Калифорни мужийн Залуусын нэгдэл, ЕКГ, Нийслэлийн хөдөлмөрийн газар, Залуучуудын хөдөлмөрийн төв бирж, Монголын ажил олгогч эздийн нэгдсэн холбоо хамтран Америк дахь Монголчуудын “Хөдөлмөрийн яармаг”-ийг амжилттай зохион байгуулжээ. АНУ-д сурч буй оюутан, залуусын хувьд Монголдоо буцаад очиход ажлын зах зээлийн мэдээлэл, ажлын байрны захиалга гэх мэт мэдээлэл байдаггүй байна. Тиймээс 2014 оноос эхлэн уг Хөдөлмөрийн яармагийг зохион байгуулах болсон бөгөөд энэ удаад АНУ-ын 10 мужаас 120 гаруй оюутан, Монголын талаас МЗХ-ны дэргэдэх Залуучуудын Хөдөлмөрийн төв бирж, “Эрдэнэс Тавантолгой” зэрэг байгууллагууд оролцжээ.
МЗХ-ны дэргэдэх Залуучуудын Хөдөлмөрийн төв бирж уг өдөрлөгт анх удаа оролцож сургууль төгсөгч оюутан, залуучуудад Монгол дахь ажлын байрны талаархи мэдээлэл өгч, ажилд зуучлах, захиалга байдлаар оролцсон байна. Тус бирж ажилгүй залуучуудыг тодорхой хугацаагаар гадагшаа гаргаж ажиллуулах, гадаадад өндөр боловсрол эзэмшсэн монголчуудыг сурсан мэдсэнээ эх орныхоо хөгжилд зориулах, ажиллах хөдөлмөрлөх боломжоор хангах чиглэлээр тодорхой ажлуудыг зохион байгуулж байгаагийн нэг нь энэ хөдөлмөрийн яармаг болж байгаа аж.
Тус өдөрлөгөөр Монгол дахь ажлын байрны талаар мэдээлэлгүй байдаг оюутан залуусын хувьд Монголоос ирж байгаа байгууллагуудаас бодит мэдээлэл авах, шууд ажлын байранд зуучлагдах, мөн өдөрлөгт оролцсон байгууллагуудад зуны дадлага хийх боломж нээгджээ. Мөн энэ үеэр “Надад хэлэх үг байна” илтгэлийн тэмцээн зохион бйагуулагдаж, тэмцээнд 24 оюутан, залуус илтгэлээ ирүүлснээс найман илтгэл шалгарч, шилдгүүд тодорсон байна.
Гүржийн нийслэл Тбилис хотноо олон улсын жүдо бөхийн холбоо буюу IJF-ийн олимпийн эрхийн оноо олгох гран при тэмцээн өчигдөр эхэллээ. Энэ өдөр уламжлал ёсоор эрэгтэй 60, 66, эмэгтэй 48, 52, 57 кг гэсэн хөнгөн жингийн барилдаан болно.
Энэ сарын 28-нд буюу даваа гаиргт төвийн нутгийн зүүн, зүүн зүгийн нутгийн зарим газраар, 30-нд баруун болон төвийн нутгийн ихэнх нутгаар, 31-нд нутгийн зүүн хагаст хур тунадас, нойтон цас орно. Салхи 28-нд говь талын нутгаар, 30, 31-нд зарим газраар секундэд түр зуур 16-18 метр хүрч, шороон болон цасан шуурга шуурна. Завхан голын эх, Увс нуурын болон Дархадын хотгор, Идэр, Тэс голын хөндийгөөр шөнөдөө 6-11 градус хүйтэн, өдөртөө 3 градус дулаанаас 2 градус хүйтэн, Хэнтэйн уулархаг нутаг, Тэрэлж, Хэрлэн, Халх голын сав газраар шөнөдөө 4-9 градус хүйтэн, өдөртөө 4-9 градус, говийн бүс нутгийн өмнөд хэсгээр шөнөдөө 0-5 градус, өдөртөө 15-20 градус дулаан, бусад нутгаар шөнөдөө 4 градус хүйтнээс 1 градус дулаан, өдөртөө 10-15 градус дулаан байна гэж Ус цаг уурын эрдэм шинжилгээний хүрээлэнгээс мэдээллээ.
Нийслэлийн Засаг даргын 2016 оны нэгдүгээр сарын 13-ны өдрийн А/33 дугаар захирамжаар Авто тээврийн болон өөрөө явагч хэрэгслийн албан татвар, агаарын бохирдлын төлбөр, автозам ашигласны төлбөр хураах ажлыг 2016 оны 01 дүгээр сарын 15-ны өдрөөс эхлэн нийслэлд зохион байгуулан ажиллаж байна. Нийслэлийн хэмжээнд төвийн 6 дүүрэгт тээврийн хэрэгслийн албан татвар, төлбөр хураах 15 цэг уртасгасан цагаар ажиллаж байгаа аж.
Сүхбаатар аймгийн Эрүүл мэндийг дэмжих төвийн барилгыг улсын төсвийн 1.3 тэрбум төгрөгийн хөрөнгө оруулалтаар барьж, ашиглалтад оруулсан байна. Эмч, эмнэлгийн ажилтнуудын мэргэжлийг дээшлүүлж, давтан сургалт явуулахаас гадна хоёр, гуравдугаар давхартаа иргэдэд эрүүл мэндийн үйлчилгээ үзүүлэх тус төвийн нээлтийн ажиллагаанд Монгол Улсын Ерөнхий сайд Ч.Сайханбилэг, Аж үйлдвэрийн сайд Д.Эрдэнэбат, Засгийн газрын Хэрэг эрхлэх газрын дэд дарга Г.Ганболд, аймгийн Засаг дарга Ж.Батсуурь, ИТХ-ын дарга П.Мөнхжаргал нар болон албаны бусад хүмүүс оролцлоо. 2008 оноос хойш Сүхбаатар аймаг 18 тэрбум төгрөгийн хөрөнгө оруулалтыг эмнэлгийн барилга барихад зарцуулсан. Нээлтээ хийж байгаа Эрүүл мэндийг дэмжих төвийн байр найм дахь шинэ эмнэлгийн барилга гэж аймгийн Эрүүл мэндийн газрын дарга Б.Эрдэнэтуяа хэлсэн юм.
“Рио-2016” олимпийн эрх олгох боксын Ази номхон далайн бүсийн тэмцээн БНХАУ-ын Чянь Ань хотод үргэлжилж байна. Өчигдөр манай эрэгтэй боксчид тулаанаа эхлүүллээ. Энэ өдөр эрэгтэй 52 кг-д Х.Энх-Амар Тайваний боксчин Чун Хейн Жанг, 64 кг-д Б.Чинзориг Тонга улсын тамирчин Т.Файнезиг тус тус 3:0-оор хожин хоёрдугаар тойрогт үлдлээ. Тэмцээний эхний өдөр буюу угжигдар эмэгтэй 60 кг-д ОУХМ О.Сувд-Эрдэнэ Непалийн Сарасвати Ранаг 3:0-оор хожин дараагийн тойрогт БНСУ-ын О Ён Житай тулалдахаар оноолт таарсан. Ийнхүү эхний өдрүүдэд манай гурван боксчин өрсөлдөгчөө хожин дараагийн тойрогт үлдээд байна.
Орон нутагт өрнөж буй бүтээн байгуулалтын ажлуудтай танилцсаны дараа Ерөнхий сайд Ч.Сайханбилэг Сүхбаатар аймгийн иргэдтэй “Жаахан шарга” театрт уулзалт хийлээ. Уулзалтын эхэнд Ерөнхий сайд Монгол Улсын нийгэм, эдийн засгийн өнөөгийн байдал, Засгийн газраас хийж хэрэгжүүлж байгаа ажлуудын талаар товч мэдээлэл өглөө. Жирэмсэн эхийн 5 сартайгаас эхлэн 12 сарын турш сар бүр 40 мянган төгрөг олгож байна. Хоёр ихэр хүүхэд төрүүлбэл тус бүр нэг сая, гурван ихэр хүүхэд төрүүлбэл тус бүр 3 сая төгрөгийн нэг удаагийн мөнгөн тэтгэмжийг олгож байгаагаас гадна хүүхэд бүрт сар бүр 20 мянган төгрөгийг олгож байна. Хүүхэд харах үйлчилгээг эхлүүлсэн, “Оюутан цэрэг” хөтөлбөр хэрэгжиж байна, хамтын тэтгэврийн хууль батлагдсан зэрэг хүүхэд, ахмад настнууд, монгол хүнд чиглэсэн нийгмийн ямар халамж, үйлчилгээг төрөөс хэрхэн хүргэж байгаа талаар танилцуулсан юм.
УИХ-ын гишүүн Х.Тэмүүжинтэй ярилцлаа.
-Ерөнхийдөө та өнгөрсөн дөрвөн жилийг дүгнэж хэлэхгүй юу. Одоо бас иргэдээр дүнгээ тавиулах хугацаа дөхчихсөн байна шүү дээ?
“Монголын эдийн засгийн форум-2016” энэ сарын 30, 31-нд болох гэж байна. Форумын талаар “Монголын эдийн засгийн форум” ТББ-ын гүйцэтгэх захирал Б.Лакшмитай ярилцлаа. 
“Популистуудыг дэмжсэн хэвлэл, мэдээллийн байгууллагыг бизнесийн том компаниуд дэмжихгүй” хэмээн ажил олгогч, бизнес эрхлэгч, татвар төлөгчдийн том холбоод нийлж мэдэгдэл гаргасан нь нэлээн шуугиан тарилаа. Яагаад бизнесийнхэн попуудад биш хэвлэл мэдээллийнхэнд хандаж ийм мэдэгдэл гаргахад хүрэв.