Month: June 2016

Дулааны улиралд Онцгой байдлын албанд иргэдээс ирдэг ихэнх дуудлагыг гол усны дуудлага эзэлдэг.

Гол, мөрөн, нуур, тогтоол усны түвшин их, багаас үл шалтгаалан бага насны хүүхэд, иргэд усанд осолдох тохиолдол гарсаар байна. 2016 оны зургадугаар сарын 08-ны өдрийн байдлаар усны ослын тохиолдол дөрвөн аймгийн таван сум, нийслэлийн хоёр дүүрэгт нийт долоон удаа гарч 11 хүн (хүүхэд-2, насанд хүрэгсэд-9) амь насаа алдсан байна.

Иймд амралт, аялал зугаалганы улирал эхэлсэнтэй холбогдуулан нийт иргэд, эцэг эхчүүддээ анхааруулахад хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, амралт, чөлөөт цагаа өнгөрүүлэхдээ гол, усны ойролцоо амарч зугаалахгүй байхыг Онцгой байдлын ерөнхий газраас анхааруулж байна.

Их Монгол улсын гудамжны 2.3 км авто замын өргөтгөл шинэчлэлтийн ажил үргэлжилж байна.

Уг ажлын хүрээнд тус замын Оргил худалдааны төвөөс Баянмонгол хорооллын уулзвар хүртэлх хэсгийн тээврийн хэрэгслийн хөдөлгөөнийг 2016 оны 06-р сарын 10-ны 23:00 цагаас 06-р сарын 12-ны 23:00 цагийн хооронд түр хааж хучилт хийх болсон байна.

Иймд эрхэм зорчигч, жолооч та бүхэн Зам хаах дээрх хугацаанд өөр бусад чиглэл, замыг сонгон зорчино уу.

Монгол Улсын Засгийн газар, Азийн хөгжлийн банк хооронд байгуулсан “Улаанбаатар хотын нийтийн тээврийг хөгжүүлэх хөрөнгө оруулалтын хөтөлбөр” /Тусгай замын автобус буюу BRT/ төслийн санхүүжилтийн ерөнхий хэлэлцээрийн хуулийн төслийг Монгол Улсын Их Хурлын 2015 оны 4 дүгээр сарын 30-ны хаврын ээлжит чуулганы нэгдсэн хуралдаанаар хэлэлцэн баталсан билээ.

Улаанбаатар хотыг 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн чиг хандлагын баримт бичигт тусгагдсаны дагуу зорчигчийн урсгал ихтэй тэнхлэг замуудаар нийтийн тээврийн багтаамж ихтэй тээврийн төрөл нэвтрүүлэхдээ эдийн засгийн боломж, зорчигч урсгалын байдлыг харгалзан эхний ээлжинд тусгай замын автобусны үйлчилгээг нэвтрүүлэхээр төлөвлөсөн. Тусгай замын гэгдэх энэхүү нийтийн тээврийн багтаамж ихтэй төрөл нь авто замын 2-4 дэх эгнээг тусгаарлан зөвхөн нийтийн тээврийн хэрэгслийг явуулахаар байгуулдаг онцлогтой бөгөөд нэг чиглэлд 8000-25000 зорчигч/цаг тээвэрлэх хүчин чадалтай юм. Уг ажлын хүрээнд нийслэлийн нийтийн тээврийг хөгжүүлэх хөрөнгө оруулалтын хөтөлбөр /Тусгай замын автобус буюу BRT / төсөл хэрэгжүүлэх нэгжийг байгуулж, дүрэм, Төслийн удирдах хорооны бүрэлдэхүүнийг тус тус баталсан билээ. Ирэх жилүүдэд Улаанбаатар хотод тусгай замын автобусыг нийтийн тээврийн үйлчилгээнд нэвтрүүлэх төсөл хэрэгжиж дуусах юм.

Нэг хэсэг толгойны өвчин болоод байсан нийтийн тээврийн салбарын асуудал өнгөрсөн дөрвөн жилд шийдэгдэж, иргэд UB smart карт ашиглан зорчдог болсноор нийтийн тээврийн үйлчилгээний хүнд суртлыг халсан билээ. Мөн ирэх жил нийслэл хотын баруун урд талаар өнгөрөн гарах “Богдхан” төмөр замын төсөл хэрэгжих юм.

Амаргүй дөрвөн жилийн хугацаанд Ардчилсан намын амжуулсан 10 гол ажлын нэг нь сургууль, цэцэрлэгийн асуудал байв. Өнгөрсөн дөрвөн жилд төрийн өмчийн 127, хувийн хэвшлийн 267 цэцэрлэг ашиглалтад орлоо. Мөн 732 гэр цэцэрлэг шинээр байгуулав. Үр дүнд нь 225.388 хүүхэд цэцэрлэгтэй болж, эрүүл өсч хөгжих боломж бүрдэв.

Зөвхөн Улаанбаатарт шинээр баригдсан сургуулийн тоо өмнөх 4 жилээс 3 дахин нэмэгджээ. 2012 оны байдлаар нийт хүүхдүүдийн маань 20 хувь нь дугуйлан, секцэд хамрагдаж байсан бол өнөөдөр давхардсан тоогоор 110 хувь нь хамрагдаж байна.

Ирэх дөрвөн жилд Ардчилсан нам хүүхэд харах үйлчилгээ, гэр цэцэрлэг, байгууллагын дэргэдэх цэцэрлэг, гэрийн сургалтын хэлбэрээр өргөтгөж, хүүхэд бүрийг цэцэрлэгтэй болгохоор мөрийн хөтөлбөртөө тусгажээ. Сургууль, цэцэрлэг, дотуур байр, спорт заал, хүүхдийн хөгжлийг дэмжих зорилго бүхий барилга байгууламжийг хүн амын нягтаршил, орон нутгийн онцлогтой уялдуулан төлөвлөж, нэмэгдүүлэх аж.

Өнгөрсөн дөрвөн жилд 79 сургууль, 39 дотуур байр, 33 спорт заалыг ашиглалтад оруулжээ. Цаашид Ардчилсан нам сургуулийн тоог нэмж, дотуур байранд зургаан настны асрагч багш ажиллуулах аж. Сумын нэг хүүхдэд ногдох зардлыг өсгөж, цэцэрлэг, сургууль, дотуур байрыг гал тогооны төхөөрөмжөөр хангах юм байна. Сургуулиудад тусгай хэрэгцээт боловсрол олгох орчин нөхцлийг бий болгож, бага ангийн багшийн үнэлэмжийг сайжруулна. Үдийн хоол хөтөлбөрийг сургуульд нь хариуцуулах юм байна. ЕБС-ийн 50-иас дээш хувьд нь хөлбөмбөгийн талбай байгуулах аж.

Оюутнууд суралцах явцдаа сургалтын төлбөрөө тодорхой хувиар хөнгөлөх, зээл авах боломжийг “Сайн оюутан” хөтөлбөрийн хүрээнд гаргаж өгсөн. Тэгвэл оюутнууд одоогоор дээрх зээлийг “Хаан”, “Голомт”, ‘Төрийн банк”-аар дамжуулан авч болох юм. Цаашид банкны тоог нэмэхээр хэлэлцэж байгаа талаар албаныхан мэдээлсэн.

Оюутнууд суралцах явцдаа сургалтын төлбөрөө тодорхой хувиар хөнгөлөх, зээл авах хэд хэдэн боломжийг Засгийн газраас нээж өгчээ.

1. Сургалтын төлбөрт зориулан авсан цалин тэтгэврийн зээлийг шилжүүлэх буюу дахин санхүүжилтийн зээл.

2. Хичээлийн жил дотроо төлөх богино хугацааны зээл.

3.Сургалтын төлбөрийн зээл аваад төгссөнийхөө дараах жилээс дөрвөн жилийн дотор төлөх урт хугацааны зээл гэсэн төрөлтэй. Оюутнуудад таван хувийн хүүтэй зээл олгоно. Ингэхдээ зээлийн төрлөөс шалтгаалж хугацаа өөр. Жишээлбэл, богино хугацаатай зээлийг 12 cap хүртэл олгоно. Харин богино хугацаатай зээлийг сургууль төгссөнөөс хойш дөрвөн жилийн дотор төлнө гэж заасан.

“Сайн оюутан” хөтөлбөрт хамрагдахыг хүсвэл дараах материал бүрдүүлнэ.

-Иргэний болон оюутны үнэмлэхийн нотариатаар баталгаажуулсан хуулбар

-Сургуулийн сургалтын төлбөрийн нэхэмжлэл

-Гэр бүлийн гишүүдийн иргэний үнэмлэхийн нотариатаар баталгаажуулсан хуулбар

-Бүрэн дунд гэрчилгээний нотариатаар баталгаажуулсан хуулбар

-Сургуульд зохих журмын дагуу элссэнийг гэрчлэх эрхийн бичгийн нотариатаар баталгаажуулсан хуулбар

-Гэр бүлийн гишүүний орлогын эх үүсвэрийг баталгаажуулсан баримт болон банкнаас шаардсан бусад бичиг баримтыг бүрдүүлнэ.

– Их дээд сургуульд элсэж байгаа оюутнууд элсэлтийн ерөнхий шалгалтын оноогоороо зээлд хамрагдана. 400-аас дээш оноо авбал богино хугацааны зээлд, 650-аас дээш бол урт хугацааны зээлд шууд хамрагдах боломжтой.