УИХ дахь МАН-ын бүлгээс лхагва гариг бүрт зохион байгуулдаг мэдээллийн “Морин цаг”-т УИХ-ын гишүүн Су.Батболд оролцлоо. Тэрбээр Сонгуулийн хуулийн асуудлаар байр сууриа илэрхийлэв. Хуулийн төслийг хэлэлцэж батлах хуулийн хугацаа дуусахад 20 гаруй хоног үлдсэн. Тиймээс МАН, бусад намын төлөөлөлтэй хамтарч боловсруулсан хуулийн төсөлд тусгасан дөрвөн асуудлаар зөвшилцөж чадвал хуулийг хугацаанд нь батлах боломжтой гэнэ. Машинаар тоолсон саналын дүнг гараар хяналтын тооллого хийж баталгаажуулах. Ингэснээр сонгогчдын өгсөн санал үнэн зөв баталгаажихын дээр “хар машины” гэх хардлаганд цэг тавих ач холбогдолтой гэж үзжээ. Сонгуулийн мажоритар системийг нэг тойрог, нэг мандат болгох асуудлыг зөвшилцөх шаардлагатай аж. Ингэж нэг мандат бүхий жижигрүүлсэн тойрог болгосноор улстөрийн нэг намаас нэр дэвшигчид хоорондоо өрсөлдөхгүй болно гэж үзсэн байна. Намын жагсаалт гаргахдаа Монгол Улсыг бүсчилсэн байдлаар хувааж, 28 хүнийхээ нэрийг жагсаан сонгуулах хувилбарыг дэвшүүлж байгаа аж.
Тойрог, хэсгийн хороодын бүрэлдэхүүнийг дан ганц төрийн албан хаагчдаар бүрдүүлэхийг болиулж, 70 хувьд улстөрийн намын төлөөлөл оруулах. Ингэснээр сонгууль зохион байгуулагчид илүү шударга ажиллах боломжтой болно гэж үзжээ.
Эдгээр асуудал УИХ-ын гишүүн Су.Батболдын өргөн барьсан хуулийн төслийн үндсэн агуулга бөгөөд ИЗН, “Шударга ёс” эвсэлтэй хамтран боловсруулсан байна.
УИХ-ын
Өнөөдрөөс эхлэн 2016 оны гуравдугаар сарын нэгнийг хүртэл Өмнөговь аймгийн нутаг дэвсгэрт мотоциклийн хөдөлгөөнийг түр хугацаагаар хоригложээ. Тус аймагт жил бүрийн энэ үеэр мотоциклийн хөдөлгөөнийг түр хорьдог аж. Зам дээр хальтиргаа ихэссэн энэ үед хоёр дугуйтай мотоцикль тэнцвэр муутай байдаг тул зам тээврийн осол аваарыг багасгах зорилгоор энэ арга хэмжээг авдаг байна.
Сүүлийн
“Дэлхийн монголчуудын глобал нийгэмлэг”( World Mongolians Global Association) санаачлан Монголын боксын холбоо дэмжин, хамтран зохион байгуулах Монгол туургатны боксын анхдугаар их наадам энэ сарын 12-14-ний өдрүүдэд Улаанбаатар хотноо болох гэж байна. Монгол бөхийн өргөөнд болох энэ удаагийн тэмцээнд БНХАУ-ын ӨМӨЗО, ОХУ-ын Буриад, Халимаг, Тува, Монгол Улсын 18-40 насны шилдэг боксчид Олон улсын AIBA дүрмийн дагуу оролцоно. Тэмцээн 49 кг, 52 кг, 56 кг, 64 кг, 69 кг нийт 6 жинд явагдах бөгөөд жин тус бүрт Монгол Улсаас 4 бусад улсаас 1 тамирчин оролцоно.
Эдийн засгийн хямралтай холбогдуулан ирэх оны төсөвт хүүхдийн мөнгийг 200 гаруй тэрбумаас 144 тэрбум төгрөг болгон суутгасан. Ингэснээр Хүн амын хөгжил, нийгмийн хамгааллын яамнаас хийсэн өрхийн мэдээллийн сангийн судалгаанд үндэслэн амжиргааны түвшин доогуур өрхийн хүүхдүүдэд хүүхдийн мөнгө олгохоор болсон.
Өмнөговь аймгийн Гурвантэс сумын Гоёот багийн харьяат иргэн, 26 настай, эрэгтэй С, 25 настай, эрэгтэй Б нар сумаас хойш 80 км зайд байх Хавцгайтын гол гэдэг газар хөдөө гэртээ очихоор арваннэгдүгээр сарын 30-ны өдрийн 17:00 цагт “Ланд-77” маркийн машинтай гараад сураггүй болжээ. 
Сүүлийн долоо хоногт том оврын автобусны жолооч осол гаргасаны улмаас хоёр хүн амиа алдсан харамсалтай хэрэг гараад байна. Гэтэл өчигдөр дахин нэг иргэн Рейлбуст дайруулж амиа алджээ. Тодруулбал Баянгол дүүргийн 20-р хороонд рейлбуст хүн дайрагдлаа” гэсэн мэдээлийн дагуу цагдаагийн алба хаагчид шалгахад төмөр замын 399-р км-ийн 8-р зуутад Сонгинохайрхан дүүргийн 23 хороонд суух 30 настай эрэгтэй Б Улаанбаатар-Зүүнхараа чиглэлийн Рейлбуст дайрагдаж нас барсан байжээ. Хэргийг Төмөр замын цагдаагийн хэлтэст шалгаж байна.
“Эрдэнэс-Таван толгой” компанийн Цанхын зүүн уурхайд ажиллаж байсан 200 гаруй хүнийг БНХАУ-ын “TTGVCo” компанид шилжүүлэх гэрээ байгуулах болсноор маргаан үүссэн билээ. Улмаар 203 ажилтны төлөөлөл болсон “Эв санааны нэгдэл” үйлдвэрчний эвлэл байгуулж удаа дараа ажил хаялт зарласан юм. Гэвч энэ нь үйлдвэрчний эвлэлийн дарга С.Эрдэнэ өөрийгөө шатааж байдал хурцадсан. Тэгвэл “Эрдэнэс-Таван толгой” компани 203 ажилтнаа эргүүлэн авахаар болсон байна. Өчигдөр “Эрдэнэс-Таван Толгой” ХК-ийн захиргаа, “Эв санааны нэгдэл” үйлдвэрчний эвлэлтэйгээ харилцан ойлголцлын гэрээ байгуулжээ. Улмаар ажилтнуудаа компанидаа үлдээхээс гадна С.Эрдэнийг гадаадад эмчлүүлэхээр болсон байна. Мөн Цанхын зүүн уурхайн үйл ажиллагааг энэ сарын 12-ноос эхлүүлэхээр болжээ.