Ерөнхий сайд Ч.Сайханбилэг “Шийдлийн цаг” уулзалтаар “Шинэ бүтээн байгуулалт” хөтөлбөрийн хүрээнд Хөгжлийн банкны санхүүжилтээр шинэчилж байгаа “Байшин үйлдвэрлэх комбинат-1” үйлдвэрийн угсралтын ажлын явцтай танилцлаа.
“Байшин үйлдвэрлэх комбинат-1” үйлдвэрийг шинэчлэн байгуулахтай холбоотой Засгийн газраас гарсан шийдвэрийн дагуу Хөгжлийн банкнаас Чингис бондын эх үүсвэр болон ОХУ-ын санхүүжилтээр 23 сая ам.долларын хөрөнгө оруулалт хийсэн. Тоног төхөөрөмжийн санхүүжилтэд зориулж Германы Коммерз банкнаас 13 сая еврогийн шугам нээсний 12 сая еврог өнөөдрийн байдлаар ашиглаад буйг Хөгжлийн банкны гүйцэтгэх захирал Н.Мөнхбат Ерөнхий сайдад танилцуулав.
Германы бүрэн автомат тоног төхөөрөмжийг тус улсын “Ebawe” компанийн мэргэжилтнүүд угсарч байгаа бөгөөд өнөөдрийн байдлаар 90 хувийн гүйцэтгэлтэй байгаа аж. Үйлдвэр ашиглалтад орсноор бүх төрлийн барилгын хийц, төмөр битонон эдлэл үйлдвэрлэн зах зээлд нийлүүлнэ. Жилд дунджаар 5000 айлын орон сууцны хавтан үйлдвэрлэх боломжтой. Хөгжлийн банкнаас тус үйлдвэрийн угсралтын ажилд зориулан 6.2 сая ам.долларын санхүүжилт олговол үйлдвэр ашиглалтад ороход бэлэн байгаа гэнэ.
Нийт олгосон санхүүжилтийн тооцоог төсөл хэрэгжүүлж байгаа багийн санхүүтэй нийлж, нэгдсэн дүнг танилцуулахыг Ерөнхий сайд Ч.Сайханбилэг Хөгжлийн банкны гүйцэтгэх захирал Н.Мөнхбатад үүрэг болголоо. Нийт хөрөнгө оруулалтын дүнг гаргасны дараа нэмэлт санхүүжилтийн асуудлыг шийдвэрлэх юм байна.
Монгол Улсаас Бүгд Найрамдах Индонез Улсад суугаа ЭСЯ 2014 онд байгуулагдсан цагаас эхлэн тус улсад визгүй зорчих орнуудын тоонд Монгол Улсыг багтаах чиглэлээр идэвхтэй ажиллаж ирсэн бөгөөд 2015 онд болсон Монгол, Индонезийн Засгийн газар хоорондын комиссын Анхдугаар хуралдааны үеэр энэхүү асуудлыг судлахаар тохиролцсоны дагуу Бүгд Найрамдах Индонез Улсын Засгийн газар гадаадын жуулчдын тоог нэмэгдүүлэх, тэдний зорчих нөхцлийг хөнгөвчлөх зорилгоор тус улсад визгүй зорчих орнуудын дотор Монгол Улсыг оруулсан байна.
Шинэчлэлийн Засгийн газраас хэрэгжүүлсэн “Нүүрс” хөтөлбөрөөс их хэмжээний мөнгө хувьдаа завшиж шамшигдуулсан гэх хэрэгт буруутгагдаад буй Л.Гансүх нарт холбогдох хэргийг өнөөдөр Дээд шүүх хэлэлцэж байгаа юм. Шүүх хурал өглөөний 9 цагт эхэлсэн бөгөөд одоогоор түр завсарлаад байгаа аж. Шүүгчид Л.Гансүхэд оноосон ялын талаар хэлэлцэж байгаа гэх мэдээлэл байна. Хэргийг Улсын дээд Шүүхийн Танхимын тэргүүн Т.Уранцэцэг, шүүгч Б.Бат-Эрдэнэ, Б.Батцэрэн, Ч.Хосбаяр, Б.Цогт нар шүүж байгаа бөгөөд шүүх хуралд УИХ-ын гишүүн Н.Алтанхуяг оролцсон байна.
АН-ын гишүүд дэмжигчдийн холбооны тэргүүн Т.Хасбаатар цаг, үеийн асуудлаар мэдээлэл хийхдээ намынхаа даргыг огцрохыг шаардаж, шаардлага хүргүүлж байгаагаа дуулгав. 
Зарим банк гуравдугаар сарын 15-наас эхлэн орон сууцны 5 хувийн зээлийн өргөдөл хүлээн авч эхэлсэн. Засгийн газраас баталсан Ипотекийн зээл санхүүжилтийн ерөнхий журамд зааснаар Улаанбаатар хотын гэр хорооллын дахин төлөвлөлтийн бүс, алслагдсан дүүрэг, 21 аймгийн нутаг дэвсгэрт орон сууц худалдан авах ипотекийн зээлийн хүүг эхний ээлжинд бууруулахаар тусгаад байгаа.
УИХ-ын гишүүн О.Баасанхүү өнөөдөр цаг үеийн асуудлаар мэдээлэл хийлээ. 
МАХН-ын Хяналт ёс зүйн хорооноос мэдээлэл хийж Эрүүл мэнд, Спортын сайд асан Г.Шийлэгдамба, МАХН-ын гишүүн Булган аймгийн МАХН-ын Мянгатын дарга асан С.Дашдондог, УИХ-ын гишүүн, УИХ-ын дэд дарга Л.Цог нарыг намынхаа гишүүд, дэмжигчдээс уучлал гуйхыг шаардлаа. МАХН-ын Хяналт ёс зүйн хорооны дарга Г.Давааням “2015 оны сүүлээс ялангуяа МАХН, МАН эвсэж хамтарч ажиллахыг санал болгосон хоёр намын нэр бүхий 42 ахмадын гарын үсэг эурсан мэдэгдэл гарсанаас хойш, улс төрийн зарим хүчин төрийн зарим өндөр албан тушаалтаны зүгээс МАХН-ыг хардах, сэрдэх хавчин гадуурхах болсон. Тэд МАХН-ын дарга Н.Энхбаяр болон МАХН-ын нэр хүнд өсөхөөс айж элдэв хилс хэрэг тохохын төлөө авхаалж самбаагаа сорин өрсөлдөх боллоо. Түүний эхнийх нь Засгийн газрын гишүүн Эрүүл мэндийн сайд МАХН-ын ЕНБД асан Г.Шийлэгдамбыг хувийн хэрэгцээндээ сайн танил дотны нөхөр О.Даваасүрэнгээс зээлсэн мөнгө албан өрөөндөө хадгалж байсныг, авлига авч өгч байх үед нь газар дээр нь гардан баривчилсан мэт нийгэмд ташаа мэдээлэл цацсан. Улмаар уг мөнгийг Н.Энхбаяр дарга намын санхүү бүрдүүл гэж шахсаны дагуу зээлж зарим хэсгийг нь Н.Энхбаярт өгсөн мэтээр мэдүүлэг өгүүлэх зэргээр Г.Шийлэгдамбыг анхны мэдүүлгээсээ няцах өмгөөлөгчдөөсөө татгалзах хүртэл дарамт шахалт үзүүлсэнээр илэрсэн. Түүнчлэн МАХН-ын гишүүн Булган аймгийн МАХН-ын Мянгатын дарга асан С.Дашдондог, УИХ-ын гишүүн УИХ-ын дэд дарга Л.Цог нар сүүлийн үед хэвлэл мэдээллийн хэрэгслээр МАХН-ын эсрэг гүтгэлгийн шинжтэй таагүй мэдээллүүд цацаж байгаа. Иймд Г.Шийлэгдамба, Л.Цог, С.Дашдондог нарыг гаргасан алдаагаа гэмшин хүлээж намын хамт олноос уучлал гуйхыг албан ёсоор шаардаж байна. Хэрвээ уучлал эс хүсвэл намын дүрмийн дагуу төрийн болон улс төрийн албан тушаал хаших, УИХ-ын сонгуульд нэр дэвшихэд нь улс төрийн дэмжлэг үзүүлэхгүй болохыг мэдэгдэж байна” гэлээ.
Улаанбаатар хотын өнөөгийн нөхцөл байдлыг давтахгүйн тулд аймгийн дэд төвүүдийг хөгжүүлэн, улсын нийслэлд хэт төвлөрсөн хүн амын нягтралыг бууруулах, аймгийн төвийн зөв төлөвлөлтийн үндэс суурийг тавих болон газар ашиглалтыг сайжруулах нь зүйтэй хэмээн үзжээ. Энэ үндсэн дээр аймгийн төвийн ерөнхий төлөвлөгөөтэй уялдуулан авто замын сүлжээг зөв зохион байгуулалттай болгон өргөтгөж шинэчлэх, бизнесийн орчин, ажлын байр, газар ашиглалт, газрын үнэлэмж, нийгмийн үйлчилгээний хүртээмжийг нэмэгдүүлэх, олон улсын жишгийн дагуу хот төлөвлөлтийг хийж аймгийн төвийг цогцоор хөгжүүлэхээр “Гудамж” төслийг хэрэгжүүлсэн байна. Ингэхдээ Эрдэнэбулган сумын хүн амын тоотой ойролцоо хүн амтай Финланд Улсын Пиетарсаари, Швед Улсын Христинехам, Канад Улсын Хойд Баттлефорд хотуудын төлөвлөлтийг судалжээ. Хот төлөвлөлтийн хүрээнд 50.000 оршин суугчтай, 30.000 тээврийн хэрэгсэл зорчих төлөвлөлт хийсэн байна. “Гудамж” тѳслийн хүрээнд гол ба туслах зам, уулзвар, гарц, явган зам болон шаардлагатай бүх хэвтээ болон босоо тэмдэг тэмдэглэгээг замын дагуу иж бүрэн хийж гүйцэтгэжээ. Суурин газрын төлөвлөлтийн олон блок нь газар ашиглалт сайжрах, дэд бүтцийн зардлын хэмнэлттэй бөгөөд Эрдэнэбулган сумыг төлөвлөхдөө 45 блок болгосон байна. Одоо аймгийн төвийн хатуу хучилттай 5.2 км автозам, 13.4 км явган хүний зам, гэрлэн дохио, 2,9 км дугуйн зам, 63,903 м2 ногоон байгууламжийг барьж байгуулаад байгаа аж.
Ус зайлуулах ил далд шугам цэвэр болон бохир ус, цахилгаан, холбооны шугам, дулааны сувагчлал зэрэг инженерийн шугам сүлжээг одоогийн болон ирээдүйн төлөвлөлтийн дагуу иж бүрнээр нь хийж гүйцэтгэсэн талаар Улсын Их Хурлын даргад танилцуулав. “Гудамж” төслөөс шинээр тавигдах уулзвар, авто зам дагуу нийт 6.5 га газрыг дуудлага худалдаанд оруулвал анхдагч өртөг нь 56 сая төгрөг бөгөөд албаны хүмүүсийн тооцооллоор урт хугацаанд зах зээлийн өртөг нь 4.2 тэрбум төгрөг гэж үнэлсэн байна. Эрдэнэбулган сумын нийт эдийн засгийн үр өгөөж нь урт хугацаанд 4.5 тэрбум төгрөг байна гэж тооцоолжээ. Үүнээс авто замын хэрэглэгчид жилд 265 сая төгрөг, газар ашиглалт, газрын үнэлэмж дээшилснээр урт хугацаанд 4.2 тэрбум төгрөг бөгөөд аймгийн төвийн ерөнхий төлөвлөгөөтэй уялдуулан, авто замын сүлжээг зөв зохион байгуулалттай болгож өргөтгөн шинэчлэснээр бизнесийн орчин, ажлын байр нэмэгдэх юм байна. Түүнчлэн газар ашиглалт, газрын үнэлэмж дээшилж, нийгмийн үйлчилгээний хүртээмжийг нэмэгдүүлэн, олон улсын стандартад нийцсэн зам бий болж иргэд цэвэр, эрүүл, аюулгүй орчинд тав тухтай амьдрах ажиллах нөхцөлийг бүрдүүлсэн сум болгож хөгжүүлэхээр төлөвлөсөн байна.
Тус аймагт 2012-2015 онд нийт 744 орон сууц шинээр ашиглалтад орсон бөгөөд зарим орон сууцны нэгдүгээр давхрыг цэцэрлэгийн зориулалтаар төлөвлөн ашиглалтад оруулсан байна. Энэ нь оршин суугчдын талархлыг хүлээсэн, олон талын ашигтай шийдэл болсон талаар аймгийн ИТХ-ын дарга Ч.Мөнхбат танилцуулав. Архангай аймгийн Засаг дарга Д.Бат-Эрдэнэ боловсролын салбарт хамгийн их шинэчлэл, бүтээн байгуулалт хийсэн Засаг дарга болохыг энэ үеэр танилцуулав.
Мөн гэр хорооллын дунд шинээр байгуулагдсан 11 дүгээр цэцэрлэгийн үйл ажиллагаатай танилцсан юм. Тус цэцэрлэгт гэр хороололд амьдарч буй өрхүүдийн 120 хүүхэд сургуулийн өмнөх боловсрол эзэмшиж байна. Ийнхүү цэцэрлэгүүдийг шинээр байгуулснаар Архангай аймгийн төвийн 2-5 насны хүүхдүүд 100 хувь цэцэрлэгт хамрагдсан байна. Энэ нь аймгийн боловсролын чанарын хэтийн төлөвлөгөөний суурь болно хэмээн үзэж буйгаа аймгийн удирдлагууд танилцуулсан. Архангай аймгийн боловсролын асуудалд ихээхэн анхаарал хандуулан, олон ажлыг төлөвлөн хэрэгжүүлж байгаа бөгөөд хэтдээ Монгол Улсын оюуны төв болох зорилт тавьсан байна. 
Мөн 2013 онд хоосон талбайд шав тавьж байсан газар өнөөдөр “Шинэ Цэцэрлэг” хороолол байгуулж, 120 айлын орон сууц, 320 хүүхдийн спортын төрөлжсөн сургалттай цогцолбор сургууль, 100 хүүхдийн дотуур байр, усан бассейн, 150 хүүхдийн цэцэрлэгтэй цогцолбор хорооллыг байгуулсантай Улсын Их Хурлын дарга дагалдан яваа төлөөлөгчдийн хамтаар танилцсан юм. Мөн Канад технологиор 44 амины орон сууц барьж байгаа талаар аймгийн ИТХ-ын дарга Ч.Мөнхбат танилцуулсан. Эрдэнэбулган сумын хэмжээнд хог хаягдлын асуудлыг өнгөрсөн гурван жилийн хугацаанд бүрэн шийджээ. Өмнө нь 56 га газар тархсан хог хаягдал байсныг 5 га талбайд цуглуулж, ялгах, боловсруулах үйл ажиллагаа явагдаж байгаа юм байна. Түүнчлэн шинэ хорооллын орчмын гэр хорооллын айлууд төвлөрсөн дулаан, усан хангамжид холбогдсон. Мөн цэргийн анги, дулааны станц байгуулахаар ажиллаж байгаа. Бүтээн байгуулалтын ажил төлөвлөгөөний дагуу явагдаж байна. 
Ийнхүү Улсын Их Хурлын даргыг Архангай аймгийн төвийн бүтээн байгуулалт, шинэ төлөвлөлттэй танилцах үеэр Улсын Их Хурлын гишүүн, Байгаль орчин, хүнс, хөдөө аж ахуйн байнгын хорооны дарга Л.Эрдэнэчимэг, Улсын Их Хурлын гишүүн Н.Батбаяр, Я.Санжмятав болон аймгийн удирдлагууд, албаны бусад хүмүүс дагалдан ажиллав.
Өчигдөр үдээс хойш АТГ-аас МАХН-ын дарга Н.Энхбаярыг хайж Төрийн ордонд ирсэн. Тэд Н.Энхбаяртай Шадар сайд Ц.Оюунбаатарын өрөөнд уулзан мэдүүлэг, байцаалт өгөхийг шаардсан бичгийг өгчихөөд явсан юм. Тэгвэл Шадар сайд Ц.Оюунбаатар АТГ-ын ажилтнууд албан өрөөнд дур мэдэж халдсан хэмээн үзэж АТГ-ын дарга Н.Ганболдод шаардлага хүргүүлсэн байна. Тэрбээр “… Шадар сайд, УИХ-ын гишүүн миний өрөөнд АТГ-ын ажилтан гэх дөрвөн залуу манай ажилтанд өөрсдийн нэр, албан тушаалаа танилцуулалгүй, албан бичиг үзүүлэлгүй дайран орсон балмад үйлдэл нь Үндсэн хуулиар олгогдсон УИХ-ын халдашгүй байдалд халдсан хэрэг боллоо … дээрх үйлдэл гаргасан гэм буруутай этгээдүүдэд хуулийн хариуцлага хүлээлгэж, хууль зөрчсөн адал балмад үйлдлээ залруулж, уучлал гуйхыг шаардаж байна” гэжээ. 
