Энэ жил наадамчдыг Монголдоо үйлдвэрлэсэн 30 ширхэг цахилгаан автобусаар тээвэрлэхээр бэлтгэл хангажээ. Өнгөрсөн жилийн хувьд наадмын талбайд 15 ширхэг цахилгаан автобусаар үйлчилж байсан бол өнөө зун тоог нь нэмэхээр болсон байна. Автобусны зам дагуу 3000 ам метр явган хүний замыг тавьсан байна.
Мөн энэ жил Хүй долоон худагт үзэгчдийн суудлын тоог нэмж байгаа аж. Өмнөх жилүүдийг бодвол үзэгчдийн суудал хоёр дахин нэмэгдэж 4000 болно хэмээн албаныхан мэдээлж буй. Түүнчлэн Хүй долоон худагт баяр наадам хүртэл ямар нэг арга хэмжээ зохион байгуулахгүй байхаар зохицуулжээ. Харин 15 байршилд нийтдээ 30 орчим 00 ажиллуулахаар тохижуулж байгаа буй гэнэ. Наадамчин олонд үйлчлэх 6000 орчим автомашины зогсоол ажиллуулахаар төлөвлөжээ.
Түүнчлэн наадмын үеэр иргэдэд худалдаа үйлчилгээ үзүүлэх 280 орчим газрыг ажиллуулахаар болсон байна. Түүний 60 гаруй хувь нь хуушуураар үйлчлэх гэнэ. Иргэдийн хувьд Хүй долоон худагт үйлчилгээ эрхлэх бол зөвшөөрлийг Чингэлтэй, Хан Уул дүүргээс авах юм байна. Бүртгэл үргэлжилж байгаа бөгөөд ирэх сарын 1 гэхэд нэрс тодорхой болох аж.
СЕХ-ноос 2016 оны улс төрийн сонгуулийн санал хураалт маргааш явагдах гэж буйтай холбогдуулан мэдээлэл хийсэн юм. Тус мэдээлэлд хуулийн хугацаанаас хойш ямар нэгэн сурталчилгаа нэмж оруулах, оруулсан тохиолдолд сайтууд дээр тавигдаж байсан мэдээ мэдээлэл архив болон хадгалагдах талаар хэллээ. Мөн Фейсбүүк, твиттерт өнөөдрөөс эхлээд сурталчилгаа оруулж болохгүй гэнэ. Өмнө нь оруулсан мэдээлэл сурталчилгааг зохицуулсан ямар нэг заалт байхгүй тул энэ асуудлаар гомдолтой иргэд цагдаагийн байгууллагад хүсэлт гаргаж болох юм байна. Маргааш санал хураалт өглөөний 07:00 цагаас үдшийн 22:00 цаг хүртэл үргэлжлэн явагдаж, иргэд Үндсэн хуулиар олгогдсон эрхээ эдэлж төрийн эрх барих төлөөллийн байгууллагаа сонгох юм.
УИХ болон аймаг, нийслэлийн ИТХ-ын сонгууль болох гэж буйтай холбогдуулан Сонгуулийн ерөнхий хорооны удирдлагууд өнөөдөр мэдээлэл хийлээ. Мэдээллийн үеэр Сонгуулийн ерөнхий хорооны дарга Ч.Содномцэрэн “Санал авах тоолох төхөөрөмжийг 2012 оны УИХ хурал, орон нутгийн сонгууль болон Ерөнхийлөгчийн сонгуульд амжилттай хэрэгжүүлсэн. Мөн үүнээс гадна сонгуулийн санал авах байруудыг тэргэнцэртэй иргэд орох боломжоор хангаж, харааны бэрхшээлтэй иргэдэд зориулсан саналын хуудсыг бэлтгэсэн байгаа. УИХ-ын 2016 оны сонгуульд нийт 498 нэр дэвшигч бүртгүүлсэн, аймаг нийслэлийн ИТХ-д нийт 2288 нэр дэвшигч бүртгүүлсэн байгаа. Энэ удаагийн УИХ болон аймаг, нийслэлийн ИТХ-ын сонгуулийг ажиглахаар АНУ, ОХУ, Швед, Англи, Дани, Норвеги зэрэг тавиад улс орноос болон олон улсын байгууллагаас нийт 450-иад ажиглагч ажиглах эрхээ авсан. Энэ удаагийн сонгуулийг гадаадын 20 гаруй сурвалжлагч, дотоодын 413 сурвалжлагч сурвалжлах эрхээ аваад байгаа юм. Сонгуульд оролцож байгаа нам эвсэл нэр дэвшигчдийн ажиглагчид мөн адил эрхээ аваад байна” гэв. Цааш нь хэлэхдээ “Иргэд санал авах байранд иргэний цахим үнэмлэхийн хамт очих шаардлагатай бөгөөд энэ жил сонгогчийн үнэмлэхийг ашиглахгүй” гэлээ.
Нийслэлийн Засаг даргын захирамжийн дагуу нийслэлийн тээврийн газраас нийтийн тээврийн үйлчилгээнд зарим зохион байгуулалтын арга хэмжээ авч ажиллахаар болжээ.