Тавантолгой-Гашуусухайт, Сайншанд, Бичигт-Хөөтийн чиглэлд тавих төмөр замын ажилд 10 мянган цэргийг дайчилна гэж байгаа. Төсөл хэрэгжүүлэхэд зориулж ирэх оны төсөвт 24 тэрбум төгрөгийг суулгасан. Одоогийн байдлаар төмөр замын цэргийн анги байгуулан 10 мянган залууг татаж, Мэргэжил сургалт үйлдвэрлэлийн төвд сургасныхаа дараа төмөр замын ажилд цалинтай ажиллуулах юм байна. “Монголын төмөр зам” компаниас говь, төвийн бүсийн чиглэлд баригдах төмөр замын ажилд эхний ээлжид 3300 ажилчин хэрэгтэй. Үүнээс 700 ажилчин нь өндөр түвшний мэргэжлийн байх шаардлагатай гэсэн саналаа Хөдөлмөрийн яамд хүргүүлсэн байна. Үлдсэн 2601 ажилтныг Хөдөлмөрийн яамнаас цэргийн анги, нэгтгэлийн ойролцоох Мэргэжил сургалт үйлдвэрлэлийн төвүүдийн сургалтад хамруулж мэргэшүүлэхээр болсон гэнэ.
Хүнд машин механизмын оператор, жолооч, бетон арматур, экскаватор гэсэн таван төрлийн мэргэжлээр цэргүүдийг бэлтгэх гэнэ. Япон улсын Засгийн газраас Сайншанд чиглэлийн төмөр зам барих төслийн санхүүжилтийг нь шийдчихвэл ирэх нэгдүгээр сарын 1-нээс цэргүүдээ мэргэшүүлж эхлэх юм байна.
Монголбанкны мэдээлж байгаагаар ам.долларын ханш 1997.36 төгрөгтэй тэнцэж байна. Тэгвэл “Найман шарга” валют арилжааны төвд нэг ам.долларыг 1998 төгрөгөөр худалдан авч 2001 төгрөгөөр зарж байна. Еврог 2175 төгрөгөөр авч 2180 төгрөгөөр худалдаж байгаа юм. Юанийн хувьд авах ханш нь 311.5 төгрөг бол 312 төгрөгөөр зарж буй аж. Харин арилжааны банкуудад валютын ханш ямар байгааг дараахь хүснэгтээр харуулъя.
Нийслэл 2030 он хүртэл хийгдэх урт хугацааны бүтээн байгуулалтын 14 төслийг иргэдээр хэлэлцүүлэхээр болсон билээ. Энэ амралтын өдөр буюу арванхоёрдугаар сарын 12, 13 ны өдрүүдэд иргэдийн дунд санал асуулга явуулахаар болсон байна. Анх хотын харьяалалтай 1600 иргэнээс 800-г нь түүврийн аргаар сонгож, түүнээсээ дахин 400 иргэнийг түүврийн судалгааны аргаар шигшиж, цаашид Улаанбаатар хотын хөгжлийг тодорхойлох төсөл хөтөлбөрүүдэд саналыг нь тусгахаар болжээ.
“Буянт-Ухаа 2” хорооллын эхний хэсэг болох 48 барилгаас 1620 айлын орон сууцны 30 барилга энэ онд бүрэн ашиглалтад орно. Улсын комисс 30 барилгын 24 дээр нь ажиллаж хүлээн авах боломжтой гэсэн дүгнэлт гаргаад байна. Үлдсэн зургаан барилгыг ирэх долоо хоногт хүлээн авахаар төлөвлөжээ. Ингэснээр арванхоёрдугаар сарын 10 гэхэд “Буянт-Ухаа 2” хорооллын 30 барилга бүрэн ашиглалтад орж, иргэд байрандаа орох боломжтой. Одоогоор 100 гаруй иргэд урьдчилгаа төлбөрөө 100 хувь төлж 1200 гаруй байрны захиалга урьдчилсан байдлаар хийсэн байна. Харин квотоо бүрэн ашиглаагүй 400 гаруй байрыг нийтэд нээлттэй худалдах аж.
2015-2016 онд 21 аймаг, нийслэлийн 145.2 мянган малчин өрхөд 56.2 сая мал өвөлжиж байгаа талаар Онцгой байдлын ерөнхий газраас мэдээлэв. Тус газраас өгсөн мэдээгээр өвөлжилтийн бэлтгэл ажил улсын хэмжээнд 85.7 хувьтай хангагдсан байна. Засгийн газрын тогтоолоор аймаг, нийслэлийн хэмжээнд нийт 29.454 тн өвс бэлтгэхээс 78.2 хувийг, 11.115 тн тэжээл бэлтгэхээс 30.1 хувийг тус тус базаасан аж.
Монгол Улсын гавьяат жүжигчинГанбаатарын Ариунбаатар ОХУ-ын Буриад улсын төрийн шагнал хүртсэн байна. Тэрбээр дэлхийн дуурийн олимп гэгддэг П.И.Чайковскийн нэрэмжит уралдаанд түрүүлсэн билээ. 
Намрын улирлын нээлтийн барилдаан эхэлснээс хойш улс аймгийн алдар цолтой бөхчүүдийн есөн удаагийн барилдаан болжээ. Барилдаануудад улсын арслан П.Бүрэнтөгс гурван удаа, улсын арслан Э.Оюунболд улсын харцага Ц.Содномдорж нар хоёр удаа, улсын гарьд Б.Гончигдамба улсын заан Ч.Санжаадамба тус бүр нэг удаа түрүүлж есөн түрүүг таван бөх хүртжээ. Есөн барилдаанд амжилттай барилдсан шилдэг 32 бөхийн чансааг хүргэж байна.
БНХАУ, ОХУ-ын Батлан хамгаалах яамнаас танк болон автомашиныг Зэвсэгт хүчний 014, 016 дугаар цэргийн ангиудад хүлээлгэн өглөө.
Монгол дахь НҮБ-ын Хүүхдийн сан Монголын Үндэсний номын сантай харилцан ойлголцлын санамж бичигт гарын үсэг зурах ёслолын ажиллагаа өнөөдөр Үндэсний номын сангийн байранд боллоо.