Монголын хошин урлагийн Комеди театрын захирал Б.Даваажав, өөрийн жолооч болох Е.Хишиг-Эрдэнийн хамт Архангай аймгийн Хангай суманд тоглолт хийж явах үеэрээ буюу 2016 оны 03 дугаар сарын 03-наас 04-нд шилжих шөнө болсон байгалийн гамшигт үзэгдэл цасан шуурганы үеэр өөрсдийн амь биеийг үл хайхран автомашин нь эвдэрч, хээр саатсан 13 иргэний амь насыг авран хамгаалсан байна. Эдгээр иргэдээс 3 жирэмсэн хүн, 2 хүүхэд явж байжээ.
Эр зориг гарган олон иргэдийн амь насыг аварсан тэднийг “Онцгой байдлын албаны төлөө-3” тэмдгээр шагнасныг ОБЕГ-ын Захиргааны удирдлагын газрын дарга, хурандаа Л.Болдбаатар өчигдөр гардууллаа.
“Монголын Чопперчин ахан дүүс” холбооноос санаачлан “Талын салхи” мото наадмыг өнөөдрөөс буюу энэ сарын 11-12-нд Цонжин болдогт зохион байгуулж байна.
Өнгөрсөн хоёрдугаар сарын 22-нд болсон Засгийн газрын хуралдаанаар “Сайн малчин” хөтөлбөрийг батласан билээ. “Сайн малчин” хөтөлбөр мал аж ахуйн үйлдвэрлэлд дэвшилтэт технологи тогтмол нэвтрүүлэх, анхан шатны үйлдвэрлэлээс эцсийн хэрэглэгч хүртэлх үе шатны санхүүгийн үйлчилгээний хүртээмжийг нэмэгдүүлэх зорилготой. Хөтөлбөрийн хүрээнд малын үр ашгийг сайжруулах замаар бүтээмж, бүтээгдэхүүний өрсөлдөх чадварыг дээшлүүлж, экспортыг нэмэгдүүлэн малчид, фермер эрхлэгчдийн орлого, амьжиргааг сайжруулахаар төлөвлөжээ.
Төрийн албан хаагч болохын тулд заавал цэргийн алба хаасан байх шаардлагатай байдаг. Энэ нь эрэгтэйчүүд заавал цэргийн алба хаах зайлшгүй шаардлагыг бий болгосон юм. Тиймээс Ардчилсан намынхан “Оюутан цэрэг” хөтөлбөрийг хэрэгжүүлж, залуус суралцангаа цэргийн алба хаах таатай нөхцлийг бүрдүүлсэн. Мөн оюутан цэргүүд гадаадын цэргийн их сургуульд суралцаж буй таатай мэдээ байгаа юм. Энэхүү ажил нь үр дүнгээ өгч байгаа учраас Ардчилсан намынхан цэргүүдийн эрхзүй, нийгмийн баалгааг сайжруулж, “Цалинтай цэрэг” хөтөлбөрийг хэрэгжүүлэхээр болжээ. Ингэснээр цэргүүдийг улс орны бүтээн байгуулалтад оролцуулж, хугацаат цэргийн албан хаагчдад алба хаах хугацаанд нь мэргэжил сургалт үйлдвэрлэлийн төвөөр дамжуулан иргэний мэргэжил давхар эзэмшүүлэхээр болсон байна.
Сонгуулийн ерөнхий хороо ирэх долоо хоногоос саналын хуудсыг хэвлүүлж эхлэх шийдвэр гаргасан байна. Улсын их хурал болон орон нутгийн сонгуулийн тойргийн задаргаанаас хамаарч, 595 төрлийн саналын хуудас хэвлүүлэх бөгөөд санал авах хуудсын ерөнхий хэмжээг одоогоор тодорхой тогтоогүй байгаа аж.
Өнгөрсөн баасан гаригт алдарт боксчин Мухаммед Алиг эцсийн замд нь үлдлээ. Өнгөрсөн долоо хоногийн баасан гаригт нас барсан түүнтэй төрсөн газар болох Кентакки мужийн Луисвиль нэртэй газарт салах ёс гүйцэтгэсэн байна. Энэ үеэр АНУ-ын Ерөнхийлөгч Барак Обама видео бичлэгээр дамжуулан хүндэтгэлтэй үгсийг дурсчээ. Зочдын дунд АНУ-ын Ерөнхийлөгч асан Билл Клинтон зэрэг улс төрийн хүрээний зочдоос гадна Майк Тайсон, Уилл Смит зэрэг урлаг спортын одод байсан аж.
Зуслангийн чиглэлийн нийтийн зорчигч тээврийн үйлчилгээг өнөөдрөөс эхлүүллээ. Энэ жилийн хувьд ЗҮ:1 “Гүнт-Жигжид-Тэнгис кино театр” чиглэлд их багтаамжийн гурван автобус 36 минутын хүлээгдлийн хугацаатайгаар, ЗҮ:2 “Гоодой-Тэнгис кино театр” чиглэлд их багтаамжийн нэг автобус 01:38 минутын хүлээгдлийн хугацаатайгаар, ЗҮ:3 “Баянбулаг Тэнгис кино театр” чиглэлд их багтаамжийн нэг автобус 02:00 цагийн хүлээгдлийн хугацаатайгаар тус тус үйлчилгээ үзүүлэх юм.
Орц (Гурван хүний)
Орц (Дөрвөн хүний)
БНАСАУ гэдэг дэлхий дээрх хамгийн нууцлаг, тэр хэрээрээ дэлхий нийтийн анхаарлыг татсан улс Солонгосын хойгт оршин байгаа билээ. Аймшигт дарангуйлалтай, цөмийн зэвсэгтэй, удам дамжсан засаглалтай энэ улсын талаар олон олон ном зохиол хэвлэгдэн гарсан. Эрхэм уншигч та бүхэнд энэ удаад ОХУ-ын дорно дахин судлаач, нийтлэлч, зохиолч Леонед Млечиний бичсэн “Улаан хаант улс, Хойд Солонгосын хаанчлагч гурван үеийн Кимийнхэн” нэртэй номын тухай товчхон дурдъя.