Үндэсний их баяр наадмын хөтөлбөрийг Наадмын комиссоос өчигдөр баталжээ. Тулгар төрийн 2225, Их Монгол Улсын 810, Ардын хувьсгалын 95 жилийн ойн баяр энэ жил тохионо. Олон тэгш ой тохиож байгаа тул энэ жил өмнөх жилүүдийнхээс илүү олон буюу 1024 бөх барилдан зургаан насны 200 морийг уралдуулахаар болжээ.
Цэнгэлдэх хүрээлэнд наадамлахаар ирсэн иргэдийн авто машинд зориулан нийт долоон давхар бүхий 500 машины зогсоолыг ашиглалтад оруулахаар болсон гэнэ. Хурд группээс барьж буй, Төв цэнгэлдэх хүрээлэнгийн зүүн хойд талд байрлалтай авто машины уг зогсоолын гадна тохижилтын ажил одоо үргэлжилж байна. “Дүнжингарав”, “Japan town” хотхоны гадна талбайг зогсоол болгон ашиглах юм.
Наадмын тасалбарыг ирэх сарын 6-наас эхлэн борлуулах бөгөөд нэг хүнд дөрвөөс илүү тасалбар худалдахгүй аж.
Үндэсний цэцэрлэгт хүрээлэнгийн хөл бөмбөгийн задгай талбайд кино гаргахаар болжээ. Энэхүү үйл ажиллагаа нь энэ бямба гарагийн 22.00-01.00 цаг хүртэл үргэлжлэх юм байна.
Улс төрийн намуудын удирдлагууд өнөөдөр Сонгуулийн ерөнхий хороонд сум, дүүргийн сонгуулийн хороо санамсаргүй сонголт хийж, 50 хүртэл хувьд хяналтын тооллого хийх шаардлага хүргүүллээ. Сонгуулийн тухай хуулийн 97 дугаар зүйлийн 97.13-т “Санал хураалт дууссаны дараа сум, дүүргийн сонгуулийн хороо санамсаргүй сонголтын аргаар харьяа хэсгийн хорооноос 50 хүртэл хувийг сонгож, 24 цагийн дотор техникийн тооллого хийнэ. Техникийн тооллогод сонгуульд оролцсон нам, эвсэл, нэр дэвшигчийн болон сонгогчдын төлөөллийг оролцуулна” гэж заасан байдаг. Түүнчлэн Сонгуулийн ерөнхий хорооны “Техникийн тооллого хийх журам”-ын нэгдүгээр зүйлийн 1.2-т “Санал хураалт дууссаны дараа сум, дүүргийн сонгуулийн хороо хэсгийн санал авах байруудаас санамсаргүй сонгох аргаар 50 хүртэл хувийг сонгож, техникийн тооллого хийх тухай” тусгасан байдаг юм. Гэтэл зарим аймаг, нийслэлийн сонгуулийн хорооны удирдлага сонгуулийн хэсгийн хороодын дарга нарт техникийн тооллогыг санал авах байруудаас 10-20 хувьд нь хийх чиглэлийг өгсөн гэх мэдээлэл гарсан байна. Тиймээс сонгуульд оролцож байгаа улс төрийн нам, эвслийн төлөөлөл дээрх үүрэг чиглэлийг сонгууль будлиантуулах, үнэнээс зугтаах арга хэмээн үзэж байгаа аж. Түүнээс гадна АН-ынхан санал тоолох төхөөрөмжийн программ хангамжийг өөрт ашигтайгаар тохируулж, төрийн эрх мэдлийг хууль бусаар авахаар санаархаж байна гэж хардаж буйгаа улс төрийн хүчнүүд нуусангүй. Тиймээс СЕХ-нд хандаж, хяналтын тооллогыг Сонгуулийн тухай хууль, СЕХ-оос гаргасан тогтоол шийдвэрийн дагуу 50 хүртэл хувьд нь явуулахыг улс төрийн нам, эвслүүд шаардаж байгаа юм.
Өнгөрсөн жилийн Дэлхийн цомын тэмцээнд ОУХМ М.Анхцэцэг анх удаа оролцохдоо огцом өргөлтөөр 112 кг өргөж, IV байрт шалгарсан билээ. Жин тус бүрт чансаагаараа тэргүүлж буй шилдэг найман тамирчин урилгаар өрсөлддөг тус тэмцээнд эх орноо төлөөлөн оролцсон анхны Монгол туйванч болсон нь тэр.
.jpg)
Ардчилсан намын Ерөнхий нарийн бичгийн даргын үүрэг гүйцэтгэгч Л.Эрхэмбаяр сая сэтгүүлчдэд мэдээлэл хийлээ.
Цус сэлбэлт судлалын үндэсний төвийн шинэ барилга ашиглалтад орлоо.
Улс орон даяар сонгуулийн санал хураах үйл ажиллагаа өнөөдөр өглөөний 07:00 цагаас эхлэн явагдаж байна. Энэ хүрээнд Монгол Улсын иргэд сонгох, сонгогдох Үндсэн хуулиар олгогдсон эрхээ эдэлж буй. Өнөөдөр төрийн гурван өндөрлөг болон улстөрийн намын дарга нар сонгуульд саналаа өгч, сонгогчдод хандан саналаа өгөхийг уриалж байгаа юм. Үүний нэгэн адил МАХН-ын дарга Н.Энхбаяр саналаа өгсөн байна. МАХН-ын дарга Н.Энхбаярын хувьд энэ удаагийн сонгуульд Цагдаагийн байгууллагаас ялтай хугацаа нь дуусаагүй гэж үзсэн учир нэр дэвшээгүй билээ. 
“Учиртай гурван толгой” дуурийг Үндэсний их баяр наадамд зориулан задгай талбайд тоглох бөгөөд гол дүрүүдийн сонгон шалгаруулалт эхэллээ. Сонгон шалгаруулалтад 23-40 насны, дуурийн мэргэжлийн дуучин, өмнө нь гол дүрд тоглож байсан туршлагатай байх шалгуур тавьж байгаа аж. Гол дүрийг бүтээх уран бүтээлчдийг энэ сарын 27-29-нд УДБЭТ-ын байранд бүртгэнэ. Дашрамд дурдахад, өнгөрсөн жил сонгон шалгаруулалтаар Юндэнд УДБЭТ-ын гоцлол дуучин МУГЖ Э.Амартүвшин, Нансалмаад СТА Ш.Наранчимэг, Хоролмаад МУГЖ С.Мөнгөнцэцэг, Балганд СТА Ж.Бямбажав нар тоглосон юм.
Энэ удаагийн сонгуулийн явцыг АНУ, Швед, Канад, ОХУ, ХБНГУ, БНСУ, Австрали, БНФУ, Дани, Норвеги, Швейцар улс болон Олон улсын байгууллагаас нийт 430 гаруй төлөөлөгч ажиглаж байна. Мөн улсын хэмжээнд 361 сонгуулийн хороо байгуулагдаж, тэдгээрт төрийн жинхэнэ болон үйлчилгээний 20 гаруй мянган албан хаагч ажиглалт хийж байна. Сонгуулийн хорооны дэргэд мэдээллийн технологийн 31 багийн 144 гишүүн, 2,371 даамал, иргэний бүртгэлийн итгэмжлэгдсэн 2,526 ажилтан сонгуулийн техник хэрэгслийн хэвийн үйл ажиллагааг ханган ажиллаж байна. Түүнчлэн гадны 20 гаруй хэвлэл мэдээллийн байгууллагын сурвалжлагчид 2016 оны сонгуулийг сурвалжлахаар хүрэлцэн иржээ. Мөн дотоодын 51 хэвлэл мэдээллийн байгууллагын 413 сэтгүүлч сонгуулийг сурвалжилж байна.
Тулгар төрийн 2225, Их Монгол Улсын 810 жил, Ардын хувьсгалын 95 жилийн ойн баяр наадам болоход хэдхэн хоног үлдээд байна. Энэ жилийн наадмыг УДЭТ-ын Ерөнхий найруулагч, Төрийн соёрхолт Н.Наранбаатар найруулна. Энэ жилийн наадмын нээлт, бөхийн барилдааны тасалбарын үнэ өмнө оныхоос нэмэгдээгүй байна. Тодруулбал, суудлаасаа хамаараад 16-24 мянган төгрөгийн үнэтэй байна. Харин жуулчдын тасалбар 25 ам.доллар хэвээр байгаа юм. Тасалбарыг долоодугаар сарын 6-ны өдрөөс эхлэн Бөхийн өргөө, Соёлын төв өргөөний кассаар худалдаална.