“Өдрийн сонин”-ы лхагва гаригийн дугаар хэвлэгдэн, захиалагчдадаа хүрлээ. Энэ өдрийн дугаарт гарсан нийтлэл, сурвалжлага, ярилцлага, мэдээ мэдээллээс онцолж, тоймлон хүргэж байна.
Улс орнуудын хоолны соёлыг харуулсан фестивалийг “Өдрийн сонин” онцолж сурвалжилжээ. Дэлгэрэнгүй мэдээллийг VIII нүүрээс унших боломжтой.
Улс төрийн булангаас Б.Гарамгайбаатарын “Цацраг идэвхт хаягдал импортлохыг хуулиар хориглоно”, УИХ-ын гишүүн Ө.Энхтүвшингийн “Өгөөмөр захын тухай хэн ч, юу ч яриагүй”, УИХ-ын гишүүн Л.Эрдэнэчимэгийн “АН болон МАН-ыг дамнасан улс төр, бизнесийн томоохон бүлэглэлийн асуудал яригдаж байна” гэх ярилцлагууд болон цаг үеийн мэдээ мэдээллийг уншаарай.
Харин “Өдрийн сонин”-ы нийтлэлийн бодлогыг тодорхойлж байдаг, нийгмийн нэгэн залуур чиг болж байдаг Баримт, үзэл бодлын гуравдугаар нүүрт нэрт нийтлэлч Баабарын “Олон үндэстний гүрэн” нийтлэл хэвлэгдлээ. Та бүхэн нийтлэлийг III нүүрнээс бүрэн эхээр нь тухлан уншаарай.
Баримт үйл явдал нүүрт Иргэний нийгмийн байгууллагууд төрийн ордны гадна жагсаал хийж шар нунтаг бүхий бодис цацсан асуудлыг тусад нь шалгаж байгаа талаарх мэдээлэл болон цаг үеийн мэдээ мэдээлэл VII нүүрт хэвлэгдэв. Мөн Их Британийн нэрт физикч Стивен Хокинг манай дэлхийн ирээдүйн талаар Оросын “ТАСС” агентлагт өгсөн ярилцлагыг уншаарай. Тэрээр “Ойрын 100 жилийн дотор хүн төрөлхтөн Марс дээр амьдардаг болно гэдэгт би эргэлдэггүй” хэмээн ярьжээ. Та энэ талаарх дэлгэрэнгүйг XII нүүрнээс унших боломжтой.
Хүмүүс, хувь тавилан нүүрнээс “Амьдын хагацал амссан аав, охин хоёрын 15 жилийн дараахь учрал” хэмээх нийтлэл хэвлэгдсэн байна. Үүнд “Монгол туургатны мисс” тэмцээнд оролцсон Халимагийн мисс Сарантуяа Ганбаатаровна Даваасүрэн “Мисс авьяас” үзүүлбэрийн үеэр 15 жил уулзаагүй аавтай уулзсан сэтгэл догдлуулам үйл явдлын тухай бичжээ. Энэ талаарх дэлгэрэнгүй XXIII нүүрэнд хэвлэгдсэн байна.
Шинжлэх ухаан нүүрт Нобелийн шагналт Амано Хирошигийн Усыг цэвэршүүлэхэд, хөх өнгийн лед гэрлийг ашиглана хэмээн ярьсан сонирхолтой лекц хэвлэгджээ. Та энэ талаарх дэлгэрэнгүйг XXI нүүрнээс уншаарай.
Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.
“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ
“Рио-2016” олимпийн эрх олгох боксын Ази номхон далайн орнуудын бүсийн тэмцээнд өнөөдөр манай улсын 9 тамирчин хүрэл медалийн төлөө тулалдаж байгаа билээ. Саяхан манай боксчин Д.Отгондалай ялалт байгуулсан юм. Тэгвэл эрэгтэйчүүдийн 64 кг-д тулалдсан Үндэсний шигшээ баг, “Алдар” спорт хороо, “Ариг” банкны тамирчин, Армийн дэлхийн аварга Б.Чинзориг хүрэл медалийн болзол хангалаа. Тэрээр БНАСАУ-ын боксчин Кон Таэ Ритэй медалийн төлөөх тулаанаа хийж 3:0-ээр яллаа.
Улсын
Улсын
Өнөөдрийн УИХ-ын ээлжит бус чуулганы нэгдсэн хуралдаанаар Ашигласан түлшний болон цацраг идэвхит хаягдлын менежмэнтийн аюулгүй ажиллагааны тухай конвенц болон холбогдох бусад хуулийн төслүүдийг хэлэлцэх товтой байсан ч хойшлогдоод байна.
БНСУ-ын Хууль зүйн яамнаас тус улсад хууль бусаар ажиллаж, амьдарч байгаа гадаадын иргэдэд зориулсан “Өршөөлийн сар”-уудыг эхлүүлэхээр болсон тухай шийдвэр гаргасан байна. Энэ тухай мэдээллийг Өмнөд Солонгост ажиллаж амьдарч буй монголчуудад зориулан мэдээлэл түгээдэг mglradio.com сайтад мэдээлжээ. Өмнөд Солонгост хууль бусаар аж төрж буй иргэд ирэх дөрөвдүгээр сарын 1-нээс эхлэн есдүгээр сарын 30-ны өдөр дуусталх есөн сарын хугацаанд тус улсыг сайн дураараа орхин явбал, тэдгээр иргэдэд тус улсад дахин нэвтрэхэд нь ямар нэгэн хориг тавихгүй гэдгийг албан ёсоор мэдэгджээ. Харин ирэх есдүгээр сараас хойш гадаадын иргэдийн бичиг баримтыг эрчимтэй шалгах ба энэ үеэр саатуулагдсан гадаад иргэдийн Өмнөд Солонгос улсад нэвтрэх эрхийг таван жилээр хасч, тухайн хүнийг ажиллуулсан үйлдвэр болон компанид хуулийн дагуу хариуцлага тооцох ажээ.
Монгол Улсын Үндсэн хууль нь тус
Иргэний Зориг Ногоон Намын Улс төрийн зөвлөл өчигдөр хуралджээ. Зөвлөлийн хуралдаанаар намынхаа Үндэсний Хорооны хурлыг ирэх дөрөвдүгээр сарын 16-ны өдөр хуралдуулах шийдвэр гаргасан байна. 
Ашигласан түлшний болон цацраг идэвхт хаягдлын менежментийн аюулгүй ажиллагааны тухай 1997 оны конвенцид нэгдэн орох асуудлыг өнөөдөр ээлжит бус чуулганаар хэлэлцэх байсан ч хойшлуулсан. Тэгвэл энэ асуудлаар “Эвлэн мандуулах хүч” хөдөлгөөнийхөн Төрийн ордны гадна эсэргүүцлээ илэрхийлж, барилгын шар оохор цацан, лоозон барьж зогссон билээ.
Он гарсаар улсын хэмжээнд 2016 оны гуравдугаар сарын 28-ны өдрийн байдлаар Булган аймаг Бугат сум, Дорнод аймаг Баянтүмэн, Баян-Уул, Матад сум, Сүхбаатар аймаг Эрдэнэцагаан, Мөнххаан сум, Хэнтий аймгийн Биндэр суманд тус бүр 1 удаа нийт 4 аймгийн 7 суманд 7 удаагийн ой, хээрийн гал түймэр гарч, урьдчилсан байдлаар 1.5 га ой, 15350 га хээр, нийт 15351.5 га талбай түймэрт өртсөн гэсэн дүн мэдээ байна. Мөн ой, хээрийн гал түймэрт 2 гэр, 1 саравч өртөж, 40 толгой мал хорогджээ.
Египетийн Александриа хотоос Каир руу нислэг үйлдэж байсан орон нутгийн зорчигч тээврийн онгоцыг зэвсэгт этгээд барьцаалсан байна. Барьцаалагч онгоцны чиглэлийг өөрчилж Кипр арлын Ларнака нисэх буудалд газардуулжээ.