Үндэсний их баяр наадмыг зохион байгуулах хорооноос Тулгар төрийн 2225 жил, Их Монгол Улсын 810, Ардын хувьсгалын 95 жилийн ой, Үндэсний их баяр наадмын нээлт, хаалт, төрийн хүндэтгэлийн концертын найруулга, хөтөлбөрийг шалгаруулах ажлыг зохион байгуулах тухай тогтоол гаргалаа.
Тус тогтлоолоорүндэсний их баяр наадмын соёл урлагийн арга хэмжээг зохион байгуулах төслийг нээлттэй сонгон шалшгаруулах ажлын хэсгийн бүрэлдэхүүн болон, төсөл сонгон шалгаруулах ажлын удирдамжыг тус тус баталлаа. Энэхүү сонгон шалгаруулалтад оролцох хүсэлтэй уран бүтээлчид 2016 оны 05 дугаар сарын 5-ны өдрийн 10:00-17:00 цаг хүртэл Нийслэлийн Соёл урлагийн газарт төслөө битүүмжлэн ирүүлнэ. Ажлын хэсгийн бүрэлдэхүүн сонгон шалгаруулалтад оролцогчдын ирүүлсэн төслийг ил тод, шударга өрсөлдөөний зарчимд тулгуурлан тавьсан үндсэн шалгуур үзүүлэлтүүдийн дагуу шалгаруулж Үндэсний их баяр наадмыг зохион байгуулах хороонд танилцуулж, Үндэсний их баяр наадмыг зохион байгуулах хороо сонгон шалгаруулалтыг батламжилах юм байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
ҮНДЭСНИЙ ИХ БАЯР НААДМЫН НЭЭЛТ, ХААЛТ,ТӨРИЙН
ХҮНДЭТГЭЛИЙН КОНЦЕРТИЙН НАЙРУУЛГА, ХӨТӨЛБӨРИЙН
ТӨСЛИЙГ СОНГОН ШАЛГАРУУЛАХ АЖЛЫН УДИРДАМЖ
2016 оны 04 дүгээр сарын 19-ны өдөр.
Үндэсний их баяр наадмыг зохион байгуулах хорооноос Үндэсний их баяр наадмын соёл урлагийн арга хэмжээг зохион байгуулах төслийг нээлттэй сонгон шалгаруулна.
Нэг. Зорилго
Үндэсний их баяр наадмын нээлт, хаалтын ёслолын үйл ажиллагаа, Төрийн хүндэтгэлийн концертыг төрөө хүндэтгэн, түүх, соёл, уламжлалаараа бахархах, наадамчин олны сэтгэлд нийцэхүйцээр зохион байгуулахад оршино.
Хоёр. Хамрах хүрээ
Монгол улсын иргэн, мэргэжлийн болон чөлөөт уран бүтээлчид, хамтарсан мэргэжлийн баг төсөл боловсруулан оролцох боломжтой.
Гурав. Төсөл хүлээн авах хугацаа
Сонгон шалгаруулалтад оролцогч нь төслөө битүүмжлэн ирүүлэх ба төслийг 2016 оны 05 дугаар сарын 5-ны өдрийн 10:00-17:00 цаг хүртэл Нийслэлийн Соёл урлагийн газарт бүртгэж хүлээн авна.
Дөрөв. Төсөлд тавигдах ерөнхий шаардлага
“Үндэсний их баяр наадмын нээлт, хаалтын ёслол”-ыг зохион байгуулах төсөлд тавигдах шаардлага:
- Төслийн утга санаа, зохион байгуулалтыг Үндэсний их баяр наадмын тухай хууль, төрийн ёслол хүндэтгэлийн дэг журамд нийцүүлсэн байх;
- Монгол төрийн түүх, тусгаар тогтнол, бүрэн эрхт байдлыг бэлгэдсэн үндэсний уламжлал, бахархалыг агуулсан байх;
- Нээлт болон хаалтын үйл ажиллагаа нь уялдаа холбоо бүхий төгс шийдэлтэй байх;
- Утга агуулга, зохион байгуулалтын хувьд өмнөх жилүүдэд зохион байгуулагдсан арга хэмжээний найруулга, утга санаа, арга хэлбэрийг хуулбарлаагүй, шинэлэг байх, мөн уран бүтээлчид, үзэгч иргэд жуулчдын аюулгүй байдлыг хангасан байхаар төлөвлөсөн байх;
- Найруулга утга санааг тухайн орон зай, цаг хугацаанд нийцүүлэн тодорхой шийдэлтэйгээр төлөвлөсөн байх
- Орчин үеийн шинэ дэвшилтэт техник тоног төхөөрөмжийг ашиглахаар төлөвлөсөн байх;
- Баяр наадмын нээлтийн ёслол хүндэтгэлийн арга хэмжээний үргэлжлэх хугацаа 40-45 минут байхаар төлөвлөсөн байх;
- Үйл ажиллагааны төсвийг үнэн зөв бодитойгоор тооцоолсон байх ба өмнөх жилийн төсвөөс хэтрэхгүйгээр төлөвлөсөн байх
Төрийн “Хүндэтгэлийн концерт”-ыг зохион байгуулах төсөлд тавигдах шаардлага:
- Төсөл нь монгол үндэстний онцлог уламжлал, төрийн хүндэтгэл бэлэгдлийг агуулсан байх
- Уран бүтээлчдийн сонголтыг концертийн найруулга, зохиолд нийцүүлэн олны танил, нэр хүнд бүхий мэргэжлийн чадварлаг уран бүтээлчдийг сонгосон байх;
- Найруулага зохиомж, цаг хугацааг нарийн төлөвлөж, тайз декорацийг шинэ дэвшилтэт техник тоног төхөөрөмжийг ашиглахаар төлөвлөсөн байх
- Тоглолтын үргэлжлэх хугацаа 60-80 минут байхаар төлөвлөсөн байх;
- Үйл ажиллагааны төсвийг үнэн зөв бодитойгоор тооцоолсон байх ба өмнөх жилийн төсвөөс хэтрэхгүйгээр төлөвлөсөн байх
Тав. Төслийн шалгаруулалт
Ажлын хэсгийн бүрэлдэхүүн сонгон шалгаруулалтад оролцогчдын ирүүлсэн төслийг ил тод, шударга өрсөлдөөний зарчимд тулгуурлан дээрх үндсэн шалгуур үзүүлэлтүүдийн дагуу шалгаруулж Үндэсний их баяр наадмыг зохион байгуулах хороонд танилцуулна. Үндэсний их баяр наадмыг зохион байгуулах хороо сонгон шалгаруулалтыг батламжилна.
УИХ-ын чуулганы нэгдсэн хуралдаанаар Төрийн болон албаны нууцын тухай хуульд өөрчлөлт оруулах тухай хуулийн төслийг хэлэлцэх болсонтой холбоотойгоор хаалттай горимд шилжүүлэв. Уг хууль нь улсын нууцад хамаарч байгаа учраас чуулганыг ийн хаалттай үргэлжлүүлж байна.
Өчигдөр төвийн зарим хэвлэл мэдээллийн хэрэгслээр “ДЦС-3” ТӨХК-д ноцтой осол гарсан мэтээр мэдээллүүд гарсан. Үүнд “ДЦС-3” ТӨХК-ний зүгээс дараах тайлбарыг албан ёсоор өглөө.
УИХ-ын гишүүн Г.Уянгын удирддаг Тусгаар Тогтнол Эв Нэгдлийн Нам, Монголын Ногоон Намтай хамтран “Нэгдмэл Монгол” эвслийг өчигдөр байгуулжээ. Эвслийн баримт бичгийг Тусгаар Тогтнол Эв Нэгдлийн Намын дарга Г.Уянга, Монголын Ногоон Намын дарга О.Бум-Ялагч нар гарын үсэг зурж, баталгаажуулсан байна.
Дорнод аймгийн Хөлөнбуйр сумын Баян-Уул багийн “Жаргалантын-Энгэр” гэдэг газар гарсан хээрийн түймэр тус аймгийн Булган сум, Сүхбаатар аймгийн Сүхбаатар сумын нутагт тархан шатжээ. Түймэрт Сүхбаатар аймгийн Сүхбаатар сумын 5 дугаар багийн “Тэмээн толгой” гэдэг газар мотоцикльтой зорчиж явсан дөрвөн иргэн хайрагдан түлэгдсэн байна. Тэдний нэг нь Сүхбаатар аймгийн Нэгдсэн эмнэлэгт хэвтэн эмчлүүлж байна. Харин 10-15 настай 2 хүүхэд, 1 том хүн нийт 3 хүн түймэрт өртөж нас барсан бөгөөд одоогоор нэр, нас нь тодорхойгүй байгаа аж.
