Дэлхий нийт болон Монгол Улс сүүлийн хэдэн жил твиттер, фэйсбүүк гэсэн хоёр ертөнцтэй болсон. Твиттер, фэйсбүүкийн ертөнцтэй бидний анхны сонгууль өнөө жил болно. Хүн төрөлхтөн, тэр дундаа монголчууд бид цахим ертөнцийг өдөр тутмынхаа салшгүй нэг хэсэг болгосноор амьдралын их зүйл өөрчлөгдөж байна. Урьд нь өөрт таалагдахгүй бүхнээ гэртээ суугаад элдвээр харааж зүхдэг байсан хүмүүс олон нийтийн сүлжээгээр бухимдлаа илэрхийлж байна. Ингэж хувь хүн өөрийн үзэл бодлоо илэрхийлж байгаа нь олон нийтэд нөлөөлөх хандлагатай болчихлоо. Нэг ёсондоо хүмүүс үзэл бодлоо чөлөөтэй илэрхийлэх эрх чөлөөгөө бүрэн эдэлж байна. Өнөөдөр твиттер, фэйсбүүкийн ертөнц нийгэмд сайн, муу гэсэн хоёр нөлөө үзүүлж байгаа. Мэдээж хэрэг сайн нөлөө нь илүү давамгай. Харин манай Монголд сүүдэртэй, сөрөг тал нь нийгмийн сэтгэлзүйг жолоодоод байгаа нь айхтар санагдаж байна. Ялангуяа хэдэн жиргээч нөхөд байдаг. Тэд яг л цөөвөр чонын зарчмаар ажилладаг. Цөөврүүд нэг амьтныг сүргээс нь тасдаж аваад хөөчихнө. Зогсоо зайгүй элдсээр байгаад унагаж авдаг. Тэгж байгаад өнөөхийгөө хэдэн талаас нь мэрсээр барьж иддэг. Яг л энэ зарчим ажиглагдаад байгаа юм. Гурван жилийн өмнө тавгийн боов буруу өрлөө гээд хоёр үйлчлэгч бүсгүй рүү зогсоо зайгүй дайрсаар байгаад ажилгүй болгож байсан даа. Угтаа ажилгүй болсон хоёр үйлчлэгч бүсгүй өөрийн дураар ингэж өрөөгүй юм. Цаанаасаа хувь хүний захиалга байсан нь сүүлд ил тод болж байлаа.
Бас Ерөнхий сайд асан Н.Алтанхуягийг алиа салбадай болгон хувиргах ажлыг “цөөврүүд” л хийсэн. Тэд өдөр шөнө, өглөө оройгүй зогсоо зайгүй боорлосон. Инээж байгаа зурагнаас нь нүүр хэсгийг тасдаж аваад есөн шидээр эвлүүлэн муулаад байсан. Үр дүнд нь Монголын нийгэмд Н.Алтанхуяг шиг муу хүнгүй болоод, эцэстээ Ерөнхий сайдаар ажиллуулаагүй. Фортуна Н.Батбаяр байна. Сайд байхад нь мөн л элдвээр хэлсээр байгаад унагаж байлаа. Одоо Хөгжлийн банкны захирлыг яг үүн шиг “боорлож” байна. Сая бас нэг яамны түшмэлийг унагаад авлаа. Тасдаж авч боорлосоор байгаад эд бад хийчихлээ шүү дээ. Энэ бүхнийг, ингэж боорлохыг цаанаас нь захиалдаг бололтой юм. Хэн захиалга өгдгийг мэдэхгүй. Ямартай ч онилсон нэгийгээ өдөр шөнө, өглөө оройгүй сошиал ертөнцөөр боорлож байна. Ажлаа өгсөн яамны түшмэл хүүхэн амьд явах аргагүй боллоо, амьд явах эрх зөрчигдөж байна гэж байна лээ. Ингэж төрийн сайд, түшмэлээс эхлээд ердийн нэг үйлчлэгч, цэвэрлэгчийн хүртэл амьд явах эрх зөрчигдөж “цөөврүүд”-ийн довтолгоонд өртөж байгаад төр буруутай. Тэднээс хамгаалж чадахгүй байгаагийнхаа төлөө төр хариуцлага хүлээх хэрэгтэй. Төр өөртөө зүтгэж буй хүмүүсээ үндэслэлгүй, увайгүй довтолгооноос хамгаалах үүрэгтэй. Хоёр үйлчлэгчийг ч, Ерөнхий сайдыг ч, түшмэл эмэгтэйг ч хамгаалж чадаагүйнхээ төлөө төрд хариуцлага хүлээлгэе. Хамгийн зэвүүн нь төр “цөөврүүд”-тэй нийлж заримдаа бүр өнөөдүүлийнхээ хэлснээр үйл ажиллагаа явуулж байгаа нь Монголын нийгэмд айдас хүйдэс төрүүлж байна. Энэ бүхэн аливаа таагүй үйл явдал тохиолдоход төр өөрөө захиалаад байгаа мэтээр харагддаг болж. Уг нь төр засаг сайн бүхнийг дэмжин дэлгэрүүлж, магтан сайшааж байх ёстой. Харин саар, муу бүхнийг хориглож, зохицуулж байх үүрэгтэй билээ. Монголын төр энэ үүргээ биелүүлэх цаг болжээ.
БААБАР ИНГЭЖ ӨГҮҮЛЭВ
Улсын Их Хурлын дарга аймгийн Нийгмийн халамж үйлчилгээний газарт ажиллан, үйл ажиллагаатай нь танилцсан юм. Тус төв 2014 оны 05 дугаар сард шинэ байраа ашиглалтад оруулсан талаар Завхан аймгийн Нийгмийн халамж, үйлчилгээний газрын дарга Т.Ариунаа Улсын Их Хурлын даргад танилцуулав.
Аймгийн өрхүүдийн амьжиргааны талаарх судалгааны тайланг гаргаж зорилтот бүлэгт чиглэсэн олон үйл ажиллагаа явуулж байгаагийн зэрэгцээ олон нийтийн оролцоонд тулгуурласан халамжийн үйлчилгээний хүрээнд үйлдвэрлэл дэмжих зорилгоор 1 сая төгрөг хүртэлх хэмжээний зээл олгодог байна. Зээл авсан иргэдийн өрхийн үйлдвэрлэл, гар урлалын бүтээгдэхүүнээр үзэсгэлэн гаргасан бөгөөд сонирхсон хүмүүс Нийгмийн халамжийн үйлчилгээний төвөөр дамжуулан холбогдох боломжтой байдлаар үйлчилгээ үзүүлдэг байна. Үзэсгэлэнг жилд 2-3 удаа гаргадаг бөгөөд иргэдээс сар бүр үзэсгэлэн худалдаа зохион байгуулдаг товолсон өдөртэй болох санал гаргаад байгааг дуулгасан байна. Мөн тус төв иргэдэд үзүүлэх үйлчилгээгээ сайжруулах, ажилтнуудынхаа санал санаачилгыг дэмжих зорилгоор байгууллагынхаа дотоод зохион байгуулалтыг зохицуулж ажилладаг байна. 
Үүний дараа Политехникийн коллежийн үйл ажиллагаатай танилцсан юм. Тус коллежийн захирал Т.Мөнхбаатар Улсын Их Хурлын даргыг угтан авч, үйл ажиллагааныхаа талаар дэлгэрэнгүй танилцуулав. 1963 онд Монгол Улсад барилгын мэргэжилтэй ажилчид бэлтгэх зорилгоор байгуулагдсан бөгөөд 2014 онд Политехник коллеж болон өргөжжээ. Өнөөдөр “Баялаг бүтээх чадамжтай иргэн бэлтгэж, төлөвшүүлэх” зорилгын хүрээнд сургалтын алба, захиргаа аж ахуйн албатай 80 гаруй багш ажилтан, 1000 орчим суралцагчидтайгаар 17 мэргэжлээр мэргэжлийн боловсролын, 3 мэргэжлээр техникийн боловсролын сургалтын үйл ажиллагааг зохион байгуулдаг байна.
880 суралцагчийн багтаамжтай хичээлийн хоёр байр, 72 ортой оюутны дотуур байр, 320 сая төгрөгийн хөрөнгө оруулалттай баруун бүсийн арга зүйн төв, тус бүр 25 компьютер бүхий 2 лаборатори, автомашины засварчин, цахилгаан, хүнд машин механизмын лаборатори, дадлагын газар 12, 8000 гаруй номын фонд, 80 суудалтай номын сан, 150 суудалтай лекцийн танхим, 200 суудалтай соёлын танхим, 25 суудалтай амьдрах ухааны 2 танхим, АМЧБ олгох танхим, ХАБЭ Ахуйн танхим, 80 хүний суудалтай ёслол хүндэтгэлийн өргөө, иж бүрэн тоноглогдсон бялдаржуулах танхим, хичээлийн 15 танхимтай, бүх нэгжүүд интернетэд холбогдон ажиллаж байна. Мөн 70 гаруй компани, аж ахуйн нэгж байгууллагатай 5 чиглэлээр хамтран ажиллах гэрээ байгуулж, суралцагчдыг үйлдвэрлэл дээр дадлагажуулан ажилладаг байна.
Сургуулийг жилд дунджаар 300 гаруй суралцагч төгсөж, төгсөгчдийн ажил эрхлэлт 60-70 хувьтай байна. Тус коллежид барилгын мэргэжлээр суралцаж буй оюутнууд, багш нар болон аймгийн ажилгүй иргэдэд зөвлөгөө өгөх чиглэлээр ХБНГУ-аас хоёр зөвлөх багш ажилладаг байна. Улсын Их Хурлын дарга коллежийн үйл ажиллагаатай нь танилцаж, нийт суралцагчдад амжилт хүслээ. 
Улсын Их Хурлын дарга Политехникийн коллежийн үйл ажиллагаатай танилцсаны дараа Завхан аймгийн Алдархаан суманд ажилласан юм. “Ган Доной” ХХК тус суманд иргэдийн ая тухтай амьдрах нөхцөлийг бүрдүүлэхээр амины орон сууцны загвар барьжээ. 80м2 талбайтай, гарааштай, 3 өрөө орон сууцны 1м2-ын үнэ 950.000 төгрөг юм байна. Сумын удирдлагууд төрийн албан хаагчид, залуучуудаа сумандаа амьдрах сонирхолыг нэмэгдүүлэх зорилгоор энэхүү санаачилгыг дэмжин газрын асуудлыг шийдвэрлэж өгсөн байна.
Алдархаан суманд ажилласныхаа дараа Улсын Их Хурлын дарга Завхан аймгийн иргэдтэй уулзаж, Улсын Их Хурлын 2015 оны намрын ээлжит чуулганаар батлагдсан хууль, тогтоолуудын талаар танилцуулж, мэдээлэл өгнөхэмээн Улсын Их Хурлын Тамгын газрын Хэвлэл мэдээлэл, олон нийттэй харилцах хэлтсээс мэдээлэв. 
Тэрээр УИХ-ын гишүүн Х.Баттулгын туслах Г.Түвшинжаргалыг хорьсонтой холбоотойгоор түүнийг яаралтай суллахыг шаарджээ. Уг албан бичигт “Г.Түвшинжаргал нь 1.3 сартай хөхүүл хүүхэдтэй бөгөөд түүнийг Сүхбааатар, Чингэлтэй, Баянзүрх дүүргийн Эрүүгийн хэргийн анхан шатны шүүхийн шүүгчийн 2016 оны гуравдугаар сарын 18-ны өдрийн захирамжаар цагдан хорих хугацааг сунгgсан шийдвэр гараад байгаа нь түүний хүүхдийн эрхийг ноцтой зөрчиж байна. Хөхүүл хүүхдийг удаан хугацаагаар эхээс нь хүчээр салгах нь хүүхдийн эрүүл мэнд, сэтгэл санаанд ноцтой хохирол учруулахыг анхаарч, Г.Түвшинжаргалыг яаралтай суллахыг шаардаж байна” гэжээ.
Монгол Улсын Их Хурлын дэд дарга Р.Гончигдоржид өнөөдөр /2016.03.21/ Улсын Их Хурлын гишүүн, Засгийн газрын Хэрэг эрхлэх газрын дарга С.Баярцогт Цөмийн аюулгүй ажиллагааны тухай 1994 оны конвенцид нэгдэн орох тухай, Ашигласан түлшний болон цацраг идэвхт хаягдлын менежментийн аюулгүй ажиллагааны тухай 1997 оны конвенцид нэгдэн орох тухай, Цөмийн материалыг биечлэн хамгаалах тухай 1980 оны конвенцийн 2005 оны нэмэлт, өөрчлөлтийн тухай протоколыг соёрхон батлах тухай, Бага хэмжээний цөмийн материалын шинэчилсэн протоколыг соёрхон батлах тухай хуулийн төслүүдийг өргөн мэдүүллээ.
Жил бүрийн гуравдугаар сарын 22-нд Казах түмний ёслон тэмдэглэдэг Наурызын баярт зориулсан хүндэтгэлийн хурал өнөөдөр Баян-Өлгий аймгийн төв Өлгий суманд боллоо.
ХУД-ийн 19-ийн Үйлчилгээний төвийн урд зам дээр бага насны хүүхэд дайрч, амь насанд нь хүрсэн хэрэг гарлаа. Ослын эргэн тойронд байсан иргэдийн мэдээллэж буйгаар жолооч хөдөлгөөнд оролцож байхдаа гар утсаараа ярьж байсан учраас ийн осол гаргасан гэв.
МАХН-ын дарга Н.Энхбаяр, МҮАН-ын дарга М.Энхсайхан нар өнөөдөр уулзаж, Л.Цог, Г.Уянга нарын эвслээс гарах шийдвэрийн талаар ярилцан хамтарсан мэдэгдэл гаргажээ. 