Хортон шавьж устгалын ажлыг энэ сард эхлүүлж, зарим нутагт 15-20 хоногийн хол хорио тогтоохоор боллоо.
Эл ажлын хүрээнд Орхон аймаг 5900 га газарт хортон шавьжийн судалгаа явуулсны үндсэн дээр хамгийн түрүүнд Сибирийн хүр эрвээхэйн голомтод устгал хийхээр болсон байна. Хүр эрвээхэйн голомт Орхон аймгийн Баян-Өндөр, Жаргалант сумдад түлхүү байдаг нь тогтоогджээ.
Манай улсын хэмжээнд 50 мянган га ой мод хортон шавьжид идэгдэн дахин сэргэхээргүй болжээ. Мөн нийт нутгаар хүр эрвээхэй, Сибирийн хүр эрвээхэй, эгэл дээгэн, Яковсоны хүр эрвээхэй гэсэн дөрвөн төрлийн эрвээхэй түгээмэл тархсан аж.
Зуслангийн газрыг өмчлүүлэх ажил үргэлжилж байгаа бөгөөд иргэдийн хүсэлтийг land.ulaanbaatar.mn сайтаар дамжуулан хүлээн авч байна. Өмнө нь цахимаар газар өмчлөхөөр бүртгүүлсэн 600 мянган иргэний мэдээлэл системд багтсан байгаа юм. 
Төрийн ордонд энэ сарын 9-нөөс 10-ны өдрүүдэд АСЕМ-ын дээд түвшний дагалдах хурлуудын нэг болох 
2016-2017 оны хичээлийн жил их, дээд сургуулиудад элсэн суралцах оюутнуудын Элсэлтийн ерөнхий шалгалт ирэх долоо хоногт эхэлнэ. Тодруулбал ЭЕШ зургадугаар сарын 15-нд 12:00-13:40 цагт Монгол хэл бичгийн шалгалтаар эхэлнэ. 
Эмэгтэй хүний биеийн хэмжээ болон дур булаам байдал хоорондоо шууд шүтэлцээтэй хэмээн ШотландынАбердины их сургуулийн эрдэмтэд нотолж байна.
АНУ-ын Ерөнхийлөгч Барак Обама өчигдөр том охин Малиагийн ахлах сургуулийн төгсөлтийн баярт оролцжээ. Эцэг хүний үүргээ биелүүлэхийн тулд Ерөнхийлөгч Б.Обама нэгэн арга хэмжээн дээр үг хэлэх байснаас эхлүүлээд Ерөнхийлөгчийн хийх ёстой бүхий л ажлаа цуцалсан байна.
Сонгууль дөхөх тусам нэр дэвшигчдийн өмнөөс сөрөг Пи-Ар хийх, улс төрийн зорилгоор хуурамч хаяг нээх иргэдийн тоо нэмэгдэж байгааг цагдаагийн байгууллагаас онцолсон юм. Тиймээс тус газар Фэйсбүүк компанийн төв захиргаатай хамтран ажиллах гэрээ хийж, илт гэмт хэргийн шинжтэй болон улс төрийн зорилготой мэдээ, мэдээлэл түгээсэн хаягийг блоклох эрхтэй болсон байна.
Ардчилсан намын нэр дэвшигчид энэ удаад ард түмэнтэйгээ сонгуулийн сурталчилгааны нээлтээ хийж байгаа аж. Тэд нэгдсэн зохион байгуулалтад орж, нүсэр шоу арга хэмжээ хийхийг зорьсонгүй. Харин 76 нэр дэвшигч тойрог бүртээ иргэдтэйгээ уулзаж сурталчилгааны нээлтээ хийсэн байна. МАН-ын хувьд нийт нэр дэвшигчид нь Тусгаар тогтнолын Их танхимд цуглаж морин цагт нээлтээ хийжээ. Голдуу залуучууддаа итгэл хүлээлгэсэн ууган намын сонгуулийн нээлт тун сүртэй болжээ. Харин МАХН-ын Сонгуулийн сурталчилгааны нээлтийн арга хэмжээ Crocus Event Hall-д болж байгаа юм байна.
Монголын хөлбөмбөгийн холбооноос зохион байгуулдаг “Хүрхээ” үндэсний дээд лигийн тэмцээний VI тойргийн тоглолтууд энэ амралтын өдөр үргэлжилнэ. МХБХ-ны Цэнгэлдэх хүрээлэн болон “ДЦС-4” талбайд нийт таван тоглолт болно.