Нийслэлийн Иргэдийн Төлөөлөгчдийн Хурлын Тэргүүлэгчдийн тогтоолын дагуу иргэн, аж ахуйн нэгж байгууллагууд эзэмшил, ашиглалтад байгаа газар болон орчныхоо 50 м хүртэлх нийтийн эзэмшлийн зам талбайн хальтиргаа гулгааг арилган, цэвэрлэгээ,тохижилт засвар үйлчилгээ хамгаалалтыг нь хариуцах үүрэгтэй.
Энэхүү тогтоолыг хэрэгжүүлэх зорилгоор Хан-Уул дүүрэг 220 иргэн, аж ахуйн нэгж байгууллагуудтай орчныхоо 50м хүртлэх нийтийн эзэмшлийн зам талбай, ногоон байгууламжийг хариуцан, эд хөрөнгийн ашиглалт, засвар үйлчилгээ хамгаалалтыг хариуцах заалт бүхий гэрээг байгуулсан байна. Гэрээний заалтыг биелүүлээгүй аж ахуйн нэгж иргэдэд Худалдаа, үйлдвэрлэл, үйлчилгээ эрхлэх тусгай зөвшөөрлийг нь сунгахгүй байх хүртэл хариуцлага тооцон ажиллаж байгаа юм. Мөн Баянгол дүүрэг 50м газрын хог хаягдал, цас мөсний цэвэрлэгээ, хальтиргаа гулгааг арилгах шаардлагыг 28 аж ахуйн нэгж байгууллагуудад хүргүүлж, 26 зөрчлийг арилган ажиллажээ. Тус дүүргийн 23 олон нийтийн байцаагч сарын хугацаанд цэвэрлэгээ үйлчилгээ хийгээгүй, хог тарьсан 315 иргэн, аж ахуйн нэгжийн зөрчлийг илрүүлж, тэмдэглэл үйлдсэн байна.
Харин Чингэлтэй дүүргийн 13 байцаагч тохижилт цэвэрлэгээ хийгээгүй долоон аж ахуйн нэгжийн талаарх зөрчлийн тэмдэглэл үйлдэж дүүргийнхээ Засаг даргын тамгын газарт хүргүүлжээ.
Шүүхийн шинжилгээний үндэсний хүрээлэнгээс маргааш иргэдэд зориулж нээлттэй хаалганы өдөрлөг зохион байгуулахаар болжээ. Тус байгуулага нь Хууль зүйн сайдын 2012 оны А/15 дугаар тушаалаар баталсан “Хууль зүйн салбарын нээлттэй бодлого”, Шүүхийн шинжилгээний үндэсний хүрээлэнгийн захирлын “Журам батлах тухай” А/452 дугаар тушаал, Шүүхийн шинжилгэний байгууллагын энэ оны төлөвлөгөөнд тусгагдсаны дагуу ил тод нээлттэй байдлыг хангах, үйл ажиллагаагаа олон нийтэд сурталчлах зорилготой дээрх өдөрлөгийг зохион байгуулна. Тус арга хэмжээгээр иргэдэд дараахь үйлчилгээнүүдийг үзүүлнэ.
УИХ-ын чуулганы өнөөдрийн нэгдсэн хуралдааны эхэнд “Гацууртын ордын төрийн эзэмшлийн хувь тогтоох тухай” УИХ-ын тогтоолын төслийг хэлэлцэх байсан ч УИХ дахь МАХН-МҮАН-ын “Шударга ёс эвсэл”-ийн бүлэг завсарлага авах хүсэлтэй байгааг З.Баянсэлэнгэ гишүүн уламжлав. Учир нь Гацууртын ордод төрийн эзэмших хувь 34 байна гэснийг дахин ярилцаж, шийдэлд хүрэх шаардлагатай гэж үзэв. Мөн тус бүлэг “Авлигатай тэмцэх, хариуцлага, шударга ёсыг бэхжүүлэх үндэсний хөтөлбөрийг батлах тухай” УИХ-ын тогтоолын төслөөр Ерөнхийлөгчийн Хүний эрх, хуулийн бодлогын зөвлөх Ч.Өнөрбаяраас мэдээлэл авах гэж олон удаа дуудсан ч ирээгүй учир энэ асуудлаар завсарлага авахыг хүсэв. Ингээд УИХ-ын дарга З.Энхболд эвслийн бүлгийн саналыг үндэслэн тав хоногийн завсарлага өглөө.
Монголын зохиолчдын эвлэлээс жил бүр уламжлал болгон зохиодог оны шилдэг яруу найраг, шилдэг шүлэгчийг тодруулах утга уянгын их наадам “Болор цом” наадам энэ жил нийслэл Улаанбаатар хотод зохиогдоно.
УИХ-ын чуулганы нэгдсэн хуралдаанаар Үл хөдлөх эд
Эрчим хүчний зохицуулах хорооноос гэр хорооллын айл өрхүүдийн цахилгааны төлбөрийг шөнийн цагаар 50 хувиар хөнгөлөх шийдвэр гаргасан. Үүнтэй холбоотой зарим айл өрх өмнөх сарын цахилгааны төлбөрөө хэсэгчлэн төлөх боломжтой болсныг эрчим хүчний хорооноос мэдэгдлээ. 
2015 оны цахим газар өмчлөлийн 5-р ээлж энэ сарын 14-ний даваа гаригийн 12:00 цагт эхэлнэ.
“Дэлхийн монголчуудын глобал нийгэмлэг” Монголын боксын холбоотой хамтран “Монгол туургатан”-ын боксын анхдугаар их наадмыг Улаанбаатар хонтоо зохион байгуулах гэж байна. Энэ сарын 12-14-ний өдрүүдэд Монгол бөхийн өргөөнд болох энэ удаагийн тэмцээнд БНХАУ-ын ӨМӨЗО, ОХУ-ын Буриад, Халимаг, Тува, Монгол Улсын 18-40 насны шилдэг боксчид Олон улсын AIBA дүрмийн дагуу оролцоно. Тэмцээн 49 кг, 52 кг, 56 кг, 60 кг, 64 кг, 69 кг-ийн жинд болох бөгөөд манай улсаас Г.Ган-Эрдэнэ, Г.Ариунболд, М.Чухал-Эрдэнэ, Т.Жалдасбек, М.Гандулам, А.Нурлан, Б.Төмөрхуяг, Х.Энх-Амар, Э.Цэндбаатар, Э.Идэрхүү, Б.Мишээлт, Х.Тулга, Д.Отгондалай, Б.Жавхлан, О.Батхүү, Ц.Пүрэвсүрэн, Б.Чинзориг, Г.Баярхүү, О.Норовбал, Ц.Отгон-Эрдэнэ, Б.Түвшинбат, О.Батзориг, З.Энхзориг, Д.Давааням нарын тамирчид оролцохоор болжээ. Харин ӨМӨЗО-оос тав, Халимагаас гурав, Тува, Буриадаас тус бүр зургаан тамирчин оролцохоор болсон байна.
Нийслэлийн Засаг даргын Тамгын газар “Монголын балетын хөгжил сан” хамтран зохион байгуулж байгаа дэлхийн алдарт “Цөмөөхэй” балетыг 12 дугаар сарын 12, 13, 19, 20, 26, 27-ны өдрүүдэд Улсын Дуурь Бүжгийн Эрдмийн театрт тоглох гэж байна.
ИХ дахь “Шударга ёс” эвслийн бүлгийн дэд даргын