Өчигдөр АНУ-ын Миссури мужид халдлага болж гурван цагдаа амиа алдаж, гурван хүн шархадсан байна.
Миссури мужид амьдрагч нэгэн этгээд отож байгаад гурван цагдааг буудан хороосон байна. Энэ хэрэг Миссури мужийн Ватонруж хотод өчигдөр амралтын өдөр болжээ. Далласт болсон халдлагын уламаас таван цагдаа алагдаж, орон даяар өндөржүүлсэн бэлэн байдалтай байсан үеэр энэ хэрэг гарав.
Гавин Лонг гэж тодорхойлсон Канзас хотын иргэн өөрийн 29 насны төрсөн өдрөөр хоёр цагдаагийн туслахыг хөнөөсөн хэрэг мөн гарч байжээ. Лонг нь Африк гаралтай Америк байсан бөгөөд 2010 онд Иракт цэргийн үүрэг гүйцэтгэгчээр ажиллаж байсан түрүүч цолтой байсан аж. Тэрээр цагдаа нарын суманд өртөн нас барсан бөгөөд AR-15 загварын хагас автомат буу ашигласан гэж СNN-д цагдаагийн газраас мэдээлжээ. Нас барсан цагдаа Монтрелл Жексон нь долдугаар сарын 8-нд өөрийн Фейсбүүк хуудаснаа өнгөрөгч долдугаар сарын 5-ны халдлагаар нас барсан цагдаагийн амь насанд харамсаж байгаагаа илэрхийлэн “Үзэн ядалт таны зүрх сэтгэлийг халдварлуулахыг бүү зөвшөөр” гэж бичсэн байжээ.
О.ӨНӨР
УИХ-ын дарга М.Энхболд манай улсад албан ёсны айлчлал хийж байгаа Бүгд Найрамдах Солонгос Улсын Ерөнхийлөгч Пак Гын Хэд өнөөдөр бараалхав.
Тулгар төрийн 2225, Их Монгол Улсын 810, Ардын хувьсгалын 95 жилийн ойн аймгуудын баяр наадмын түрүүч болох Завхан аймгийн наадам долдугаар сарын 8, 9-нд болж өнгөрчээ.
Онцгой байдлын албаны албан хаагчид баяр, амралтын өдрүүдэд гамшиг, ослын нийт 146 дуудлагаар ажиллажээ. Энэ хугацаанд аврах, шуурхай албаны 882, гал унтраах 963, нийт 1845 нэгж тусгай зориулалтын автомашин, 3438 албан хаагч (давхардсан тоогоор) үүрэг гүйцэтгэсэн бөгөөд сахилга, ёс зүйн зөрчил, дутагдалгүй ажилласан болно гэж Онцгой байдлын ерөнхий газраас мэдээллээ.
Үндэсний их баяр наадамтай, АСЕМ-ын дээд хэмжээний чуулга уулзалт болж буйтай холбогдуулан томоохон худалдааны төв болон захуудыг амраасан билээ. Тэгвэл өнөөдрөөс эхлэн зарим худалдааны төвүүд үйл ажиллагаагаа явуулж эхэлж байна. 
Ардчилсан намын Үндэсний зөвлөлдөх хороо өнөөдөр 18:00 цагт хуралдана. Хуралдаанаар намын шинэчлэлийн асуудлаа ярилцахаар болсон байна. Мөн Үндэсний зөвлөлдөх хорооны гишүүд намын дүрмийн шинэчлэлийг хэлэлцэнэ гэсэн мэдээлэл байна. 
Тулгар төрийн 2225 жил, Их Монгол Улс байгуулагдсаны 810 жил, Үндэсний эрх чөлөө, тусгаар тогтнолоо сэргээн мандуулсны 105 жил, Ардын хувьсгалын 95 жил, Үндэсний их баяр наадамд 70 жилийн түүхт Зэвсэгт хүчний “Алдар” спорт хорооны тамирчид илүүрхэн өнгөллөө. 
БНСУ-ын Ерөнхийлөгч Пак Гын Хэ-ийн манай улсад хийж буй албан ёсны айлчлал үргэлжилж байна. Тэрбээр өчигдөр Ерөнхийлөгч Ц.Элбэгдоржтой албан ёсны хэлэлцээ хийж, хоёр улсын хооронд байгуулсан баримт бичигт гарын үсэг зурах ёслолд оролцсон.
НӨАТ-ын урамшууллын хонжворт сугалааны ээлжит тохирол өчигдөр болж азтануудаа тодрууллаа. Энэхүү тохиролд 14 хоногийн дотор бүртгэгдсэн сугалаанууд хамрагддаг. Энэ удаагийн тохирол зургаадугаар сарын 01-31-ний хооронд бүртгэгдсэн сугалаанууд хамрагдсан байна. Шинээр батлагдсан журмын дагуу зөвхөн бүртгэгдсэн баримтууд сугалаанд оролцлоо.
Энэ сарын дундуур Хөвсгөл, Баян-Өлгий, Ховд аймгуудад тарваган тахал өвчний шинж тэмдэг илэрсэн тухай тус аймгуудын онцгой комисс мэдээллээ. Уг өвчин нь тарваганы бөөс, бүүрэг тахлын нянг нэг мэрэгчээс нөгөөд, мөн хүнд дамужуулдаг онцлогтой тул байгальд “Амьтан-Бүүрэг-Амьтан” гэсэн хэлхээгээр тарваган тахлын байгалийн голомт оршин байдаг. 7-9 дүгээр сард тарваганы тарга тэвээрэг, арьс, үс гүйцэхийн зэрэгцээ бөөс, бүүргээр өвчин дамжих оргил үе нь болдог тул өвчтэй, халдвартай тарвага бусад мэрэгч амьтан болон тарваган тахлын нянг агуулсан бөөс, бүүрэг олширч, байгалийн голомтоос халдвар тархах аюул эрс нэмэгддэг. Тарвага агнах, өвчих, нойтон арьсаар оролдох, ичээ нүх дошны дэргэд суух үед бөөс, бүүргэнд хазуулах эрсдэл үүснэ.