“Өдрийн сонин”-ы даваа гаргийн дугаар 20 нүүрээр хэвлэгдэн гарлаа. Удахгүй дохиох Инээдмийн баярыг угтан “Танайд өнжье” булангаараа “Маск” продакшны хамт олныг урьж оролцууллаа. Тэд Соёлын төв өргөөнөө өдөр бүр 19 цагаас тоглолт хийж байгаа юм. Манай сурвалжлагч үзэгч түмэн, уншигч олны хүртээл болоод байдаггүй тоглолтын тайзны ар дахь хөгтэй, хөөртэй “амьдрал”-ын талаар өгүүлснээрээ онцлог.
“Энержи Ресурс” компанитай холбоотой асуудлаар “Mongolian mining corporation” –ын ТУЗ-ын дарга Ж.Оджаргалын ярилцлага хоёрдугаар нүүрт орсон бол Канадын “Хан ресурс” компанид төлөх ёстой 70 сая ам.долларын өрийн асуудлаарх “Хан ресурсын 70 сая ам.долларыг Засгийн газар биш С.Баяр төлөх ёстой” нийтлэл гуравдугаар нүүрт хэвлэгдлээ.
С.Баярыг Ерөнхий сайд байх үед буюу 2009 оны долдугаар сард Засгийн газар “Хан ресурс” компанийн Дорнод аймагт эзэмшиж байсан ураны тусгай зөвшөөрлийг цуцалснаас үүдэн тус компани олон улсын арбитрын шүүхэд хандсан байдаг. Чухам ямар шалтгааны улмаас Ерөнхий сайд асан С.Баяр дээрх мөнгийг төлөх ёстой гэдгийг та манай сониноос дэлгэрүүлэн уншаарай.
Долдугаар нүүрт сэжигтнээр байцаагдан шалгагдаж буй Х.Баттулга гишүүний туслах Г.Түвшинжаргалын ээжтэй хийсэн ярилцлага орсон бол арвандолдугаар нүүрт нээгдээд удаагүй байгаа Хүүхдийн парк доторх тайчих баарны талаарх дэлгэрэнгүй сурвалжлага багтлаа.
Арваннэгдүгээр нүүрэнд Авто худалдаа эрхлэгч нарыг Шинэ авто цогцолбор руу шилжүүлэх, утаа, гэр хорооллын дахин төлөвлөлт зэрэг нийслэлийн тусгамдсан асуудлаарх НИТХ-ын дарга Д.Баттулгын ярилцлага орлоо.
Энэмэтчилэн цаг үеийн мэдээ мэдээллүүд өнөөдрийн “Өдрийн сонин”-д багтлаа.
Эрхэм уншигч та, манай сониныг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаар захиалж унших боломжтой. Мөн “Өдрийн сонин”-ы өөрийн байранд ирж захиалга өгч болох ба 9911-2954, 99190570, 8811-1375 дугаарт холбогдон захиалаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ
Мэргэжлийн сумо бөхийн Хару башё саяхан өндөрлөлөө. Өчигдөр буюу 14 дэх өдрийн барилдааны дараа их аварга Хакүхо М.Даваажаргал озэки Котошёогикүгээр 13 дахь даваагаа авснаар ганцаараа тэргүүлж эхэлсэн. Мөн озэки Кисэносато озэки Тэрүнофүжи Г.Ган-Эрдэнээр, озэки Гоэйдо Икиогоор ээлжит даваагаа авснаар тэргүүлэгчийн хоёрдугаар байраа хадгалж үлдсэн. Харин башёгийн сүүлийн өдөр буюу өнөөдөр Хакухо, Харумафүжи нар учраа тааран барилдаж, Хакухо давснаар 36 дахь түрүүгээ авлаа.
Малчдын ноосны урамшууллыг дөрөвдүгээр сард олгохоор болжээ.Үндэсний боловсруулах үйлдвэрт арьс шир, хонь, тэмээний ноос бэлтгэн тушаасан хоршооны гишүүн малчдад энэхүү урамшууллыг олгох юм. 
Монгол орны нийт нутаг дэвсгэрийн 20 гаруй хувьд цастай, цагаан зудтай байна.
“Эрдэнэт” үйлдвэр ХХК-ийн Үйлдвэрчний эвлэлийн холбооны тэргүүлэгчдийн хурал өнгөрсөн пүрэв гаригт болж, нийт ажилтнуудын цалинг 25 хувиар нэмэгдүүлэх, мөн 2015 оны жилийн ажлын үр дүнгийн 13 дахь сарын цалинг олгох зэрэг шаардлагыг удирдлагадаа тавихаар болжээ. Тодруулбал, үүнд хэд, хэдэн шаардлага тавьсан байна.
Өнөөдөр 19:00 цагт “Corporate Hotel”-ын “Convention Center”-т “Монгол туургатны мисс” тэмцээний финалын тоглолт, шагнал гардуулах ёслолын арга хэмжээ болох юм. Дэлхийн Монголчуудын Глобал сангаас санаачлан зохион байгуулж буй “Монгол туургатны мисс-2016″ наадам энэ сарын 20-нд Улаанбаатар хотноо эхэлсэн билээ. Тус наадамд Монгол, Халимаг, Буриад, Тува, ӨМӨЗО-ы 20 мисс оролцож буй бөгөөд тэд тэмцээний эхний өдрөө “Фото мисс”, “Мисс авьяас”, “Мисс модель” номинацид өрсөлдсөн билээ.
“Оюутан цэрэг” хөтөлбөрийн бүртгэл энэ сарын 25-нд дуусгавар болсон. Тэгвэл уг хөтөлбөрт хамрагдагсдын хичээл ирэх дөрөвдүгээр сарын нгэгнээс эхлэх аж. Харин оюутнуудын хичээл хагас, бүтэн сайн өдрүүдэд явагдах юм байна. 
АСЕМ-ын чуулганы үеэр их, дээд сургуулийн шилдэг гэсэн 1200-1500 оюутныг сайн дурын ажилд оролцуулах юм байна. Оюутнуудын хувьд зочдыг угтах, үдэх, баримт материал тараах, сэтгүүлчдэд туслах, хэрэгтэй үед хэлмэрчлэх, шаардлагатай үед ачаа бараа зөөлцөх, замын хөдөлгөөн зохицуулах зэрэг ажилд туслах юм.
Элэгний С вирусийн эсрэг “Харвони” эмийг эрүүл мэндийн даатгалаар хөнгөлөлттэй олгох асуудлыг хэлэлцэж байгаа аж. Энэ асуудлаар Хүн амын хөгжил, нийгмийн хамгаалал /ХАХНХ /-ын яам Эрүүл мэнд, спорт /ЭМС/-ын яам Сангийн яам хамтарсан ажлын хэсэг гаргаж, асуудлыг нааштай шийдвэрлэхээр болжээ. Тухайлбал, ХАХНХЯ-ны Төрийн нарийн бичгийн дарга Г.Нарангэрэл “Эрүүл мэнд, спортын яамнаас гуравдугаар сарын 22-нд “Харвони” эмийг жагсаалтад оруулж, баталсан. Энэ жагсаалтыг манай яаманд ирүүлсэн тохиолдолд асуудал хурдан шийдэгдэж, харвони эмийг хөнгөлөлттэй үнээр олгоход асуудалгүй. Гэхдээ Сангийн яамны зүгээс санхүүжилтийг шийдвэрлэх асуудал бий” гэж мэдэгдсэн юм. Тэгвэл Сангийн сайд Б.Болорын зүгээс энэ асуудалд биечлэн анхаарч, хариуцаж ажиллана гэдгээ илэрхийлсэн байна. Ингэхдээ ирэх зургадугаар сард багтаж 2016 оны төсвийн тодотгол хийнэ. “Харвони” эмийг хөнгөлөлттэй үнээр олгох асуудлыг өөрийн биеэр хариуцаж шийдвэрлэх болно хэмээн мэдэгджээ. Ямартай ч “Харвони” эмийг хөнгөлөлттэй нөхцөлөөр олгох асуудалд ЭМСЯ, ХАХНХЯ, Сангийн яам хамтран ажлын хэсэг байгуулж, үндсэндээ шийдэгдэх шатандаа явж байгаа аж.