад байжээ.