Ерөнхийлөгчийн тамгын газрын дарга П.Цагаан дөнгөж сая сэтгүүлчдэд мэдээлэл хийлээ. Тэрбээр “Ерөнхий сайдаас өчигдөр 81 хуудастай зөвшилцөх санал Ерөнхийлөгчид ирсэн. Үүнийг Ерөнхийлөгчийн тамгын газар шахуу хугацаанд нягталж үзсэн. Ингээд гурван саналыг илэрхийлсэн. Нэгдүгээрт, үндсэн чиг үүргийн яамдын тоог нэмэх санал нь “давхар дээл”-ийг үргэлжлүүлэх гэж байна. МАН-ын хувьд сонгуульд дэвшүүлсэн мөрийн хөтөлбөртөө “давхар дээл”-ийг дэмжихгүй гэж байсан. Тэгэхээр одоо ард түмэнд өгсөн энэ амлалтаасаа санал нь зөрж байна.
Мөн Аж үйлдвэрийн яамыг татан буулгаж байгааг дэмжихгүй байгаа. Монгол Улс бие даасан эдийн засгийн бодлогыг хангахад үйлдвэржилт хэрэгтэй.
Түүнчлэн төр, засгийн байгууллагын нэр, хаяг, бүтэц зохион байгуулалт тогтвортой байж байж өгөөжтэй байна гэж үздэг. Гэтэл ямар нэгэн тооцоо судалгаагүйгээр яамдын нэрийг өөрчилсөн байна. Тухайлбал Гадаад хэргийн ямаыг Гадаад харилцааны яам гэж нэрлэхээр болсон байна. Ингэж өөрчилж байгаа нь ямар үндэслэлтэй нь тодорхойгүй байна. Оруулж ирсэн 81 хуудас материалд нь тоо баримт ховор, тодорхой биш байсан. Төрийн залгамж чанарыг хадгалах ёстой. Хэрэв тэгэхгүй төрийн албыг цалгардуулах, төрийн мэргэшсэн албан хаагчдыг олноор халж сэлгэх, төр, засгийн үйл ажиллагааны залгамж шинжийг алдагдуулах, монгол төрийн ой санамжийг саармагжуулах зэрэг олон сөрөг үр дагавар дагуулах санал гэж үзсэн юм. Ийм байсан учраас дэмжихгүй гэж Ерөнхийлөгч хэлж байгаа юм” гэдгийг тайлбарлалаа.
Ер нь төрийн залгамж шинж, мэргэшсэн албан хаагчдаа хадгалж явах нь зүйтэй гэж үзэж байгаа, төр засгийн бүтэц бүрэлдэхүүнийг өөрчилж солиод байх нь улс орны эрх ашигт хортой гэдгийг нэмж онцоллоо.
Ерөнхий сайд Ж.Эрдэнэбат Засгийн газрын бүтэц, бүрэлдэхүүний тухай хуулийн төслүүдийг УИХ-д өнөөдөр үдээс хойш өргөн мэдүүлсэн юм. Тэгвэл үдээс өмнө энэхүү бүтцийг Монгол улсын Ерөнхийлөгч дэмжихгүй гэдгээ мэдэгдсэн. Харин Ерөнхий сайд Ж.Эрдэнэбат өөрийнхөө бүрэн эрхийнхээ хүрээнд тогтоолын төслүүдийг УИХ-ын дарга
Наадам дуусч хүн бүрийн намрын ажил эхэлдэг. Эцэг эхчүүдийн намрын гол том ажил болох бяцхан үрсээ сургууль цэцэрлэгт бүртгүүлэх билээ. Энэ жил нэгдүгээр ангид элсэх сурагчдын бүртгэлийг намар зохион байгуулахаар болсон. Тэгвэл ирэх 8 дугаар сарын 22-ноос 28-ны хооронд нэгдүгээр ангид элсэх сурагчдын болон цэцэрлэгийн бүртгэлийг эхлэхээр болжээ. Тодруулбал 2016-аас 2017 оны хичээлийн жилийн нэгдүгээр ангид, 2010 оны 1 дүгээр сарын 1-ээс 2010 оны 12 дугаар сарын 31-нийг хүртлэх хугацаанд төрсөн хүүхдүүдийг элсүүлэх бөгөөд таван настай буюу 2011 оны нэгдүгээр сарын 1-нээс хойш төрсөн хүүхдийг бүртгэхгүй болохыг Боловсролын яамнаас анхааруулж байна. 
Монгол Улсын Засгийн газрын тогтоолоор жил бүрийн долдугаар сарын 29, 30-ны өдрийг Бүрэн эрхт байдал, чөлөөт сонгуулийн тэмдэглэлт өдөр болгохоор шийдвэрлэсэн. Энэ өдрийг тохиолдуулан өнгөрсөн жилээс эхлэн “Найрсаг Улаанбаатар” хөтөлбөрийн хүрээнд нийслэлийн Засаг даргын санаачилгаар Монголын pок попын хөгжилд үнэтэй хувь нэмэр оруулсан хамтлаг, дуучдыг алдаршуулах зорилгоор “Алдрын Од” одонгоор шагнаж, “Алдрын од” гардуулах ёслолыг жил бүрийн 7 сарын 30-ны өдөр зохион байгуулахаар шийдвэрлэсэн. Хамгийн анхны “Алдрын Од” одонг Монголын рок попын анхдагчуудын нэг Соёл-Эрдэнэ хамтлаг хүртэж, “Соёлын төв өргөө”-ний урд тус хамтлагийн “Алдрын од”-ын дурсгалын самбарыг байршуулан, “Хонхны дуу” клубээс 100 сая төгрөгөөр “Алдрын Од”-ын эздийг шагнаж урамшуулсан юм. 
Монгол Улсын Үндсэн хуулийн Гучин есдүгээр зүйлийн 2 дахь хэсэгт заасны дагуу Монгол Улсын Ерөнхийлөгчтэй зөвшилцсөний үндсэн дээр ийнхүү Улсын Их Хуралд өргөн мэдүүлж буйгаа Ерөнхий сайд Ж.Эрдэнэбат танилцуулав.
Өнөөдөр төр, засгийн тэргүүнүүд, спортын зүтгэлтнүүд, олон нийт олимпийн наадамд оролцох тамирчдаа төв талбайдаа цуглан үдэх гаргах ёслолыг хийсэн билээ. Энэ үеэр Монголын жүдо бөхийн холбооны ерөнхийлөгч Х.Баттулгаас сэтгэгдлийг нь сонслоо.
Нийслэлийн Засаг дарга С.Батболдын “Даншиг наадам-Хүрээ цам” наадам зохион байгуулах тухай А/587 тоот захирамжаар байгуулагдсан ажлын хэсгийн анхны хурал өнөөдөр боллоо. Нийслэлийн Засаг дарга бөгөөд Улаанбаатар хотын Захирагч С.Батболд “Найрсаг Улаанбаатар” хөтөлбөрийн хүрээнд “Даншиг наадам-Хүрээ цам” наадмыг өнгөрсөн оноос зохион байгуулсан. Жуулчны улирлын үед тэдэнд үзүүлэх юмтай байх, үндэсний зонхилох шашны соёл уламжлалыг төрийн зүгээс дэмжих, соён гэгээрүүлэх, хүмүүжүүлэх үр нөлөөг нь нэмэгдүүлэх, зан үйл, өв соёлыг нь хадгалан үлдэх, ард иргэд, дэлхий нийтэд сурталчлах зорилгоор энэхүү наадмыг уламжлал болгон зохион байгуулахыг дэмжиж байна” гээд ажлын хэсгийн гишүүдэд хариуцсан ажлаа төсвийн хэмнэлттэй, чанартай гүйцэтгэхийг үүрэг болголоо. Мөн тэрээр наадмын үеийн цаг агаар, талбайн тохижилт, худалдаа үйлчилгээ, наадамчид, гаднын зочдын аюулгүй байдлыг хангаж ажиллахыг холбогдох албаныханд анхааруулав гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
НӨАТ-ын урамшуулал системийн 13 дахь сугалааны тохирлоор 20 сая төгрөг болон дөрвөн сая төгрөг хожсон азтаны төлөөллүүдэд өнөөдөр батламжаа гардлаа. Энэ удаагийн тохирлоор 20 сая төгрөгийн гурван азтан тодорсон. Тэдний нэг нь найман настай Б.Энхлэн нийслэлийн 20 дугаар сургуулийн хоёрдугаар ангид сурдаг аж. Б.Энхлэн гэрийнхээ ойролцоох дэлгүүрээс кофе, элэгний нухаш, талхыг 3900 төгрөгөөр худалдан авч, 20 сая төгрөгийн азтан болсон байна. “НӨАТ-ын сугалааны баримтыг манай нагац эгч маань бүртгүүлж өгсөн юм. Их мөнгө хожсон тухайгаа ээждээ хэлэхэд итгэхгүй байсан” гэж ярьсан байна. 
Өнөөдөр Риогийн олимпод оролцох тамирчдыг үдэх үеэр паралимпийн наадамд оролцох спортын мастер, байт харвааны тамирчин Б.Оюун-Эрдэнэтэй товчхон ярилцлаа