Сагсан бөмбөгийн спортын амьд домог, бүх цаг үеийн супер од Коби Брайнт зодог тайллаа. Түүний уран гоё, гайхамшигт тоглолтуудыг нь дахин харахгүй гэхээс харамсан, бас түүний гайхам бишрэм амжилтуудыг шүүрс алдан ярьцгааж, дайчин тоглолтуудыг нь нүдэндээ төсөөлсөөр үлдлээ, фэнүүд нь.
Хөлбөмбөгийн улаан фэн тэрээр 17 насандаа NBA-д хөл тавьж байв. Түүн шиг дунд сургуулийн сурагчаас шууд лигт орж ирсэн тоглогч байдаггүй. Сагсан бөмбөгийн спортод 20 гаруй жилийг зориулахдаа түүхэн амжилтуудыг эвдэж, фэнүүдээ уйлуулж явсан юм. 20 жил, 1346 тоглолт, 39283 оноо, аваргын 5 бөгж авсан гээд л… Энэ бол түүний гайхашигтай чадвар. Одоогийн байдлаар нийт авсан оноогоороо бүх цаг үеийн түүхэнд гуравдугаар байрт бичигдэж байгаа юм. Лигт орж ирэхдээ л Жорданаас илүү гарна гэсэн зорилго тавьж байсан тэрээр энэ үзүүлэлтээр Жорданы өмнө гишгэж чадсан. Харин тэр 1 бөгж дутуугаар замналаа өндөрлөлөө.
Өнөөдөр нэрт тамирчдаас авахуулаад энгийн фэнүүд хүртэл зөвхөн Кобигийн тухай ярилцан байна. Коби Брайант 20 жилийн энэ гайхалтай замналыг туулахдаа тоо томшгүй олон найз нөхөдтэй болж, асар өндөр нэр хүндийг олжээ.
Агуу тамирчин өнөөдөр сүүлийн тоглолтоо хийсэн юм. Тэрээр “Юта жаз”-ын эсрэг тоглов. “Лэйкерс” баг “Степлес центр”-тээ “Юта жаз”-ыг хүлээн авч тоглон, 101:96-гийн харьцаагаар хожиж, Коби Брайнт сүүлчийн энэ тоглолтдоо 60 оноо авсан юм. 
Тоглолтын өмнө түүний үе үеийн хамтрагчид мөн эсрэг тоглож байсан алдарт тоглогчид ч түүнд хүндэтгэл үзүүлж байв. Түүний сүүлийн шилдэг тоглолтыг үзэхээр ордны үзэгчид багтаж ядан байснаас гадна алдартнууд ч их иржээ. 
Өнөөдөр NBA-д бас нэгэн онцгой явдал тохиолдсон ч Кобигийн сүр дуулиан дор дарагдаж орхив бололтой. Тэртээх 90-ээд онд Чикаго Буллз 82 тоглолтоос 72 ялалтыг авч, хэзээ ч эвдэгдэхгүй мөнхийн рекордыг хийлээ хэмээн шуугиж байсан. Тэгвэл Голден Стэйт Варриорз 73 ялж чадлаа. Энэ ч мөн агуу амжилт. 
УИХ-ын чуулганы нэгдсэн хуралдаанаар Эмнэлгийн
Монгол Улсын Гадаад хэргийн сайд Л.Пүрэвсүрэнгийн урилгаар ОХУ-ын Гадаад хэргийн сайд С.В.Лавров Монгол Улсад өнөөдөр албан ёсны айлчлал хийлээ. Түүний айлчлал амжилттай өндөрлөлөө. Тэрээр айлчлалынхаа хүрээнд хоёр улсын стратегийн түншлэлийг хөгжүүлэх тухай дунд хугацааны хөтөлбөрт гарын үсэг зурж, улстөрч, томоохон бизнесмэнүүдийн өмнө үг хэлж, Монгол Улсын ерөнхий сайд Ч.Сайханбилэгтэй уулзсан гээд маш олон ажлыг амжууллаа. Яамны тухайд түүний айлчлалыг маш амжилттай болж өнгөрлөө хэмээн тодотгож байна.
УИХ-ын өнөөдрийн нэгдсэн чуулганаар Эмнэлгийн тусламж үйлчилгээний тухай
Монголын гурилын үйлдвэрүүдийн төлөөлөл өнөөдөр хэвлэлийн бага хурал хийлээ. Энэхүү хурлаар дотоодын гурилын үйлдвэрүүд ирэх сараас зогсох болоод байгаа талаар ярив. Учир нь гурилын үйлдвэрүүдийн агуулахад өнөөдрийн байдлаар нийт 30 мянган тонн улаанбуудайн нөөц байгаа аж. Энэ хэмжээний улаанбуудай нь монголчуудын нэг сарын гурилын хэрэгцээ гэнэ. Тиймээс импортын улаанбуудайны квотыг яаралтай олгож, гурил үйлдвэрлэх буудайгаа нөөцлөхгүй бол удахгүй гурилын үйлдвэрүүд зогсох эрсдэлтэй болсныг онцлов. Монгол Улсад том жижиг нийлсэн 80 орчим гурилын үйлдвэр байдгаас өнөөдөр тогтвортой үйл ажиллагаа явуулж буй “Алтан тариа”, “Улаанбаатар гурил”, “Милл хаус” гэсэн гурван үйлдвэр байна. “Өег гурил”, “Эрдэнэт фүүдс”, “Од групп” гээд бусад жижиг үйлдвэрүүд улаанбуудайгүй болж үйлдвэрлэлээ зогсоожээ.
УДЭТ-ын 85 жилийн ойн хүрээнд Дархан-Уул аймгийн 55 жил, Орхон аймгийн 40 жилийн ойг тохиолдуулан “Дэлхийн сонгодог бүтээлийн дээж У.Шекспирийн “Ромео & Жульетта” жүжиг орон нутагт” уриан дор дөрөвдүгээр сарын 23-30-ны өдрүүдэд УДЭТ-ын уран бүтээлчид аялан тоглолтоо зохион байгуулах гэж байна.
Нийслэлийн Засаг даргын Тамгын газар, нийслэлийн Аялал жуулчлалын
УИХ-ын чуулганы үдээс хойших хуралдаанаар Зарим газар нутгийг Улсын тусгай хамгаалалтад авах УИХ-ын тогтоолын төслийн эцсийн хэлэлцүүлгийг хийж баталлаа. Ингэснээр Өмнөговь аймгийн Гурвантэс сумын Тост, Тосон бумбын нуруу улсын хамгаалалтад орж байгаа юм.
Дэлхийн допингийн эсрэг агентлагаас хориотой эм зүйн ангиллын жагсаалтыг шинэчлэн баталжээ.