Америкийн “TIME” сэтгүүл “Оны хүн”-ээр Германы канцлер Ангила Меркелийг нэрлэсэн билээ. Тэгвэл тус сэтгүүл анх удаагаа “Оны муу хүн”-ийг тодруулсан тухай “www.dailymail.co.uk” мэдээлэв.
“Оны муу хүн”-ээр Иракийн хэт даврагч “Халифын вант улс” бүлэглэлийн тэргүүн Бакар аль Багдади тодорчээ. “Багдадигийн байгуулсан террорист гүрэн дэлхийг заналхийлж, айлган сүрдүүлж байна” хэмээн саналаа өгсөн иргэд үзжээ.
Хэт даврагчид 2014-2015 оны хооронд барууны орнуудад 50 гаруй удаа халдлага үйлдсэн байна. Өнгөрсөн сард Парис хотноо цуврал халдлага үйлдэж, 130 хүний аминд хүрчээ. Тус бүлэглэл 100 мянган дайчинтай бөгөөд Ирак, Сири улсад хяналтаа тогтоосон юм. Газрын тос, хүний, эд эрхтний, зэвсгийн наймаагаар өнгөрсөн жил 1.1 тэрбум долларын ашиг олсон гэнэ
Хятад улс утаатай тэмцэх ажилд Азийн хөгжлийн банкнаас 300 сая ам.долларын зээл авахаар болжээ. Хятадын засгийн газар энэ зээлийг түүхий нүүрсний хэрэглээг багасгахад зарцуулах аж. Азийн хөгжлийн банкнаас “KfW” буюу Германы Хөгжлийн банктай хамтран зээлийн санхүүжилтийг гаргаж байгаа гэнэ. Германы хөгжлийн банк 150 сая евро гаргах аж.
Сербийн Ono Bikes компани классик загвартай унадаг дугуй бүтээжээ. Энэхүү унадаг дугуйны их бие нь есөн метрийн урттай, 20 кг жинтэй, зэвэрдэггүй гангаар хийгдсэн 26 болон 28 инчийн диаметр бүхий дугуйтай.
Нэмэгдсэн өртгийн албан татвар /НӨАТ/-ын тухай хуулийн шинэчилсэн найруулгыг 2015 оны долдугаар сарын 9-ний өдөр УИХ-аар батласан бөгөөд ирэх оны 1 сарын 1-ний өдрөөс эхлэн хүчин төгөлдөр үйлчилж эхлэх юм. Шинэчлэн батлагдсан Нэмэгдсэн өртгийн албан татварын тухай хуульд тусгасан гол өөрчлөлт нь иргэдрүү чиглэсэн олон бодит боломжуудыг тусгаж өгсөнөөрөө онцлог гэж мэргэжилтнүүд тайлбарлаж байгаа. Мөн татварын системийг боловсронгуй болгох, далд эдийн засгийг хумихад иргэн бүрийн оролцоог нэмэгдүүлэх, төлсөн НӨАТ-ын 20 хувийн буцаан олголт болон сугалаанд оролцох боломжуудыг төрөөс бий болгож өгснөөрөө давуу талтай юм байна.
Сирийн босогчид, сөрөг хүчнийхэн Саудын Арабын Рияадх хотод хоёр өдөр уулзалт хийсний дараа Сирийн ерөнхийлөгч Башар аль-Ассадын засгийн газартай энхийн хэлэлцээр хийх нэгдсэн баг байгуулахаар болжээ.
Нийслэлийн Засаг даргын Зам тээвэр, дэд бүтцийн асуудал хариуцан орлогч Н.Гантөмөр “Нийтийн тээврийн үйлчилгээний сахилга харицлагыг дээшлүүлэх, хөдөлгөөний аюулгүй байдлыг хангах талаар авах зарим арга хэмжээний тухай” албан даалгаврыг энэ сарын 05-ны өдөр гаргасан. Уг даалгавраар нийслэлийн Тээврийн газар болон гэрээт байгууллагууд өндөржүүлсэн бэлэн байдалд шилжин ажиллахыг үүрэг болгожээ. Энэхүү ажлын хүрээнд арванхоёрдугаар сарын 10-ны өдрийн 06.40 цагаас 22.40 цаг хүртэл Ч:17А ”Баруун 4 зам – Их тойруу – Нарны зам”, Ч.17Б “Баруун 4 зам – Нарны зам – Их тойруу”, Ч:18А “3-4 хороолол – Ард кино театр – Тэц-4” чиглэлийн 19 автобусанд нийслэлийн Тээврийн газрын 65 мэргэжилтэн өдрийн турш хяналт тавин ажиллаа. Хяналт тавих хугацаанд “Ээлжийн жолоочгүй, хий хөлдсөн, машинтай шүргэлцсэн, LED хаяг ажиллаагүй, камерын харах өнцгийг өөрчилсөн” зэрэг зөрчлүүд илрэв. Илэрсэн зөрчлийг цаг тухайд нь “Хяналтын деспичер алба”-тай холбогдон арилгуулж ажиллалаа. Дээрх гэнэтийн хяналтын ажлыг энэ оныг дуустал өдөр бүр хийхээр төлөвлөгөө гарган ажиллаж байна.
Онцгой байдлын албаныхан дэлхийн стандартад нийцсэн галын машинтай болжээ. Нийслэлийн Хан-Уул дүүргийн болон Увс, Говь-Алтай, Өмнөговь, Орхон, Өвөрхангай, Сүхбаатар, Сэлэнгэ, Ховд, Хэнтий аймгийн Онцгой байдлын газрын аврах, гал унтраах ангиуд БНСУ-д үйлдвэрлэсэн “ TATA DAEWOO K7C6F” маркийн галын үндсэн албаны авто машинтай болж, өчигдөр түлхүүрээ гардлаа.
ОХУ-ын Чуваш улсын Новочебоксарск хотын “Чебоксары Арена” спортын ордонд Чуваш улсын Тэргүүн М.В.Игнатьевийн нэрэмжит “Кубок России по женской борьбе” олон улсын тэмцээн болж байна. Өнөөдөр хүрэл, алтан медалиудын төлөөх барилдаан болно.
Өчигдөр Швейцарийн нийслэл Женев хотод аюулгүй байдлын түгшүүрийн түвшнийг нэмэгдүүллээ. Өнгөрсөн сард Парист болсон цуврал халдлагын дараа Женев хотод аюулгүй байдлын түгшүүрийн түвшин зарласан юм.