“Өдрийн сонин”-ы пүрэв гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Бразилийн нийслэл Рио- де Жанейро хотноо ирэх наймдугаар сарын таванд Олимпийн наадам эхэлнэ. Риогийн олимпод оролцох тамирчдаа үдэн гаргах ёслол өчигдөр Чингисийн талбайд болсон билээ. Энэхүү ёслолоос хийсэн “Риогийн олимпод оролцох Монголын баг тамирчдыг үдэх ёслол боллоо” хэмээх сурвалжлагыг өнөөдрийн дугаартаа онцоллоо.
Улс төрийн хоёрдугаар нүүрнээс Ерөнхийлөгчийн тамгын газрын дарга П.Цагаан Засгийн газрын бүтэцтэй холбогдуулан хэвлэлийн хурал хийсэн талаар, уншиж сонирхоорой. Мөн МУИС-ийн Улс төр судлалын тэнхимийн эрхлэгч, доктор, дэд профессор С.Мөнхбаттай энэ асуудлаар хийсэн ярилцлагыг унших боломжтой. Тэрбээр “Аль нам Засгийн эрх барьж буйгаас үл хамаарч монгол төрийн залгамж чанар хадгалагдаж байх ёстой” гэсэн юм.
“Өдрийн сонин”-ы гуравдугаар нүүрт гарсан аливаа нийтлэл нийгэмд шуугиан тарьж, нийгмийн оюун санааны хамгийн том талбар болж байдаг онцлогтой. Тэгвэл өнөөдрийн дугаарын гуравдугаар нүүрт манай сонины Орлогч эрхлэгч, нэрт нийтлэлч Б.Цэнддоогийн “Шинэ монголын “Шинэ Монгол”” нийтлэл та бүхэнд хүрч байна.
Баримт, үйл явдлын долдугаар нүүрэнд “Нярайн амь эрсэдсэн хэрэгт Ч.Хүрэлбаатар холбогдсон нь түүнд эрх зүйн ухамсар суугаагүйг харуулж байна” гэсэн гарчигтай Өмгөөлөгч Г.Батбаяртай хийсэн ярилцлагыг сонирхоорой.
13 дугаар нүүрний “Хүмүүс” буланд Монгол Улсын соёлын гавьяат зүтгэлтэн, зохиолч яруу найрагч Ай.Төмөр-Очиртай өнөө жилийн баяр наадмын тухай бодол сэтгэлийг нь хуваалцсан шимтэй ярилцлагыг хүлээн авч уншаарай.
Мөн 15 дугаар нүүрний “Соёл урлаг” булангаас “Алдрын Од” одонгоор “Харанга” хамтлагийг шагнахаар боллоо” гэсэн дэлгэрэнгүй мэдээллийг бэлтгэсэн талаар уншиж сонирхоорой.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХЭН ТАНТАЙ ХАМТ
Өнөөдөр Ерөнхий сайд Ж.Эрдэнэбат Засгийн газрын бүтцийн тухай төслөө өргөн барьсантай холбогдуулан Төрийн байгуулалтын байнгын хороо хуралдаж байгаа. Хуралдааны эхэнд УИХ-ын Тамгын газрын ерөнхий нарийн бичгийн дарга Б.Болдбаатарыг өөрийнх нь хүсэлтээр чөлөөлж, оронд нь Ц.Цолмонг томилох тухай асуудлыг хэлэлцэж, Ц.Цолмонг дэмжсэн байна. Мөн энэ өдөр Эдийн засгийн байнгын хороо хуралдаж, Н.Золжаргалыг
Ерөнхий сайд Ж.Эрдэнэбат Засгийн газрын бүтэц бүрэлдэхүүний тухай хуулийг өнөөдөр УИХ-д өргөн барьсан. Үүний дараа МАН-ын бүлэг хуралдаж, Төрийн байгуулалтын байнгын хорооны хурлыг зарласан. Төрийн байгуулалтын байнгын хорооны хурлаар Засгийн газрын бүтэц бүрэлдэхүүний тухай хуулийг хэлэлцэх үед Ардчилсан намын бүлэг завсарлага хүссэн юм. Харин засгаа бүрдүүлэх хуулийн 14 хоногийн хугацаа ирэх баасан гаригт дуусгавар болох юм. Тиймээс одоо хугацаа байхгүй гэдэг үүднээс АН-ын бүлэгт 30 минутын завсарлага өглөө. 
Монгол Улсын Ерөнхийлөгч Ц.Элбэгдоржид ХБНГУ-аас Монгол Улсад суух Онц бөгөөд Бүрэн эрхт Элчин сайд Штефан Дуппел өнөөдөр Итгэмжлэх жуух бичгээ барив. Жуух бичиг барьсны дараа Монгол Улсын Ерөнхийлөгч Ц.Элбэгдорж Элчин сайд Штефан Дуппелийг хүлээн авч уулзсан юм. Уулзалтын үеэр Монгол Улсын Ерөнхийлөгч Ц.Элбэгдорж Монголд ажиллахаар томилогдон ирж байгаад нь Элчин сайдад баяр хүргээд саяхан АСЕМ-ийн дээд түвшний 11 дүгээр чуулга уулзалт Улаанбаатарт үр дүнтэй болж өндөрлөснийг дурдаж, түүнд ХБНГУ-ын Канцлер Ангела Меркель тэргүүтэй төлөөлөгчид амжилттай оролцсоныг тэмдэглэлээ. 
Цагдаагийн байгууллагын түүхт 95 жилийн ой энэ онд тохиож байна. Энэхүү ойг угтсан арга хэмжээ долдугаар сарын 21-22-ны өдрүүдэд болох аж. Ойн босгон дээр өнөөдөр цагдаагийн алба хаагчдад Төрийн дээд одон медаль болон Цагдаагийн газрын шагнал гардуулах үйл ажиллагаа боллоо. 
Ардчилсан намын удирдлагууд сэтгүүлчдэд мэдээлэл өгөхөөр боллоо. Уг мэдээллийг маргааш 11 цагт намынхаа төв байранд хийх юм байна. Энэ долоо хоногийн эхээр Ардчилсан намын ҮЗХ болоод Гүйцэтгэх зөвлөл хуралдсан. Мөн өнгөрсөн дөрвөн жилийн хугацаанд Ардчилсан намын эхлүүлсэн зарим шинэчлэлийн бодлого Ардын намын шинэ засгийн газрын үед алдагдахад хүрээд байгаа билээ. 
