Саналын хуудас хэвлүүлэх, санал тоолох төхөөрөмж шалган баталгаажуулах тэдгээрийг тээвэрлэн хүргэх ажил дуусах шатандаа орлоо.
Өнөөдрийн байдлаар Баян-өлгий, Говь-алтай, Завхан, Увс, Ховд зэрэг алслагдсан аймагт саналын хуудас, мөн 7 аймагт санал тоолох техник төхөөрөмж тус тус хүргэгдээд байна.
Бусад аймаг, нийслэлийн дүүргүүдэд хүргэгдэх саналын хуудсыг хэвлэж дуусгах, санал тоолох техник төхөөрөмж тээвэрлэн хүргэх ажил эрчимтэй үргэлжилж улмаар энэ сарын 20-ны өдөр бүрмөсөн дуусгахаар шамдан ажиллаж байна.
Саналын хуудасны эх бэлтгэх, хэвлэх, боож баглах, хүлээлцэх болон санал тоолох техник төхөөрөмжийг нэгбүрчлэн шалгаж баталгаажуулах, тэдгээрийг тээвэрлэн хүргэх ажлыг Ажлын хэсгийн гишүүд, нам, эвсэл, төрийн бус байгууллагын ажиглагчид ажиглаж байгаа билээ.
Хо Ши Миний нэрэмжит Улсын тэргүүний 14 дүгээр сургуулийн шинэ барилгын шав тавих ёслол боллоо. Уг арга хэмжээнд УИХ-ын гишүүн, Өргөдлийн байнгын хорооны дарга Ж.Батзандан, БНСВУ-аас Монгол Улсад суугаа Онц бөгөөд Бүрэн эрхт Элчин сайд Хаонг Дүан Тхинь, багш сурагчид, эцэг эхийн төлөөлөл болон албаны бусад хүмүүс оролцов.
Спининг загасчлалын 2016 оны улсын аварга шалгаруулах тэмцээн маргааш буюу зургадугаар сарын 18-ны өдөр Төв аймгийн Мөнгөнморьт сумын нутаг (Багануур дүүргээс хойш 33 км зайд орших) дахь Хаан Хэрлэн жуулчны баазад болох гэж байна. Тэмцээнд нэг баг нь гурван тамирчинтай оролцох бөгөөд эхний гурван байр эзэлсэн баг цом, алтан медаль, өргөмжлөл, ивээн тэтгэгчийн шагнал хүртэх гэнэ. Тус тэмцээний загасчлал нь бүхэлдээ сэртэнгүй дэгээтэй хиймэл өгөөшөөр загас бариад буцаан тавих зарчмаар явагддаг аж.
Боловсрол соёл шинжлэх ухааны яам, Нүүдлийн зурган өгүүлэмж сан, Монгол контент компани болон ШУТИС-ийн харьяа үйлдвэрлэлийн их сургууль хамтран “Монголын Анимэйшн, Комикс Авардс” уралдаан зарлалаа. Тус уралдаан нь комик ном, анимэйшн сонирхогчдын тоо өдрөөс өдөрт өсөн нэмэгдэж буй нийгмийн хэрэгцээнд тулгуурлан дотоодын комик (манга) ном, анимэйшн бүтээгчдийг нээн илрүүлэх, дэмжих, олон нийтэд таниулан сурталчлах, анимэйшн, комикс үйлдвэрлэлийг дэмжих зорилготой юм. Уралдаанд комикс ном, анимэйшн, комикстрип төрлөөр комикс ном, анимэйшн бүтээгч бүх насны уран бүтээлч, сонирхогчид оролцох боломжтой. Уралдааны тэргүүн байрын эзэнд Япон улсаар аялах эрх, ивээн тэтгэгчдийн шагнал гардуулна. Уралдаанд оролцох бүтээлийг ирэх наймдугаар сарын 1-нийг хүртэл Монгол дахь Япон улсын Элчин сайдын яамны Соёл, мэдээллийн хэлтэст хүлээн авна.
2015-2016 онд Япон улсын Засгийн газрын Соёлын буцалтгүй тусламжаар “Монголын Үндэсний Музейн үзмэрийн хадгалалтын тоног төхөөрөмжийг сайжруулах төсөл”-ийг Монголын Засгийн газар Жайкатай хамтран хэрэгжүүлсэн. Ингэснээр түүх соёлын үнэт өвийг урт удаан хугацаанд зохистой байдлаар хадгалж хамгаалах үйл ажиллагаа шинэ шатанд гарч байна. Тус музей нь балар эртнээс өнөөг хүртэлх үеийн Монголын түүх, өв соёл, угсаатны уламжлалт зан заншлыг илэрхийлсэн, үндэстний ялгарах онцлогийг агуулсан, дэлхийд ховор нандинд тооцогдох 60 мянган үзмэрийг хадгалж хамгаалж байдаг.
Иргэний нисэхийн Ерөнхий газрын даргын үүргийг түр орлон гүйцэтгэгчээр ажиллаж байгаад өнгөрөгч оны дөрөвдүгээр сарын 13-нд чөлөөлөгдсөн Т.Лхагвасүрэнг ажилд нь буцаан томилох эцсийн шийдвэрийг Улсын дээд шүүх гаргажээ.
Монгол Улсын Их Хурлын гишүүн Х.Баттулга ОХУ-ын Батлан хамгаалахын сайд Сергей Шойгуг монголчуудын
УИХ, ИТХ-ын сонгуулийн саналын хуудсыг хэвлэх ажил энэ сарын 13-нд эхэлсэн. Одоогийн байдлаар 14 аймаг, хоёр дүүргийн саналын хуудсыг хэвлэж дууссан байна. Эхний ээлжинд алслагдсан аймгууд болох Ховд, Баян-Өлгий, Увс, Завханы саналын хуудсыг онгоцоор хүргүүлсэн байна.