Оросын тамирчин 65 настай Федор Конюков хийн бөмбөлөгөөр 11 өдөр зогсолтгүйгээр дэлхийг тойрч шинэ рекорд тогтоожээ. Тэрээр аялалаа Австралийн Нордхам суурингаас эхэлсэн байна. Энэхүү амжилтыг нь Дэлхийн агаарын спортын холбооноос баталгаажуулжээ. Тэрээр 2002 онд Амеркийн тамирчин Стив Фоссетийн тогтоосон амжилтыг хоёр өдрөөр урагшлуулжээ.
Тэрээр Австралиас эхлээд Шинэ Зеланд, Номхон далай дээгүүр аялж, Өмнөд Америк хүрээд буцаад Австралидаа газардсан байна.
Тэрбээр цахим хуудсандаа “Туйлын урсгал Антрактидрүү чиглүүлэх үед хамгийн эвгүй байсан. Доошоо харахад тэрхүү алс бөглүү газарт ямар ч хуурай газар, ямар ч онгоц байхгүй соёл иргэншлээс хол аймшигтай ганцаардлыг мэдэрч байлаа” гэж бичжээ.
Түүний агаарын бөмбөлөг нь 56 м өндөртэй, гелийн халуун хийгээр дүүргэгдсэн байжээ. Тэрбээр нийтдээ 11 өдөр 6 цагийн замыг туулсан бөгөөд Амеркийн тамирчин Стив өмнө нь 13 өдөр 8 цаг энэхүү зайг туулж байжээ.
О.ӨНӨР
Лос Анжелес хотын хойд хэсгийн уулаар ойн түймэр гарсны улмаас олон зуун хүн гэр орноо орхин дүрвээд байна. Өчигдөр оройноос эхлэн гарсан энэ түймэр 20 мянган акр газрыг хамарч Лос Анжелес хотыг утаагаар бүрхээд байгаа аж.
Одоогоор 900 гаруй гал сөнөөгчид түймрийн голомт дээр ажиллаж байгаа бөгөөд нисдэг тэргээр дээрээс нь усаар шүршин унтрааж байгаа юм байна. Лос Анжелесийн онцгой байдлын албаны дарга Жонн Трипп “1000 өрх одоогийн байдлаар аюултай нөхцөлд байна. Хамгийн муу нь энэ тоо 45 мянга болж өсөж Сан Фернандогийн хөндий хүртэл явах эрсдэлтэй байна” хэмээн мэдээлжээ. 
Хятадын хойд хэсгийн Хэбэй мужад хүчтэй аадар борооны улмаас үер болж 114 хүн нас барж, 111 хүн сураггүй алга болж 300 мянган айл орох оронгүй болсон байна.Орон нутгийн захиргаанаас мэдээлж буйгаар 150 дүүрэг энэхүү үерт автжээ.
Томас Эдисон 1914 оны 12 дугаар сарын нэгэн өдөр лаборатори нь шатахад “Хүүхдүүдээ явж ээжийгээ авчир. Ээж чинь амьдралдаа ийм их гал дахин хэзээ ч харахгүй байх” гэж хошигнон өгүүлсэн байдаг. Түүний хэлсэн үгнээс ямар их эерэг хандлагатай хүн бэ гэдэг нь тодорхой харагддаг. Эдисон гал түймрийн дараа “Би одоо 67-той”. Дахин эхлүүлэхэд тийм ч хөгшин биш байна. Би ийм зүйл ихийг үзлээ” хэмээн хэлж байжээ.
Монголын уяачдын баяр, Монголын шигшмэл хурдан морьдын “Их хурд-7” уралдаан өнөөдөр Хүй долоон худагт болж байна.
Хүн төрөлхтний эв нэгдлийн их наадам болсон Олимпийн наадамд Монгол Улсаа төлөөлөн оролцох баг тамирчдын түрүү өнөөдөр “Чингис хаан” олон улсын нисэх онгоцны буудлаас Бразилыг зорьцгоолоо. Тамирчдын түүчээ болсон боксын шигшээ багийн тамирчдын тоонд Г.Ган-Эрдэнэ /49 кг/, Х.Энх-Амар /52 кг/, Э.Цэндбаатар /56 кг/, Д.Отгондалай /60 кг/, Б.Чинзориг /64 кг/, Б.Түвшинбат /69 кг/ нарын зургаан тамирчин багтаж байна.
Сутай хайрханыг тайх ёслол өнөөдөр болно. Уг ёслолд Ерөнхийлөгч Ц.Элбэгдоржоос гадна Завхан, Говь-Алтай аймгаас сонгогдсон УИХ-ын гишүүд, нутгийн удирдлага оролцох аж. Монгол улсын Ерөнхийлөгчийн зарлигаар Их овоог төрийн тахилгатай болгож 2008 онд анхны тахилгыг хийсэн бөгөөд энэ удаад Сутай хайрханыг тахихдаа Говь-Алтай аймгийн талаасаа авирах юм байна.
Монголын уяачдын баяр, Монголын шигшмэл хурдан морьдын Их хурд уралдаан
Дэлхийд хамгийн ашиг орлоготой цахим худалдаа бол alibaba.com. Үүсгэн байгуулагч нь Хятадын хамгийн баян эрхэм, цэнхэр гаригийн тэрбумтнууд дунд дээгүүрт жагсдаг Жек Ма. “Алибаба” өдөр бүр 100 мянган худалдан авагчтай харилцаж арилжаа наймаанд нь зуучилдаг юм. 30 мянган ажилтантай, зөвхөн урд хөршид гэхэд л шууд болон шууд бусаар 14 сая ажлын байр бий болгосон гэсэн аварга тоо дуулддаг. Өчнөөн мөнгөтэй ч тансаг хэрэглээнд дургүй, дэлхийн дулаарлын эсрэг тэмцдэг ухаалаг тэрбумтнуудын нэг Жек Ма Монголд энэ сарын 25-нд ирэх гэж байна. Дэлхийн тэрбумтан “Хаан жимс” амралтын газар тухлахаар болжээ.