Долдугаар сарын 16-ны өдөр Чехийн Прага хотоос тахийн дөрвөн гүүг онгоцоор авчирч Хустайн нуруунд нутагшуулахаар тавьжээ. Энэ нь Чехийн Засгийн газраас хэрэгжүүлж байгаа “Баруун Монголын дархан газар дахь ховордсон амьтдыг хамгаалах” хөтөлбөрийн хүрээнд хийгдэж буй ажил юм байна. Эдүгээ зургаа дахь удаагаа тахь авчирч нутагшуулж байгаа нь энэ аж. Уг төслийн багийнхан Хустайн нуруунаас өөр дөрвөн тахийг өөрийн онгоцоор зөөн Тахийн талд шилжүүлэн нутагшуулах юм байна.
Прага хотоос тахь нутагшуулах багийнхан наашаа гарахад нь тус улсад суугаа Онц бөгөөд Бүрэн эрхт Элчин сайд Д.Зүмбэрэллхам эл төслийн үйл ажиллагааны ач холбогдлыг чухалчлан тэмдэглэж, төслийг гүйцэтгэхэд оролцож буй бүх байгууллагад талархал илэрхийлжээ.
Банкууд ам.доллар, юань худалдан авах санал ирүүлсэн бөгөөд Монголбанк 2035.00 төгрөгийн нэг ханшаар 21.0 сая ам.доллар, 304.00 төгрөгийн хаалтын ханштайгаар 42.0 сая юанийг тус тус нийлүүлэв. Монголбанк саналыг 100% биелүүлж валютын захад 117.5 сая ам.доллар нийлүүллээ.
Өнгөрсөн жилээс эхлэн Нийслэлийн Засаг даргын санаачилгаар Монголын pок попын хөгжилд үнэтэй хувь нэмэр оруулсан хамтлаг, дуучдыг алдаршуулах зорилгоор “Алдрын Од” одонгоор шагнаж эхэлсэн билээ. “Алдрын од” гардуулах ёслолыг жил бүрийн долдугаар сарын 30-ны өдөр зохион байгуулахаар шийдвэрлэсэн. Энэ жилийн “Алдрын од” одонг ямар хамтлаг, дуучинд олгохоор болсон тухай маргааш мэдээлэл өгөхөөр болжээ.
Монгол Улсад анх удаа сумо бөхийн дэлхийн аварга шалгаруулах тэмцээн зохион байгуулагдах гэж байна. Энэ тэмцээний талаар Монголын сумо бөхийн холбооны Ерөнхий нарийн бичгийн дарга Ө.Төгөлдөрөөс тодруулллаа.
Монгол Төрийн нэрт зүтгэлтэн, Маршал Хорлоогийн Чойбалсангийн мэндэлсний 120 жилийн ой өнгөрсөн жил тохиосон билээ. Энэ ойтой холбогдуулан түүний хөшөөг Дорнод аймгийн Чойбалсан хотын төв цэг Тусгаар тогтнолын талбайн гол цэгт босгожээ. Хөшөөний нээлтийн ажиллагаа өнөөдөр болсон байна.
Улаанбаатар хотын дулааны төв шугамд энэ зун хийгдэх
Эрдэнэт хот байгуулагдсаны 40 жилийн ой тохиож байгаа аж. Үүнтэй холбогдуулан шинээр 21 аймгийн нэрийн хуудас болсон байгалийн үзэсгэлэнт газруудыг баримлаар дүрслэн цэцэрлэгт хүрээлэн бүтээжээ. Аймаг бүрийн бэлгэдэл болсон тэдгээр байгууламжийг 1.5-3 метрийн хэмжээтэй урласан байна. Мөн Сүхбаатарын хөшөөг ч урлажээ.
