“Өдрийн сонин” 2016 оны дөрөвдүгээр сарын 14-ний өдрийн №088 (5353) дугаартаа УИХ-ын гишүүн Х.Баттулгаас хүлцэл өчсөн залруулга нийтэлсэн билээ. Энэхүү залруулгыг дөрөвдүгээр сарын 15-ны өдрийн №089 (5354) дугаарт мөн давтан нийтэлсэн юм.
“Өдрийн сонин” Баянзүрх, Сүхбаатар, Чингэлтэй дүүргийн иргэний хэргийн анхан шатны шүүхээс гаргасан шийдвэрийн дагуу хүлцэл өчсөн залруулгыг ийнхүү хоёр удаа нийтэлсэн болохыг мэдэгдэж байна.
Баянзүрх, Сүхбаатар, Чингэлтэй дүүргийн иргэний хэргийн анхан шатны шүүхээс ирүүлсэн тогтоолыг хавсарган бүрэн эхээр нь хүргэж байна.
Хятадын засгийн газраас иргэдийн ажлын өдрийг багасгаж, баасан гаригийг хагас амралтын өдөр болгох туршилтыг хэрэгжүүлж эхлээд байна. Ингэснээр хятадууд долоо хоногийн дөрвөн өдөр бүтэн, тав дахь өдөр хагас ажиллах болж байгаа аж. Амралтын өдрийг уртасгах нь эдийн засгийн ач холбогдолтой гэж үзсэн нь үнэхээр сонирхолтой. Хятадын төрийн зөвлөлөөс өнгөрсөн наймдугаар сард анх энэ санаачлагыг гаргажээ. Тэд хүмүүст амрах цагийг илүү олгосноор олсон мөнгөө үрэх боломжийг нэмэгдүүлж, дотоодын эдийн засгаа өсгөнө гэж үзсэн байна. Хятадын иргэд орлогоо ихэвчлэн хүнс, хувцас, гэр орноо засч тохижуулахад зарцуулдаг аж. Хэрэв тэдэнд илүү их чөлөөт цаг олговол спортоор хичээллэх, соёл амралтын хүрээлэнгээр үйлчлүүлэх зэрэгт илүү их мөнгө зарна гэж тооцоолжээ.
Ажлын өдрийг багасгасан нь зөвхөн Хятад улс биш юм. Дэлхийн технологийн компаниуд ажилчдынхаа сэтгэл ханамжтай, бүтээлч байдлыг нэмэгдүүлэх зорилгоор ажлын дөрвөн өдөртэй байх нь элбэг байдаг аж. Хүний нөөцийн менежментийн судалгаанаас үзвэл долоо хоногийн гурван өдөр амрах боломжийг компаниудын 43 хувь нь тодорхой салбарын ажилчдад, 10 хувь нь бүгдэд олгодог байна. 2008 оноос хойш долоо хоногийн дөрвөн өдөр ажиллах журмыг хэрэгжүүлж эхэлсэн компаниудын ашиг, орлого бараг хоёр дахин нэмэгдэж, үйлчлүүлэгчдийн сэтгэл ханамжийн байдал өмнө нь байгаагүй өндөр хэмжээнд хүрч, олон төрлийн шинэ санаачлагаар шагнал урамшуулал хүртэх болжээ.
Энэ сарын 14-нөөс 15-ны өдрүүдэд Сэлэнгэ аймгийн Баянгол сумын Хараа багийн “Тахилтын даваа”, Баян багийн “Хустайн даваа”-нд цасан шуурга шуурсаны улмаас олон автомашин цасанд сууж саатсан тухай дуудлагаар ОБЕГ-ын ГШУГ-ын даргаар ахлуулсан 1 автомашин, ОБЕГ-ын харъяа Аврах тусгай ангийн 25 албан хаагч, 2 автомашин, Дархан-Уул аймгийн Онцгой байдлын газрын 24 албан хаагч, гурван автомашин, Сэлэнгэ аймгийн Онцгой байдлын газрын 22 албан хаагч, дөрвөн автомашин, тус аймгийн Мандал сумын гурван иргэн, хоёр автомашин, Баянгол сумын Цагдаагийн газрын гурван албан хаагч, “АЗЗА” ТӨХК-уудын 12 ажилчин, гурван автомашин, “Бороо Гоулд” ХХК-ын долоон ажилчин, гурван автомашин, “Пажеро клуб”-ын 12 хүн, таван автомашин нийт 111 хүн, 23 техник хэрэгсэлтэйгээр ажиллаж 1077 иргэн, 348 автомашин цасанд боогдсон байсныг 2016.04.16-ны өдрийн 00:58 цагт гаргаж, замыг цэвэрлэж саадгүй зорчихоор болгожээ.
Бразилын Рио Де Жанейро хотод буудлагын Дэлхийн цомын тэмцээн эхэллээ. Олимп болох бууудлагын тирэнд болж буй энэхүү тэмцээнд 88 орны 661 тамирчид цэц мэргээ сорьж байгаа бөгөөд манай улсаас МУХБ, МУГТ О.Гүндэгмаа, ОУХМ Ц.Мөнхзул, ОУХМ Г.Нандинзаяа нар МУГД Л.Ундралбат, ОУХМ Ж.Ганхуяг нарын удирдлаганд оролцож байна. 16-ны едер явагдсан хийн урт бууны эмэгтэйчүүдийн дасгалд ОУХМ Г.Нандинзаяа 414.3 оноогоор 30-р байрт орлоо. Тэмцээн УБ-ын цагаар 21 цагаас эхэлж байна.
Сүхбаатар дүүргийн 1-хорооны нутаг дэвсгэр 23-р байрны урд талд байрлах 2ф800мм-ын голчтой 11е магистраль дулааны шугам хоолойд өнгөрсөн баасан гаригт гэмтэл гарчээ. Тус шугам нийсэлийн зүүн дүүргүүд болон 11,12,13,15,16 хороолол, НЗДТГазар, Засгийн газрын ордон, хотын төвийн сургууль, цэцэрлэг болон бусад аж ахуй нэгж байгууллага, улсын онцгой обьектуудыг дулааны эрчим хүчээр найдвартай хангадаг гол амин судас болсон төв магистраль шугам юм. 1984 он анх ашиглалтанд орж одоог хүртэл 33 жил ашиглагдаж байгаа насжилт эдэлгээний хугацаа дууссан байдаг. Энэ сарын 07-нд ажиллагаанд явж байсан дээрх дулааны шугамд гэмтэл гарч аваарын ноцтой байдал үүсч трасс дагуу байрласан зөвшөөрөлгүй 28 ширхэг тоосгон гараашууд байгаагаас засвар хийх ямар ч боломжгүй болжээ. 
Долоо хоног бүрийн даваа гаригт УИХ дахь нам, эвслийн бүлгүүд хуралддаг хуваарьтай ч өнөөдөр Ардчилсан намын бүлэг, МАН-ын бүлгүүд тус бүр хуралдахгүй болжээ.
Өнөөдөр 12:00 цагт орон даяар нэгэн зэрэг Авто зам, гүүрийн барилгын ажил эхэлнэ. Үүнтэй холбогдуулан Монгол Улсын Засгийн газар, Зам тээврийн яамнаас авто замын ажлын нээлтийн арга хэмжээг 5 аймагт зэрэг зохион байгуулж байна. Арга хэмжээг МҮОНТВ, Eagle News, ETV, TV9, MNCтелевизүүд хамтран 5 аймгаасшууд дамжуулах бөгөөд МҮОНТВ-ийн “Студи 600”-д зам тээврийн салбарынхан болон Ерөнхий сайд Ч.Сайханбилэг нар ажиллах юм байна.
Өнөөдөр УИХ дахь намын бүлгүүд хуралдаж энэ долоо хоногт чуулганы нэгдсэн хуралдаанаар хэлэлцэх асуудлуудлаар саналаа нэгтгэх ёстой. УИХ дахь АН-ын бүлэг Төрийн ордны Их эзэн Чингис хааны нэрэмжит “А” танхимд хуралдах бол МАН-ын бүлэг Сүхбаатарын нэрэмжит “Б” танхимд хуралдах юм. Мөн УИХ дахь “Шударга ёс” эвслийн бүлэг В танхимд хуралдана.
Монгол Улсын Их Хурлын дарга Зандаахүүгийн Энхболдын урилгаар Бүгд Найрамдах Энэтхэг Улсын парламентын Доод танхим /Лок Сабха/-ын дарга хатагтай Сумитра Махажан энэ сарын 18-22-ны өдрүүдэд Монгол Улсад албан ёсны айлчлал хийж, Улаанбаатар хотноо энэ сарын 21-23-ны өдрүүдэд зохион байгуулагдах Ази-Европын Парламентын Түншлэлийн 9 дүгээр уулзалтын зарим арга хэмжээнд оролцоно.