Month: March 2016

АНУ-ын сангийн тэтгэлэгт хөтөлбөрт бүртгэл авч эхэллээ. Уг хөтөлбөрөөр Бакалавр, магистрын зэрэгт суралцах оюутнуудыг бүртгэх бөгөөд оюутнуудын материалыг дөрөвдүгээр сарын 15-наас өмнө хүлээн авах юм байна. Хөтөлбөрт бүртгүүлэх оюутнууд дээрх хугацаанд өөрсдийн материалаа бүрдүүлэх аж.

Шалгаруулалт 3 үе шаттай явагдана.

1-Р ҮЕ ШАТ: Бичиг баримтуудаа бүрдүүлж өгнө

Бүрдүүлэх бичиг баримтууд:

a. Хөтөлбөрийн анкет бөглөх

b. Өөрийн CV бэлтгэх /Англи хэл дээр/

c. Гадаад пасспорт

d. Сургуулийн диплом/гэрчилгээ /Англи хэлний орчуулгын хамт/

e. Дүнгийн хуулбар /Дэлгэрэнгүй GPA-2.6 -аас дээш байх/

f. TOEFL/IELTS-ын оноо батламж /IBT-ын 60-аас дээш байх/

g. Хоёр багшийн тодорхойлолт/Манай төвөөс анкет авах/

h. Хоёр хуудас оюутны өөрийнх нь эссэ/ Сэдэв: What make me unique/

2-Р ҮЕ ШАТ: Оюутантай ярилцлага хийнэ.

3-Р ҮЕ ШАТ: Оюутан ярилцлагад орсноос 3-4 долоо хоногийн дараа 5-10 их сургуулийн тэтгэлгийн санал ирэх бөгөөд 7 хоногийн дотор нэг сургуулийг сонгон баталгаажуулж, урилга бичиг баримтуудаа захиална.

Тэтгэлэг нь оюутны суралцсан байдал, амжилт, анкет бөглөсөн байдал, ирээдүйн хүсэл эрмэлзлэл, тухайн улс орны тэргүүлэх мэргэжлийн чиглэлийг харгалзан үзэж тэтгэлгийн хувийг тогтооно.

Тэтгэлгийн төрлүүд:

-Бакалаврын түвшний тэтгэлэг – 4 жил

-Магистрын түвшний тэтгэлэг – 2 жил

Тэтгэлгийн хэмжээ:

АНУ-ын их дээд сургуулиудад суралцах оюутны жилийн зардал $15,000-50,000 доллар/Сургалтын төлбөр + байр + хоол/ байдаг бөгөөд хөтөлбөрт хамрагдсан оюутнууд жилд $8,000-25,000 долларын /Сургалтын төлбөр + байр + хоол/ төлбөрөөр суралцах боломжийг олгодог. Бусад төрлийн тэтгэлгүүдтэй харьцуулбал тэтгэлгийн шалгуур бага байдгаараа давуу талтай.

УИХ-ын гишүүн Х.Баттулгын туслах Г.Түвшинжаргалыг “Сайншанд” аж үйлдвэрийн цогцолборын хэрэгт холбогдон саатуулж, хорих 461 дүгээр ангид цагдан хорьж байгаа. Түүнийг Эрүүгийн хуулийн 148.4, 1661.3 зүйл ангиар ял сонсгож яллагдагчаар татсан.

Тэгвэл эх сурвалжийн мэдээлснээр Г.Түвшинжаргалын хувийн байдлыг харгалзан цаашид цагдан хорих таслан сэргийлэх арга хэмжээ авах шаардлагагүй гэж үзсэн гэнэ. Улмаар цагдан хорих таслан сэргийлэх арга хэмжээг өөрчлүүлэх саналыг хяналтын прокурорт хүргүүлсэн байна.

Өнөөдөр “Монголын үр тариа эрхлэгчдийн Газар тариалан холбоо”-ноос хэвлэлийн бага хурал хийсэн юм. Тус хуралд холбооны тэргүүн Л.Цандэлэг, УЗ-ийн гишүүн Л.Чинбат, Б.Эрдэнэбат нар оролцож, тариаланчдад тулгамдаад буй асуудлуудаар мэдээллээ. Тэд ХХААЯ-ны сайд Р.Бурмаа ОХУ-аас 2016, 2017 онд хэрэглэх, Монголын хэрэгцээнээс хэтэрсэн импортын зөвшөөрлийг 70 гаруй аж ахуй нэгжид олгосон. Энэ үйлдэл нь Монгол Улсын хүнсний аюулгүй байдал 300 мянга гаруй хүн ажилладаг газар тариалангийн салбарыг бүхэлд нь өвдөг сөхрүүлэх ажил болсон хэмээв.

Л.Цандэлэг “Монголын ард түмэн Оросын тариаланчдыг 150 сая доллараар дэмжлээ. Иймээс бид УИХ-ын дарга, Ерөнхий сайд, Ерөнхийлөгч, ҮАБ-ын зөвлөлд ХХАА-н сайд Л.Бурмаагийн асуудлыг явуулсан. Бид хариугаа хүлээж байна” гэсэн юм. Харин “Гацуурт” ХХК-ийн захирал Л.Чинбат “Монголын хэрэгцээнээс хэтэрсэн импортын квотоо дөрөвдүгээр сарын 1-нээс хойш хүчингүй болго” гэлээ.

Энэ үеэр дөрөвдүгээр сарын 15-ны өдөр Чингисийн талбайд 10 мянган тариаланчийн хүрзтэй, техниктэй жагсаал зохион байгуулна гэдгээ мэдэгдэв.

Тэд Засгийн газраас “2015 онд Монгол Улсын хэмжээнд нийт тариаланч иргэд аж ахуй нэгжүүд нийт дүнгээр 400 орчим тэрбум төгрөгийн бодит хохирол амсаад байна. Энэ нөхцөл байдлыг үндэслэн Газар тариалангийн салбарт бодит ГАМШИГ болсон гэдгийг Монгол Улсын Засгийн Газар хүлээн зөвшөөрөх, ХХААЯамны сайд Р.Бурмаагийн судалгаагүй, хугацаагүй, замбараагүй олгосон импортын квотын зөвшөөрлийг 2016 оны дөвөрдүгээр сарын 1-нээс хойш импортлохыг цуцалж хүчингүй болгох, хэт халалтын үед ХХААЯ, БОНХАЖЯ үүлэнд зориудаар нөлөөлж хур бороо оруулах ажлыг хийгээгүйгээс шалтгаалан нийт ургацынхаа 80 гаруй хувийг алдсан Монголын үр тариа эрхлэгч иргэд, аж ахуй нэгжүүдэд УИХ, Засгийн газрын тогтоолоор батлагдсан “Газар тариалангийн үйлдвэрлэлийг тогтворжуулах” богино хугацааны хөтөлбөрийг хэрэгжүүлж, 100 тэрбум төгрөгийн хөнгөлөлттэй зээлийг дөрөвдүгээр сарын 1-ний дотор яаралтай олгуулах,

-Хаврын тариалалтын бэлтгэл ажилд ХХААЯ ямар нэгэн тендергүйгээр тариаланчдыг зөвхөн бэлэн мөнгөөр дэмжих ажиллагааг зохион байгуулах, -Монгол Улсын 2016 оны хэрэгцээт улаанбуудайн хэмжээ, үнийг 2016 оны дөрөвдүгээр сарын 1-ний дотор Монгол Улсын Засгийн Газраас зарлах,

-Монгол Улсын Аюулгүй Байдал, 300 мянга гаруй хүний ажлын байр 1000 гаруй компани, ААН, хувь иргэдэд Эдийн Засгийн алдагдал, оюун санаа, эд материалын хохирол учруулсан, үндсэн тариаланчдын үгийг сонсдоггүй ХХАА-н сайд Р.Бурмааг 2016 оны дөрөвдүгээр сарын 1-ний дотор огцруулж, хариуцлага тооцохыг” хүсэв.

Цаг уур орнч хүрээлэнгээс ирүүлсэн мэдээгээр 2016 оны гуравдугаар сарын 30-ны өдөр баруун болон төвийн аймгуудын нутгаар, 31-ний өдөр ихэнх нутгаар, дөрөвдүгээр сарын 1, 2-ны өдрүүдэд зүүн болон говийн аймгуудын нутгаар хур тунадас, нойтон цас орж, салхи 18-20 м/с хүртэл ширүүсэн шороон болон цасан шуурга шуурч, хүйтэрнэ. Иймд малчид, ард иргэдийн анхааралд шуурганд төөрөх, малтайгаа уруудах, осгох, амь насаа алдах зэрэг эрсдэлээс урьдчилан сэргийлж, хүүхдийг хараа хяналтгүй орхихгүй байх, түүнчлэн малын бэлчээрлэлтэд онцгойлон анхааруулж байна. Хүчтэй цасан шуурганы үеэр үзэгдэх орчин хязгаарлагдах, автозам, даваа цасанд хаагдах, хальтиргаа гулгаа үүссэний улмаас тээврийн хэрэгсэл саатах, бөөгнөрөл үүсэх зэрэг хүндрэл гардаг.

Иймээс хүчтэй салхи шуурганы үед замд гарахгүй байх, зайлшгүй шаардлагатай тохиолдолд хол, ойрын замд гарахдаа тээврийн хэрэгслийн найдвартай байдлыг хангаж бензин, шатахууны нөөцтэй, дулаан хувцастай зорчихыг Онцгой байдлын ерөнхий газраас анхааруулж байна.

“Монголын медиа корпораци”, “Нэг Монгол” ТББ, Монголын элэгний эмч нарын нийгэмлэг, Оном сан болон Өвчтөн нийгмийн төлөөллийн зөвлөлийнхөн хамтран мэдээлэл хийлээ. Тэд элэгний вирусийн эсрэг үйлчилгээтэй эмүүдийг хөнгөлөлттэй олгохоор болсон тухай мэдэгдэв.

Тодруулбал:

-Ламивудин

-Тенофовиор

– Телбивудин

-Рибавирин

-Интерферон гэсэн таван нэр төрлийн эмийг Эрүүл мэндийн даатгалын сангаар 80 хувиар хөнгөвчилсөн байна. Дээрх байгууллагуудын зүгээс одоо “Харвони” эмийг ЭМД-ын сангаас 80 хувь хөнгөлөх асуудлыг яаравчлах шаардлага байгааг хэлсэн.

“Нэг Монгол” ТББ-ын гаргасан судалгаагаар өнөөдөр Монголд элэгний өвчний улмаас өдөр тутамд долоон хүн амь эрсдэж байгаа аж. Өөрөөр хэлбэл Монгол улс зуун мянган хүн тутам дахь элэгний хавдрын нас баралтаар дэлхийд нэгдүгээр байранд байгаа юм. Энэ үзүүлэлт нь дэлхийн дунджаас найм дахин их гэсэн үг. Тэгвэл 2020 он гэхэд Монгол улсад хепатит С вирүсийг устгаж, мѳн хепатит В вирүсийн халдварыг эрс бууруулж, вирүст хепатитын халдвартай хүмүүсийг эмчилгээнд хамруулах замаар Монгол улс дахь элэгний ѳвчлѳлтэй холбоотой нас баралтыг 50 хувь бууруулна гэсэн зорилготой ажиллаж байгаа аж.

Өнөөдөр УИХ-ын ээлжит бус чуулганаар Монгол улс цөмийн хаягдлыг нутаг дэвсгэртээ булшлахгүй байх эрх зүйн орчинг бүрдүүлэх, энэ оны гуравдугаар сарын 31-ний өдрөөс өмнө цөмийн хог хаягдлыг газар нутагтаа булшлахгүй гэсэн Олон Улсын хэлэлцээрт нэгдэн орох асуудлыг хэлэлцэх байв. Гэвч үүнийг иргэний нийгмийн хөдөлгөөнүүд эсэргүүцэгчид Төрийн ордны гадна жагсаал хийсэн. Ингэхдээ тэд зам дагуу үл мэдэгдэх шар нунтаг цацаж, улмаар замын хөдөлгөөнийг хааж, ордныг хамгаалалтад авахад хүргэсэн.

Асгасан шар нунтгийг Нийслэлийн онцгой байдлын албаны холбогдох хүмүүс ирж, аюулгүй болгосон бөгөөд бодис асгасан хүмүүсийг Сүхбаатар дүүргийн цагдаагийн хэлсэс рүү авч явсан юм.

Одоогоор жагсаалыг зохион байгуулагчдаас цагдаа нар байцаалт авч эхэлжээ.