Month: July 2016

Улаанбаатар хотын ерөнхий менежер бөгөөд Захирагчийн ажлын албаны даргаар Т.Гантөмөрийг томилжээ. Т.Гантөмөр нь өмнө нь БЗД-ийн Засаг дарга болон Монгол Улсын Ерөнхий сайдын зөвлөхөөр ажиллаж байжээ. Тэрбээр өнгөрсөн дөрвөн жилд нийслэлийн МАН-ын бүлгийн дэд даргаар албыг хашиж байлаа.

Т.Гантөмөр нь:

-1999-2004 Удирдлагын академи

-1997-1999 ТЗУХ институт

-1991-1993 Улс төрийн их сургууль

-1977-1982 Анагаах ухааны дээд сургууль

-2001 МУИС- ХЗСургуулийг тус тус дүүргэсэн удирдахуйн ухааны доктор (Ph.D), хүний их эмч, улс төр судлаач, төрийн удирдлагын менежер мэргэжилтэй юм байна

Монгол Улсын иргэн О нь 2007 онд БНХАУ-ын Юун Нан мужаас Бээжийн рүү бусадтай бүлэглэн их хэмжээний мансууруулах бодис тээвэрлэсэн хэрэг үйлдэж БНХАУ-ын Бээжийн хотын Хоёрдугаар дунд шатны шүүхийн 2007 оны 12-р сарын 19-ны өдрийн шийтгэх тогтоолоор 15 жилийн хорих ялаар шийтгүүлжээ.

Тэрбээр БНХАУ-ын Өвөр Монголын Өөртөө Засах Орны Хөх хотын 1-р Хорих ангид 9 жил хорих ял эдэлсэн бөгөөд үлдсэн ялаа эх орондоо үргэлжлүүлэн эдлэх хүсэлтээ Монгол Улсын Ерөнхий прокурорт гаргасныг хүлээн авч шийдвэрлэсэн байна. Ялтан О-г өчигдөр хоёр улсын ялтан шилжүүлэх гэрээний дагуу эх оронд нь шилжүүлэн авч иржээ.

Өнөөдөр морин цагт Шударга өрсөлдөөн хэрэглэгчдийн төлөө газрын албан хаагчдын орон сууцны барилгын шав тавих арга хэмжээ Хан-Уул дүүргийн 10 дугаар хорооны нутаг дэвсгэрт болжээ.

Тус арга хэмжээнд ШӨХТГ-ын удирдлага, хамт олон болон бусад хүмүүс оролцжээ. Шав тавих ёслолд Дашдаржаалин хийдийн лам хувраг нар оролцож ном уншиж сан тавьжээ.

УИХ-ын гишүүн асан Х.Баттулгын хилээр гарах эрхийг хязгаарласан тухай мэдээлэл гараад байсан. Тэгвэл түүний Риогийн олимпод холбооныхоо баг тамирчидтай хамт явах хүсэлтийг харгалзан, Нийслэлийн прокурорын газраас хилийн хоригийг нь түр цуцалсан байна.

Энэ тухай эх сурвалж хэлэхдээ “Х.Баттулгыг Жүдо бөхийн холбооны ерөнхийлөгчийн хувиар олимпид оролцох бололцоо, нөхцөлийг нь хангаж, хилийн хоригийг Нийслэлийн Прокурорын газраас түр цуцалсан байгаа. Хэрэгт Авлигатай Тэмцэх Газар, Цагдаагийн Ерөнхий Газраас хамтарсан ажлын хэсэг мөрдөн байцаалтын ажиллагаа явуулан шалгаж байна. Мөрдөн байцаалтын ажиллагаа үргэлжилж буй учраас илүү дэлгэрэнгүй мэдээлэл өгөх боломжгүй”Жүдо бөхийн холбооны ерөнхийлөгчийн хувиар олимпод оролцох бололцоо, нөхцөлийг нь хангаж хилийн хоригийг Нийслэлийн Прокурорын газраас түр цуцалсан” гэсэн байна.

О.ӨНӨР

Цаг уур, орчны шинжилгээний газраас өгч байгаа долоо хоногийн урьдчилсан мэдээгээр долоодугаар сарын 25-нд Төв аймгийн нутгийн баруун хэсгээр, 26, 27-нд нутгийн зүүн хэсгээр, 28-нд нутгийн хойд хэсгээр, 30-нд нутгийн баруун хэсгээр түр зуурын бороо орно.

Мөн энэ сарын 28-наас эхлээд нийт нутгаар халах төлөвтэй байна.

Иймд: Иргэд та бүхэн бороотой, гол мөрний усны түвшин нэмэгдсэн үед баталгаатай гүүр, гарам, гарцтай газраар автомашинтай зорчих, хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, амралт, чөлөөт цагаа өнгөрүүлэхдээ гол, усны ойролцоо амарч зугаалахгүй байхыг анхааруулж байна.

Усархаг бороо орсны улмаас голын усны түвшин нэмэгдсэн байгаа тул голын усанд орох /тогтоол ус/, сэлэх, голын эрэг дагуу удаан хугацаагаар байрлахгүй байх, гол, усыг гатлахдаа батлагдсан зам, маршрутаар гарах, усанд боогдох эндэж осолдохоос урьдчилан сэргийлэх, тогтоол усанд орохгүй түүний ойр орчим байрлахгүй байх, айл, өрхүүд орон гэр, хашаа хороогоо борооны ус орохоос хамгаалж суваг, шуудуу татах, хүчтэй салхинаас хамгаалж даруулга, бэхэлгээ хийхийг зөвлөж байна.

Мөн хүүхдэд тавих хараа хяналтыг сайжруулах, гол мөрөн, нуур цөөрмийн орчимд тоглуулахгүй, орхихгүй байх, согтууруулах ундаа болон сэтгэцэд нөлөөлөх эм бэлдмэл хэрэглэсэн үедээ голын усанд орохгүй байхыг Онцгой байдлын ерөнхий газраас анхааруулж байна.