УИХ-ын чуулганы үдээс хойших нэгдсэн хуралдаанаар Боловсролын тухай хуульд нэмэлт өөрчлөлт оруулах тухай хуулийн төслийг хэлэлцлээ. Хууль санаачлагчийн илтгэлийг Боловсрол, соёл, шинжлэх ухааны сайд Л.Гантөмөр, Нийгмийн бодлого, боловсрол, соёл, шинжлэх ухааны байнгын хорооны санал, дүгнэлтийг Улсын Их Хурлын гишүүн Я.Содбаатар нар танилцуулсан юм.
Хэлэлцүүлгийн явцад УИХ-ын гишүүн Су.Батболд: Боловсролын чанараа сайжруулахын тулд “Цөм” хөтөлбөр, “Авъяас” хөтөлбөр, Кембрижийн сургалт, 12 жилийн тогтолцоо гээд олон зүйл нэвтрүүлж байна. Гэтэл зөв бичдэг хүүхэд ховордлоо. Хүнд зөвхөн мэдлэг чихээд байх биш хүн болгож төлөвшүүлэх нь чухал байна. Нийгмийн ажилтан гэдэг хүн юу хариуцаад байна вэ. Монгол хүний хүмүүжлийн асуудал хуулийн төсөлд туссан уу. Хөрөнгөтэй мөнгөтэй орны иргэд дэлхийд байхгүй үнэтэй сургуулийг зөвхөн Монголд байгуулж байна. Жилийн сургалтын төлбөр нь 20 мянган ам.долларын үнэтэй дунд сургууль бий болсон. Монголын хуульд захирагддаггүй, мөнгийг нь авсны хэрээр мэдлэг өгч чадаж байгаа юм уу, олон улсын сертифкат өгч байна уу. Ийм сургуулийг хэн хянадаг юм бэ гэсэн асуултыг Л.Гантөмөр сайдад тавив.
Боловсрол, соёл, шинжлэх ухааны сайд Л.Гантөмөр хариулахдаа: -Хүүхдүүд өөрсдөө ангидаа мөрдөх дүрэм зохиодог, түүнийгээ дагадаг болсон байна. Хичээлийг зөвхөн багш заадаг байсныг хүүхэд өөрөө хийж сурах. Энэ рүү чиглүүлэх. Яаж өөрөөр нь хариуг олуулах уу, яаж өөрөөр нь эрэлхийлүүлэх вэ гэдгийг сурагчдаар өөрөөр нь санаачлуулдаг болсон. Монгол хүний онцлог, дэлхийд үүгээрээ цаашдаа ялгарах болов уу. Цаашид сургуулиудыг ангилна. Ашгийн сургууль гэж юу юм бэ, ашгийн бус сургууль гэж юу юм бэ гэдгийг зааж өгнө. Өндөр төлбөртэй сургуульд шаардлагаа өндөр тавиад явах шаардлага байгаа гэв.
УИХ-ын гишүүн Я.Содбаатар: Төрөөс боловсролын талаар баримтлах бодлогоо баталсан. Цаашид яах вэ гэдгээ суулгаж өгсөн. Суулгасан асуудал энэхүү хуулийн нэмэлт өөрчлөлтөөр туссан уу. Тухайлбал, малчны 6 настай хүүхэд сургуульд орж байгааг уян хатан байдлаар шийдэх. Хүүхэд харах үйлчилгээ боловсролын салбарт ухралт авчирсан. Цаашид хүүхэд харах үйлчилгээгээ яах вэ. Хүн бэлддэг салбараа ашгийн төлөө байхыг нь хуульчилж өгөх нь зөв үү. Компанийн хуулиар явна гэхээр салбараа эвдчих юм биш байгаа? Боловсрол, соёл, шинжлэх ухааны сайд Л.Гантөмөр: Сайн хүн, амьдрах чадвартай хүн бэлдэх нь боловсролын салбарын зорилго. 12 жилийн хугацаанд ямар хүн бэлдсэн түүнийгээ шалгаж байгаа. Хүүхэд харах үйлчилгээний хууль батлагдлаа гээд цэцэрлэгийн багш нар гомдоллоод байгаа юм байхгүй. УИХ уг хуулийг батлахдаа өнөөдөр байгаа хүндрэл бэрхшээлийг шийдэхийн төлөөх хууль. Цэцэрлэг барьж чадахгүй, багшийг бэлтгэж чадахгүй байна.
Ерөнхийдөө гишүүдийн зүгээс монгол хүүхдийн хүмүүжлийн асуудалд онцгой анхаарал хандуулах, боловсролын салбарын менежментийг сайжруулах, боловсролын цөм хөтөлбөр ямар стандартаар хэрэгжиж байгааг хөндөж их, дээд сургуулиудын оюутны төлбөр илт зөрүүтэй байгаа болон зарим хувийн ерөнхий боловсролын сургуулиудын төлбөр их, дээд сургуулийн төлбөрөөс хэд дахин их байгаа нь сургалтын чанартай уялдаж чадаж байгаа эсэхийг тодотгов.
Хуулийн төслөөр санал хураасангүй, чуулганы нэгдсэн хуралдааныг өндөрлүүллээ. Маргаашийн чуулганы нэгдсэн хуралдаанаар үргэлжлүүлэн хэлэлцэхээр болов.
Сэлэнгэ аймаг дахь Хилийн цэргийн … дугаар ангийн байлдагчид хилийн манааны үүрэг гүйцэтгэж байхдаа оргон зугтсаныг Сэлэнгэ аймаг дахь цагдаагийн газрын алба хаагчид шуурхай ажиллаж саатуулав. Нэгдүгээр сарын 6-ны лхагва гаригийн 11:50 минутад “Хилийн манаанд үүрэг гүйцэтгэж байсан байлдагчид манаанаас бууж ирээгүй байна. Оргосон байж болзошгүй. Тэд тус бүртээ 25 ширхэг сумтай АКМ байлдааны галт зэвсэгтэй яваа” гэсэн мэдээлэл Сэлэнгэ аймаг дахь Цагдаагийн газарт ирсэн байна.
УИХ-ын чуулганы үдээс хойших хуралдаан үргэлжилж байна. Хуралдаанаар Улсын бүртгэлийн ерөнхий хууль болон холбогдох бусад хуульд өөрчлөлт оруулах тухай Засгийн газрын тогтоол, хуулийн төслийг хэлэлцэв.
“Universe best songs-2011” наадмын шилдэг оролцогч С.Хишигжаргал өөрийн уран бүтээлийн анхны цомгоо гаргалаа.
Супер лигийн хоёрдугаар тойргийн тоглолтууд үргэлжлэн явагдаж байгаа. Өчигдөр гэхэд Сентоза Ирвэсүүд болон Архангай Лидерүүдийн хооронд ширүүхэн тоглолт болсон. Түүнчлэн багууд нийлээд 255 оноог авсан нь энэ улирлын хамгийн өндөр оноо болж байна. Түүнчлэн Сентоза Ирвэсүүд багийн тоглогч Т.Санчир 47 оноо авсан юм. Ингэснээр тэрээр энэ улирлын нэг тоглолтод хамгийн өндөр оноо авсан анхны тоглогч болж байна.
Үндэсний дуу бүжгийн эрдмийн чуулгын 65 жилийн ойн хүрээнд “Эх орноо, их урлагаа дэлхий дахинд хамтдаа сурталчилъя” уриатай гэрэл зургийн уралдаан зарласан билээ. ҮДБЭЧ, Гэрэл зурагчдын нэгдсэн холбоо, “Сайхан урлагийн төв”- өөс хамтран зохион байгуулж буй, “Монголын үндэсний урлагийн гайхамшиг гэрэл зурагт” сэдэвтэй уралдаанд мэргэжлийн гэрэл зурагчид болон сонирхогчдоос 295 бүтээл ирүүлсэн байна. Үүнээс 25 гэрэл зурагчны 70 бүтээлийг шигшиж, энэ сарын 16-нд “Хүннү молл”-д үзэсгэлэн гаргах нь. Мөн үзэсгэлэнд тавьсан бүтээлүүдээр цомог гаргахаар бэлтгэж байгаа гэнэ.
Монголын Хөлбөмбөгийн Холбооноос зохион байгуулдаг футзалын дээд лиг энэ амралтын өдрөөр эхлэх гэж байна. Нийт 12 багийн дунд 3-р сарын 27ныг хүртэл үргэлжлэх тус тэмцээнийг энэ жилээс эхлэн “Пэпси” брэнд ивээн тэтгэн оролцож байгаа бөгөөд өнөөдөр тэмцээний хэвлэлийн бага хурлыг МХБХ өөрийн байранд амжилттай зохион байгууллаа.