Монгол Улсын Их Хурлын дарга М.Энхболд манай улсад албан ёсны айлчлал хийж байгаа Бүгд Найрамдах Солонгос Улсын Ерөнхийлөгч Пак Гын Хэд өнөөдөр үдээс өмнө бараалхав. Эрхэмсэг хатагтай Ерөнхийлөгч Пак Гын Хэ цаг зав гарган уулзаж байгаад нь Улсын Их Хурлын даргад талархал илэрхийлээд Улсын Их Хурлын даргаар нь сонгогдсонд нь баяр хүргэж амжилт хүсэв.
Хатагтай Ерөнхийлөгч Пак Гын Хэ хоёр орны эдийн засгийн хамтын ажиллагааны боломж их байгаа хэдий ч хөрөнгө оруулалт, худалдааны эргэлт төдийлөн их биш байгаад анхаарч үүнийг улам өргөжүүлэх, хамтын ажиллагааны уламжлалт салбаруудын зэрэгцээ мэдээллийн технологи, эрүүл мэндийн зэрэг шинэ салбарт хамтын ажиллагааг хөгжүүлэх боломжтойг дурдав
Түүнчлэн БНСУ-д ажиллаж амьдарч байгаа гадаадын иргэд, тэр дундаа монгол иргэдийн ажиллаж амьдрах нөхцөл бололцоог сайжруулах, аюулгүй байдлыг хангахад Засгийн газрын зүгээс анхаарч ирсэн. Би Ерөнхийлөгч болсноосоо хойш гадаадын иргэдийн визийг хөнгөвчлөх чиглэлээр 5 удаа арга хэмжээ авсан, цаашид ч энэ асуудалд анхаарах болно гэв.
Мөн БНСУ-д манай улсын хамгийн олон иргэн гэрээгээр болон хувиараа ажил хөдөлмөр эрхэлж байгаа бөгөөд манай иргэдийн ажиллах, амьдрах нөхцөлийг сайжруулах талаар БНСУ-ын Засгийн газрын зүгээс цаашид ч анхаарч дэмжлэг үзүүлэхийг хүслээ.
Түүнчлэн хоёр орны харилцаанд орон нутгийн төр, захиргааны байгууллагуудын шууд харилцаа, хамтын ажиллагаа чухал ач холбогдолтойг Улсын Их Хурлын дарга онцлоод 2000 онд Улаанбаатар хотын даргаар ажиллаж байхдаа хоёр орны нийслэл хотын найрсаг харилцааг хөгжүүлэх эхлэлийг тавьснаар Улаанбаатар хотод Сөүл, Намянжү хотын нэрэмжит гудамжууд, Сөүл хотод монгол дунд сургууль, соёлын төв, Намянжү хотод Монголын соёлын төв байгуулагдсан зэргийг онцлон дурдаад энэхүү уламжлалт харилцааг улам өргөжүүлэх, Сөүл хотод Улаанбаатар хотын нэрэмжит гудамж байгуулах нь чухал ач холбогдолтой юмгэлээ.
БНСУ-ын Ерөнхийлөгч Пак Гын Хэ-гийн Монгол Улсад хийж буй төрийн айлчлалын хүрээнд Монгол Улсын Эрүүл мэнд, спортын яам, БНСУ-ын Эрүүл мэнд, нийгмийн халамжийн яам хоёр улсын эрүүл мэндийн байгууллагын хамтын ажиллагааг үргэлжлүүлж нэг болон гуравдугаар эмнэлэг, Эх хүүхдийн эрүүл мэндийн үндэсний төв болон Монголын эмийн холбоодтой хамтран ажиллахаар БНСУ-ын Сөүл Сонму эмнэлэг, Кёнбуг, Чүнбүг их сургуулийн эмнэлэг, Дэгү патима, Ёнхүн эмнэлгүүд болоод тус улсын Эмийн холбоо хамтран ажиллахаар өнөөдөр гарын үсэг зурлаа.
Өнөөдөр Батлан хамгаалахын сайд Ц.Цолмон Үндэсний их баяр наадамд илүүрхэн өнгөлсөн “Алдар” спорт хорооны бөхчүүдэд хүндэтгэл үзүүлж, баяр хүргэлээ.
“Рио-2016″ олимпийн наадам эхлэхэд 17-хон хоног үлдлээ. Монголын жүдо бөхийн үндэсний шигшээ багийн дасгалжуулагч О.Балжиннямаар ахлуулсан 60 гаруй тамирчид “Рио-2016” олимпийн бэлтгэлээ Хандгайтад байрлах “Монголын үндэсний олимп” цогцолборт базааж байгаа аж.
Туркийн Ерөнхийлөгч П.Эрдагоны баривчилгаа үргэлжилсээр байна. Тэрээр төрийн эргэлт хийхэд оролцсон гэж 6000 хүнийг хориод байна. Тэдгээр хүмүүсийн дотор “Инкирлик” үндэсний агаарын тээврийн командлагч Бекир Эркан Ван ороод байгаа юм байна. Баривчилгаа үргэлжлсээр тэдгээрээс ихэнх нь цэргийн өндөр албан тушаал эрхэлж байсан хүмүүс байгаа аж. 
Казахстаны хуучин нийслэл Алматы хотод буудалцаан болжээ. Мэдээлж байгаагаар автомат буугаар зэвсэглэсэн үл таних хүн гудамжаар гүйн цагдаа нар руу буудаж эхэлжээ.
МАН-ын Удирдах зөвлөлийн хуралдаан болж өндөрлөлөө. Уг хуралдаанаар Засгийн газрын бүтэц, бүрэлдэхүүний тухай, мөн байнгын хороодын дарга нарыг сонгох тухай яриа байсан ч хэлэлцээгүй, зөвхөн аймгийн Засаг дарга нарын томилгооны асуудлыг хөнджээ.
Азийн хуульчдын холбооны Ерөнхийлөгчдийн 27 дахь дээд хэмжээний чуулга уулзалт энэ сарын 21-22-ны өдрүүдэд Улаанбаатарт болно. АХХ нь 1990 онд Ази, Номхон далайн бүсийн орнуудын хуульчдын ашиг сонирхлыг хамгаалах, мэргэжлийн хариуцлагыг сайжруулах, эрх зүйн боловсролыг дээшлүүлэх чиглэлээр бүс нутгийн Хуульчдын холбоодын тэргүүлэгч нарын хооронд санал, мэдээлэл солилцох, хамтын ажиллагааг дэмжих зорилгоор байгуулагдаж байжээ.