Монгол Улсын Их Хурлын дарга Зандаахүүгийн Энхболд Европын Холбоо болон түүний гишүүн орнуудаас Монгол Улсад суугаа, хавсран суугаа Элчин сайд нарыг өнөөдөр хүлээн авч уулзлаа.
Уулзалтын эхэнд Улсын Их Хурлын дарга З.Энхболд, Европын Холбоо болон түүний гишүүн орнуудаас Монгол Улсад суугаа, хавсран суугаа Элчин сайд нарыг хүлээн авч уулзаж буйдаа баяртай байгаагаа илэрхийлээд, өнөөдөр Итгэмжлэх жуух бичгээ барьсан Элчин сайд нарт баяр хүргэн, цаашдын ажилд нь амжилт хүссэн юм. Түүнчлэн энэхүү уулзалтыг жил бүр уламжлал болгон зохион байгуулж, тогтмолжуулж байгаа нь Европын Холбоо болон түүний гишүүн орнуудын Монгол Улстай хөгжүүлж байгаа харилцаандаа өндөр ач холбогдол өгч буйн илрэл, энэхүү арга хэмжээ нь хоёр талын хамтын ажиллагааны чухал, байнгын механизм болон хөгжиж буйд баяртай байна хэмээн хэллээ.
Монгол Улсын гадаад бодлогын тэргүүлэх чиглэлийн нэг нь Европын Холбоо болон түүний гишүүн орнуудтай харилцаа, хамтын ажиллагааг бололцоотой бүх салбарт эрчимжүүлэн хөгжүүлэх явдал гэдгийг Улсын Их Хурлын дарга тэмдэглээд, Гадаад бодлогын үзэл баримтлалд Европын Холбоог “гуравдагч хөрш” хэмээн тодорхойлсон болохыг онцлов. Мөн тэрээр “Монгол Улс, Европын Холбооны харилцаа, хамтын ажиллагаа өргөжин хөгжиж байна. Энэхүү харилцаа, хамтын ажиллагааг эдийн засгийн агуулгаар баяжуулан, гүнзгийрүүлэх хүсэл эрмэлзэл, боломж талуудад бий. Монгол Улсад Европын Холбооны Төлөөлөгчийн газрыг нээн ажиллуулах нь хоёр талын улс төрийн харилцааг бэхжүүлэх, бусад салбарын хамтын ажиллагааг өргөжүүлэх, эдийн засгийн хамтын ажиллагааг идэвхжүүлэхэд чухал үүрэгтэй” гэлээ.
Европын аюулгүй байдал, хамтын ажиллагааны байгууллагын Парламентын Ассамблейн намрын хурал 09 дүгээр сард Улаанбаатар хотноо амжилттай зохион байгуулагдсан болохыг уулзалтын үеэр хэлсэн үгэндээ Улсын Их Хурлын дарга дурдсан юм. Түүнчлэн 2016 онд Улаанбаатар хотноо болох Ази-Европын парламентын түншлэлийн 9 дүгээр чуулган, АСЕМ-ын Дээд хэмжээний уулзалтын бэлтгэлд Элчин сайд нарын дэмжлэг чухал болохыг тэмдэглэлээ.
Уулзалтын үеэр Улсын Их Хурлын үйл ажиллагааны талаар болон батлагдсан хууль тогтоол, шийдвэр, хэлэлцэж буй зарим хуулийн төслийн талаар Улсын Их Хурлын дарга дэлгэрэнгүй танилцуулж, Элчин сайд нарын сонирхсон асуултад хариулт өгөв.
Уулзалтад Улсын Их Хурлын гишүүн, Улсын Их Хурал дахь АН-ын бүлгийн дарга Б.Гарамгайбаатар, Улсын Их Хурлын гишүүн, Улсын Их Хурал дахь МАН-ын бүлгийн дарга С.Бямбацогт, Улсын Их Хурлын гишүүн, Улсын Их Хурал дахь МАХН-МҮАН-ын “Шударга ёс” эвслийн бүлгийн дарга Д.Тэрбишдагва, Улсын Их Хурлын Аюулгүй байдал, гадаад бодлогын байнгын хорооны дарга Ж.Энхбаяр, Улсын Их Хурлын гишүүн, Засгийн газрын гишүүн, Засгийн газрын Хэрэг эрхлэх газрын дарга С.Баярцогт, Европын Холбоо болон түүний гишүүн орнуудаас Монгол Улсад суугаа, хавсран суугаа Элчин сайд нар, албаны бусад хүмүүс оролцов.
Монгол Улсаас БНХАУ-д Суугаа Элчин сайдын яамнаас өнөөдөр түүхий махны экспортын хоригийг цуцалсан тухай мэдэгдлийг ирүүллээ.
Монгол Улсаас БНХАУ-ын Бээжин хотод суугаа ЭСЯ-ны консулын газрын ажилтнууд Монгол улсад нэвтрэх визийг дамлан худалддаг тухай яриа байдаг. Гэтэл энэ хэргийн гардан гүйцэтгэгч, зохион байгуулагчаар УИХ-ын гишүүн асан А.Мурат ажилладаг байсан мэдээллийг иргэд хууль хяналтын байгууллагад мэдээлжээ. 
Монгол Улсаас Эрээн хотод суугаа Консулын газрын дэд консул А.Баярсайханыг ажлын хариуцлага гэж үзэн, ажлаас нь чөлөөлөж, эгүүлэн дуудах шийдвэр гарсан.
Хятадын экспортын хэмжээ сүүлийн таван сар дараалан буурчээ. Хятадын гадаад худалдаа өнгөрсөн 11 дүгээр сард 6.8 хувиар, импорт 8.7 хувиар буурсан байна. Хятадаас АНУ-руу экспорт 5.3 хувиар, Европын холбоо руу есөн хувиар тус тус буурчээ.
БНСУ-ын нийслэл Сөүл хотод төвтэй зах зээл судалгааны “Brandstock” компаниас хийсэн судалгаагаар, “Samsung”-ийн “Galaxy” загварын ухаалаг утас дэлхийн хамгийн үнэ цэнтэй брэндүүдийн жагсаалтыг тэргүүлсэн талаар “Ёнхап” мэдээлжээ. Жагсаалтын хоёрдугаарт, жижиглэн худалдааны “Shinsegae” корпорацийн “E-Mart” хөнгөлөлттэй дэлгүүрийн сүлжээ орсон бол Инчоны олон улсын нисэх онгоцны буудал гуравт жагссан байна. 
Мэргэжлийн хяналтын ерөнхий газрын дэргэдэх Хүнсний аюулгүй байдлын үндэсний лавлагаа лаборатори улсын хэмжээнд үйл ажиллагаа явуулж байгаа итгэмжлэгдсэн төрийн болон хяналтын байгууллагын сүлжээ лаборатори, орон нутаг, хувийн өмчит лабораториудыг гадаад хяналтад хамруулан, ур чадварын түвшинг нь тогтоолоо.
УИХ-ын Хууль зүйн байнгын хорооны хуралдааны үеэр Өршөөл үзүүлэх тухай хуулийг хэрэгжүүлэх ажлыг зохион байгуулах комисс мэдээлэл хийжээ.
Өнөөдөр Чингис хотын Пунцагийн гудамжаар тавигдаж буй гэрэлтүүлэг, ногоон байгууламж бүхий 760 метр хатуу хучилттай замын нээлт боллоо. Тус замын нээлтэд Хэнтий аймгийн Засаг дарга Ж.Оюунбаатар, Хэрлэн сумын Засаг дарга бөгөөд Чингис хотын захирагч Н.Базарханд, Зам тээврийн хөгжлийн төвийн захирал Б.Мандат, “Саруул Харгуй” ХХК-ны захирал Б.Содмөнх, “Хөвчийн зам” ХХК-ийн захирал Ч.Алтанзаяа, аймгийн Цагдаагийн газрын Хөдөлгөөний аюулгүй байдлыг хангах тасгийн дарга Л.Цээлхагва нар оролцсон байна. Зам тээврийн яамнаас тендер зарлаж, улсын төсвийн 520 сая төгрөгийн хөрөнгө оруулалттай энэхүү замын ажлын гүйцэтгэгчээр “Саруул Харгуй” ХХК, туслан гүйцэтгэгчээр “Хөвчийн зам” ХХК ажиллажээ.
Сүүлийн 10 жилд ДОХ-ын халдвар авсан хүмүүсийн тоо жилдээ 19 хувиар буурсан талаар The Washington Post сонин бичжээ.