Month: June 2016

Түгээмэл тархацтай ашигт малтмал олборлож буй аж ахуйн нэгж, байгууллага, иргэдийн ачаа тээвэрлэлтийн үйл ажиллагаанд нийслэлийн Тээврийн газар, Улаанбаатар хотын Цагдаагийн газрын замын хөдөлгөөний аюулгүй байдлыг хангах бүрэлдэхүүн хамтран тавдугаар сарын 27-ны өдрөөс эхлэн 24 цагийн турш хяналт шалгалт хийж байна.

Шалгалт 2016 оны зургаадугаар сарын 26-ныг дустал үргэлжилэх юм байна. Шалгалтын хугацаанд 2,070 тээврийн хэрэгсэл шалгагдснаас “ЕС” зөвшөөрөлгүй хөдөлгөөнд оролцсон 266, Автотээврийн хэрэгслийн хэрэглээний стандартын үзүүлэлт шаардлагыг хангаагүй 108,техникийн оношлогоо үзлэгт хамрагдаагүй 18, нийт 392 зөрчлийг илрүүлж 99 зөрчлийг газар дээр нь арилгуулжээ.

Түгээмэл тархацтай ашигт матмал олборлож буй 10 аж ахуйн нэгж, байгууллага хамтран хөрөнгө нийлүүлэн гаргаж “Тэгш плант” ХХК-иар технологийн замыг сайжруулан бетонон хучилттай болгож 2016 оны долоодугаар сарын 04-ны өдөр ашиглалтад оруулахаар болжээ гэжНийслэлийн Тээврийн газраас мэдээллээ.

Гадаад хэргийн сайд Л.Пүрэвсүрэн Япон улсын Засгийн газрын буцалтгүй тусламжаар хэрэгжих 555 сая иенийн (есөн тэрбум 900 сая орчим төгрөг) үнийн дүн бүхий “Хүний нөөцийг хөгжүүлэх тэтгэлэгт хөтөлбөр-JDS” төслийг хэрэгжүүлэх тухай Монгол, Японы Засгийн газар хооронд солилцох ноот бичигт гарын үсэг зурлаа. Энэхүү хөтөлбөр нь зах зээлийн эдийн засагт шилжсэн улс орнуудын хүний нөөцийн хөгжлийг дэмжих зорилготой. Түүнчлэн тухайн орны хөгжилд хувь нэмэр оруулах ирээдүйтэй залуу төрийн албан хаагчдыг Япон улсын их дээд сургуульд суралцуулж, мэдлэг олгодог нэн чухал ач холбогдолтой хөтөлбөр юм.

“Хүний нөөцийг хөгжүүлэх тэтгэлэгт хөтөлбөр-JDS” төслийг Япон Улсын Засгийн газар хөгжиж буй улс орнуудын хүний нөөцийн хөгжлийг дэмжих зорилгоор 1999 оноос хэрэгжүүлж эхэлсэн. Өдгөө Монгол, Индонез, Филиппин, Хятад, Лаос, Узбекистан, Камбож, Вьетнам, Гана зэрэг нийт 12 улсад хэрэгжиж байна. Монгол Улс тус хөтөлбөрт 2001 онд хамрагдаж, өнөөг хүртэл нийт 14 төсөл хэрэгжиж, 262 залуу төрийн албан хаагч хамрагджээ. Төслийн хүрээнд Монголын нийгэм, эдийн засгийн хөгжлийн асуудлуудад хувь нэмэр болохуйц нийгмийн ухааны чиглэлд төвлөрсөн хууль, эдийн засаг, төрийн удирдлага зэрэг мэргэжлүүдээр боловсон хүчин бэлтгэдэг. 2015 онд хэрэгжсэн энэхүү хөтөлбөрт манай улсын 18 төрийн албан хаагч хамрагдаж, Япон улсын их дээд сургуулийн магистрантурт суралцаж байна.

Цаашид энэ хөтөлбөрийн хамрах хүрээ өргөжиж, хувийн хэвшлийн төлөөлөл хамрагдах боломжтой болох юм. 2016 онд Монгол Улсаас 22 хүн энэ төсөлд хамрагдана. Үүний 18 нь залуу төрийн албан хаагч байх бөгөөд хоёр нь хувийн хэвшлээс, хоёр нь доктарантурын сургалтад хамрагдах юм байна. Уг төсөл 2016 оноос хоёр үе шаттайгаар долоон жилийн (гурав ба дөрвөн жил) хугацаанд хэрэгжих аж.

Хөвсгөлийн уулсаас эх авсан Дэлгэрмөрөн, Бүгсий, Эг, Орхон голын дагууд мөн Монгол Алтай нуруунаас эх авсан Ховд, Турган, Сагсай, Хангай нурууны өврөөс эх авсан Богд, Түй голууд, Хэнтэй нуруунаас усжих Хараа, Ерөө голуудын зургадугаар сарын усны дундаж түвшин тухайн үеийн олон жилийн дундаж түвшнээс 20-90 см бага, харин Сэлэнгэ мөрний дагууд мөн Хэнтэй нурууны зүүн хажуугаас усжи, Халх, Онон голуудын усны түвшин олон жилийн дунджаас 10-30 см их, бусад голынх олон жилийн дунджийн орчим байх төлөвтэй байна. Хэдийгээр ихэнх гол мөрний услагын дундаж хэмжээ олон жилийн дунджаас бага байх төлөвтэй байгаа боловч сарын зарим хугацаанд орсон хур тунадасны эрчимшил, хэмжээнээс шалтгаалан усны түвшин огцом нэмэгдэж, түр зуур үерлэх магадлалтай. Мөн агаарын температур нийт нутгаар олон жилийн дунджын орчим, сарын зарим хугацаанд орох түр зуурын аадар бороо зэргээс шалтгаалан хуурай сайр, гуу жалгаар уруйн үер буух нөхцөл бүрдэх боломжтой. Иймд гол мөрөн ба хуурай сайр, гуу жалга даган нутаглаж буй малчид, иргэдийг үер усны аюулаас болгоомжлохыг анхааруулж байна.

Таван аймагт галзуу өвчнөөр мал хорогдож, мөн боом, хонины цэцэг өвчлөлтэй тохиолдлууд бүртгэдсэн байна.

Тодруулбал, Говь-Алтай аймгийн Баян-Уул сум, Өвөрхангай аймгийн Хархорин сум, Хөвсгөл аймгийн Галт, Цэцэрлэг сум, Булган аймгийн Хутаг-Өндөр сум, Архангай аймгийн Жаргалант суманд “Галзуу” өвчний тохиолдол илэрсэн байна. Мөн Хөвсгөл аймгийн Улаан-уул суманд “Боом” өвчний тохиолдол бүртгэгдсэн бол Дорноговь аймгийн Улаанбадрах сум болон Төв аймгийн Баяндэлгэр суманд тус тус “Хонины цэцэг” өвчний шинж тэмдэг илэрсэн байна.

Саналын хуудас хэвлүүлэх, санал тоолох техник төхөөрөмж шалган баталгаажуулах ажил дуусаад байгаа билээ. Тэгвэл бүх аймагт эдгээр техник төхөөрөмж хүргэгдээд байна. Харин нийслэлийн хувьд саналын хуудас хэвлүүлэх, санал тоолох төхөөрөмжүүдийг тээвэрлэн хүргэх ажил ойрын өдрүүдэд дуусах аж.