Ази Европын Парламентын түншлэлийн уулзалт энэ пүрэв, баасан гарагт болохтой холбоотойгоор автомашины улсын дугаарыг тэгш, сондгойгоор хязгаарлан хөдөлгөөнд оролцуулахаар болсон.
Монгол Улс АСЕМ-ын дээд хэмжээний 11 дэх удаагийн уулзалтыг энэ онд эх орондоо зохион байгуулах эрхийг авсан бөгөөд энэ долоо хоногт анхны уулзалт эхэлж байгаа нь энэ юм.
Нийтдээ арван удаагийн хурал долдугаар сарын 16-ныг дуустал болох бөгөөд хурал болох өдрүүдэд дугаарын хязгаарлалтыг тэгш, сондгойгоор хязгаарлана гэдгийг Замын цагдаагийн газраас мэдээллээ.
АСЕМ-ЫН ХУРАЛДААН ДОЛДУГААР САРЫН 16-НД ДУУСНА
Улаанбаатарт болох АСЕМ-ын хуваарийг танилцуулж байна.
Дээрх өдрүүдэд автомашины улсын дугаарыг тэгш, сондгойгоор хязгаарлан замын хөдөлгөөнд оролцуулах юм.
ДУГААРЫН ХЯЗГААРЛАЛТ ХИЙХГҮЙ БОЛ ХӨДӨЛГӨӨН ТҮГЖРЭЛИЙН БАЙДАЛД ОРНО
Автомашиныг улсын дугаараар нь хязгаарлан хөдөлгөөнд оруулж байгаад иргэд бухимдалтай хандаж байна. Харин энэ талаар ЗЦГ-ын Олон нийттэй харилцах тасгийн дарга, цагдаагийн хошууч Ж.Энхбат дараах тайлбарыг өгч байна.
-Гаднын зочид төлөөлөгчид өндөр хэмжээний хамгаалалтыг шаарддаг. Өөрөөр хэлбэл, өөрийнхөө оронд авдаг хамгаалалтыг шаарддаг. Энэ нь А зэргийн хамгаалалт буюу зорчих хэсэгт хөдөлгөөнгүй болгодог учраас тодорхой замуудыг хаана.
Ингэхээр хөдөлгөөний ачаалал нэмэгдэж, түгжрэл гацаа үүснэ. Зам хааснаас болж уулзваруудын хөдөлгөөний ачаалал нэмэгдэж, Улаанбаатар хотын хөдөлгөөн түгжрэлийн байдалд орох нөхцөл бүрддэг тул иргэдийг энэ зохицуулалтыг ойлгохыг хүсч байна.
Нэг гацчих юм бол буцаагаад хэвийн болгоход Улаанбаатар хотын зам их төвөгтэй. Нэг уулзвар гацахад дараагийн уулзварууд мөн л гацдаг. Хэрэв дугаарын хязгаарлалтаар зохицуулж өгөхгүй бол энэ мэтчилэн хаа, хаанаа хөдөлгөөнд оролцох боломжгүй болдог. Тиймээс ийм зохион байгуулалтын арга хэмжээг авч байна. Цаашдаа долдугаар сарын сүүл хүртэл энэ төрлийн зохицуулалтыг хийнэ” гэсэн юм.
Зочдын явах зам одоогоор тодорхойгүй тул хаана, хэдэн минут хаах талаар мэдээлэл одоогоор өгөх боломжгүй гэдгийг тэрээр нэмж хэллээ.
Хуралдааны үеэр хөдөлгөөн хязгаарлах зам болон хөдөлгөөний ачааллыг Авто радиогоор мэдээлнэ. Мөн хэвлэл мэдээллийн хэрэгслээр ч энэ талаарх мэдээллийг өгөх юм байна.
ХЯЗГААРЛАЛТЫН БҮСЭД НЭМЖ ДАРААХ ЗАМЫГ ОРУУЛЖЭЭ
Энэ удаагийн хуралдааны үеэр буюу 21-ний пүрэв гарагт тэгш, 22-нд сондгой тоогоор төгссөн улсын дугаартай автомашинууд хөдөлгөөнд оролцоно.
Дөрөвдүгээр сарын 15-наас мөрдөж эхэлсэн дугаарын хязгаарлалтын зуны бүсчлэл дээр нэмэгдэж Наадамчдын гудамж, Дүнжингаравын гудамжны Төв аймаг уруу салдаг уулзвараас Их тэнгэрийн уулзвар хүртэлх зам мөн адил 08.00-20.00 цаг хүртэл дугаарын хязгаарлалтад орно.
Арав хүртэлх тонноос дээш хүнд даацын ачааны автомашины хөдөлгөөнийг 06.00-22.00 цаг хүртэл хөдөлгөөнд оролцохыг хориглохоор заажээ.
Ардчилсан намын ҮЗХ хаалттай хуралдаж эхэллээ. Хуралдаанаар УИХ-ын 2016 оны сонгуулийн мөрийн хөтөлбөрийг хэлэлцэн батлах юм. Нам, эвслийн бүлгүүд энэ сарын 20-ны дотор мөрийн хөтөлбөрөө батлах учиртай. Мөн өнөөдөр нийслэлийн АН хаалттай хуралдаж, мөрийн хөтөлбөр, сонгуульд эвсэж орох эсэх, намын сонгуулийн салбар хорооны бүрэлдэхүүнийг хэрхэн байгуулах талаар ярилцсан байна. Тэд 2016 оны ИТХ-ын сонгуульд дангаараа оролцох шийдвэр гаргасан аж. Нийслэлийн АН-ын сонгуулийн салбар хороог Хотын дарга Э.Бат-Үүл ахлахаар болж, Ерөнхий менежерээр НИТХ-ын Тэргүүлэгчдийн дарга Д.Баттулга, Нарийн бичгийн даргаар Нийслэлийн АН-ын дарга П.Нүрлээд нар томилогджээ.
“Бүү март” уран сайхны киноны ерөнхий продюсер болон зохиолчоор МАН-ын ерөнхий нарийн бичгийн дарга, яруу найрагч, зохиолч Ж.Мөнхбат ажиллажээ. Кино зураг авалтыг Монгол болон ОХУ-д авсан бөгөөд киноны 30 хувийг компьютер графикаар бүтээсэн төдийгүй Төрийн ордонг 1974 оны үеийнхээр нь мөн л компьютер графикаар бүтээжээ. Уг киноны ерөнхий найруулагчаар А.Мөнхсүх ажиллаж, ерөнхий зураглаачаар АНУ-ын иргэн Крис Мартин, ерөнхий зураачаар Н.Батжаргал, гол дүрд МУСТА Н.Төмөрбат /Ж.Батмөнх/, Төрийн шагналт, МУГЖ Ц.Төмөрбаатар /Ю.Цэдэнбал/, Б.Билгүүн, О.Анужин нар тоглосон байна. “Бүү март” киноны дууны найруулагчаар ОХУ-ын иргэн Михайл Жуков, нүүр хувиргагчаар БНХАУ-ын иргэн Хон Лу нар ажиллажээ. Харин Ж.Батмөнх агсны гэргий А.Даариймаа гуайн дүрд МУГЖ Б.Тунгалаг тоглосон байна. А.Даариймаа гуайн хувьд ханийх нь тухай өгүүлсэн түүхэн киноны нээлтэд өөрийн биеэр хүрэлцэн ирсэн бөгөөд кино багийнханд талархаж буйгаа илэрхийлсэн. Киноны гол дүр болох Ж.Батмөнх агсны дүрийг амилуулсан Соёлын тэргүүний ажилтан Н.Төмөрбат кино зураг авалт 80 хувьтай байхад зуурдаар таалал төгссөнийг нээлтийн үеэр уран бүтээлчид харуусан ярьж байлаа. Гэсэн ч кононы уран бүтээлчид Н.Төмөрбат агсны сүүлчийн дүрийг хүндэтгэн орлон тоглогч ажиллуулснаар уран бүтээлээ ийнхүү үзэгчдийн хүртээл болголоо.
Монголын мото спортын тамирчин Э.Халиунболд энэ амралтын өдрүүдэд АНУ-ын Калифорниа мужын Кал сити хотод зохион байгууллагдсан алдарт “Loretta Lynn-2016” олон улсын уралдааны төв/баруун бүсийн финалын уралдаанд оролцон 25А ангилалд тэргүүн байр эзэллээ.
Өнөөдөр Монгол орон даяар Авто зам барилгын ажлыг эхлүүлж, Ховд, Завхан, Орхон, Дорнод, Сэлэнгэ аймаг болон нийслэлд автозам барилгын ажлын албан ёсны нээлтийг хийлээ.
Нийслэлийн Удирдах ажилтнуудын ээлжит шуурхай зөвлөгөөний үеэр
Он гарсаар нийт зургаан аймаг,
Монгол улсын хэмжээнд өвөлжилт хаваржаа хүндэрсэн. Тиймээс хаваржилт