БНСУ-ын Ерөнхийлөгч Эрхэмсэг хатагтай Ерөнхийлөгч Пак Гын Хэ Улаанбаатар хотноо зохион байгуулагдсан АСЕМ-ийн 11 дэх удаагийн дээд түвшний уулзалтад оролцоод долдугаар сарын 17-18-ны өдрүүдэд Монгол Улсад албан ёсны айлчлал хийсэн билээ. Ийнхүү БНСУ-ын Ерөнхийлөгч Пак Гын Хэгийн монгол дахь албан ёсны айлчлал өнөөдрөөр дуусч байна.
Солонгосын Ерөнхийлөгчийг Монгол Улсын Гадаад Хэргийн сайд Л.Пүрэвсүрэн болон албаны бусад хүмүүс гаргаж өглөө.Энэ үеэр хүндэт харуул жагсаж ёслол төгөлдөр үдэлт хийв.
ХатагтайПак Гын Хэ “Чингис хаан” олон улсын нисэх буудлаас онцгой үүргийн онгоцоор нутаг буцлаа.
БНСУ-ын Ерөнхийлөгчийн Монгол Улсад хийж буй албан ёсны айлчлалын хүрээнд хоёр тал хамтын ажиллагааны 20 гаруй баримт бичигт гарын үсэг зурсан байна.Тухайлбал БНСУ-ын Эдийн засгийн хамтын ажиллагааны сан /EDCF/-гийн 19.6 сая ам.долларын хөнгөлөлттэй зээлээр “Ухаалаг боловсрол” төслийг хэрэгжүүлэх зээлийн хэлэлцээрт гарын үсэг зурлаа. Төслийн хүрээнд Монгол Улсын ерөнхий боловсролын сургуулиудад смарт анги байгуулах, сургалтын арга зүйг сайжруулах, орчин үеийн смарт тоног төхөөрөмж дээр хичээл заах, багш нарыг чадваржуулах зэрэг олон талын үр дүн гэлээ.
Мөн EDCF сангийн 25 сая ам.долларын зэээлээр “Улс, хот хоорондын нийтийн тээврийн үйлчилгээнд дэмжлэг үзүүлэх төсөл”-ийн 2 дугаар шатны зээлийн хэлэлцээрт гарын үсэг зурав. Энэхүү төслийн хүрээнд Монгол Улс хот хоорондын тээвэрт зориулж том оврын 200 автобус авч ашиглах юм. Төсөл хэрэгжсэнээр манай хот хоорондын тээврийн үйлчилгээ сайжрахаас гадна автобусны засвар үйлчилгээ, тээврийн чиглэлийг боловсронгуй болгох зэрэг чиглэлд дэвшил гарна хэмээн Гадаад хэргийн яам мэдээллээ.
Ардчилсан намын Гүйцэтгэх зөвлөл хуралдаж дуусчээ. Хуралдаанаар өнөөдөр орой хуралдах Үндэсний зөвлөлдөх хорооны хуралдаанаар дараахь асуудлыг хэлэлцүүлэхээр тогтсон байна.
Азийн алдартай парти брэнд болсон “TOUCH ME”-г монголд анх удаа зуны задгай шоу болгон зохион байгуулах гэж байна. “TOUCH ME-SUMMER 2016” задгай фестивал нь энэ сарын 22-ны баасан гаригт “Монгол шилтгээн” цогцолборт болно. Энэ удаад 5000 орчим монгол, 1000 гаруй гадаадын иргэд оролцох боломжтой гэлээ.
“Зориг сан”-гийн “Залуучууд ба Боловсрол” төслийн хүрээнд хэрэгжүүлдэг “Ардчилал зуны зуслан” ирэх наймдугаар сарын 8-18-ны хооронд үйл ажиллагаагаа эхлэх урьдчилсан тов гарчээ. Тус зуслангаар дамжуулан 19-22 насны залуу үеийн төлөөлөл болсон ирээдүйн удирдагч нарт ардчиллын үндэс, үнэ цэнэ, хууль тогтоомж, түүний хэрэгжилт, нийгэмд өөрийгөө таниулах болон нийгмийн идэвхтэй оролцооны талаарх мэдлэг олгох юм байна.
Монголд зохион байгуулагдаж буй сумо бөхийн ДАШТ-ий үзэгчдийн дундаас азтануудыг тодруулан дараахь СУПЕР ШАГНАЛУУДЫГ өгөхөөр боллоо. 
Өглөө 11:00 цагт товлогдоод байсан МАН-ын Удирдах зөвлөлийн хурал эхэлжээ. Уг хуралдаанаар Засгийн газрын бүтэц бүрэлдэхүүн, яамдыг толгойлох сайд нарын асуудал яригдаж сайд нарын нэрс эхнээсээ тодорч эхэлжээ. Тухайлбал, Засгийн газрын хэрэг эрхлэх газрын даргад УИХ-ын гишүүн Ж.Мөнхбат, Сангийн сайдад УИХ-ын гишүүн Б.Чойжилсүрэн, Гадаад хэргийн сайдад УИХ-ын гишүүн Ц.Мөнх-Оргил, Байгаль орчин, ногоон хөгжил, аялал жуулчлалын сайдад УИХ-ын гишүүн Д.Оюунхорол нарыг санал болгохоор Удирдах зөвлөлийн хуралдаан руу оруулахаар болсон гэх яриа байна. 
Баянзүрх дүүргийн өмч, газрын харилцааны албаны дарга Н.Батсүхийг улсын баяр наадмын өмнө баривчилжээ. Түүнийг бусдаас их хэмжээний бэлэн мөнгө бүхий авлига авч байхад нь үйлдэл дээр нь Эрүүгийн цагдаагийн газрын Эдийн засгийн гэмт хэрэгтэй тэмцэх хэлтсийн албан хаагчид барьжээ.
“Алибаба” онлайн худалдааны сүлжээ хамгийн том мөнгөн дүнтэй IPO хийсэн гэдгээрээ дэлхийн түүхэнд үлдсэн юм. Тэгвэл түүнийг үндэслэгч тэрбумтан Жак Ма Монголд ирэх гэж байна. Алибаба сүлжээ нь Хятадын онлайн худалдааны 80 хувийг гүйцэтгэдэг ажээ. Тэрбээр Хятадын хамгийн баян эрхэм билээ. Түүний компани өдөр бүр 100 мянган худалдан авагчтай харилцаж арилжаа наймаанд нь зуучилдаг юм. 30 мянган ажилтантай, зөвхөн урд хөршид гэхэд л шууд болон шууд бусаар 14 сая ажлын байр бий болгосон гэсэн аварга тоо дуулддаг.
Баян-Өлгий аймгийн удирдлагын зүгээс эхний ээлжинд үерт өртсөн 640 хүнд гэр болон хоол хүнсний туслалцаа нэн шаардлагатай байгааг Улсын Онцгой комисс, Онцгой байдлын ерөнхий газарт ирүүлжээ. Энэхүү хүсэлтийн дагуу Улсын Онцгой комиссоос үерт өртсөн айл өрх, иргэдэд 70 гэр, 14.000 ширхэг цэвэр ус, 14.000 ширхэг махан нөөш, 3.5 тн гурил, 3.5 тн будаа, 700 кг цай, 700 кг давс, 1400 кг элсэн чихэр, ариутгал халдваргүйтгэлийн бодис хлорын шохой 200 кг, хлорамин 90 кг нийт 126.2 тонн ачаа бүхий зургаан тээврийн хэрэгслийн цуваа 2016 оны 07 дугаар сарын 15-ны өдөр Улаанбаатар хотоос хөдөлсөн билээ.