Улаанбаатар хотын Замын цагдаагийн газрын Мэдээлэл шуурхай удирдлагын төвд зам тээврийн ослын 241 дуудлага бүртгэгдсэн байна. Тодрууулбал зам тээврийн осолд найман хүн өртөж, хүнд хөнгөн гэмтжээ. Осолд өртөгсдийн дунд сургуулийн насны хоёр, сургуулийн өмнөх насны нэг хүүхэд байжээ. Согтууруулах ундааны зүйл хэрэглэсэн үедээ замын хөдөлггөөнд оролцсон явган зорчигч хоёр, жолооч нэг бүртгэгдсэн байна. Харин согтуугаар тээврийн хэрэгсэл жолоодсон 31 жолоочийг журамлан гарч болзошгүй осол хэргээс урьдчилан сэргийлж ажилласан.
Тухайлбал, БЗД-ийн нутаг Дамдинсүрэнгийн гудамж, Голомт банкны зүүн замд Т.Камри маркийн авто машины жолооч С нь Т.Прадо маркийн авто машинтай мөргөлдөж зорчигч 10 настай эмэгтэй Э, долоон сартай эмэгтэй Т нарын хоёр хүн гэмтсэн.
ЧД-ийн нутаг Санзайн зам, Яргайт зуслангийн замд Т.Алеон маркийн Л жолоочтой авто машин онхолдож жолооч 23 настай эрэгтэй Л гэмтсэн.
Замын цагдаагийн алба хаагчид нь гудамж замд хийсэн хяналт шалгалтаар 2410 зөрчил илрүүлж 2331 хүнийг 41 сая 68 мянган төгрөгөөр торгож арга хэмжээ авч ажилласан байна. Хууль хэрэгжин эхэлсэн эхний өдөр замын хөдөлгөөнд оролцож буй иргэд дүрмээ баримтлан замын хөдөлгөөндөө идэвхитэй, бие биеэндээ хүндэтгэлтэй оролцсон гэж цагдаагийнхан дүгнэлээ. Хамгаалах бүсийг 90% нь зүүж хөдөлгөөнд оролцож байхад харин зорчигч нь хамгаалах бүс зүүх тал дээр 40% хангалтгүй хэрэглэсэн. Замын нэгдүгээр эгнээ, автобусны буудал дээр зогсож бусдын хөдөлгөөнд саад учруулах , дуут дохиог дуртай үедээ өгдөг явдал багассан, явган зорчигчид зөвшөөрсөн гэрлээрээ гарцаараа зам хөндлөн гарч байгаа нь замын хөдөлгөөнд оролцогчид дүрмээ хэрхэн сайн судлаж үүргээ биелүүлж байгааг харуулж байна. Хэдийгээр сайн зүйлийн хажуугаар саар гэгчээр цагдаагийн хяналт байхгүй хотын захын дүүрэг, алслагдсан газруудад дүрэм зөрчих явдал мэр сэр ажиглагдаж байна. Замын хөдөлгөөний дүрмийг зөрчиж бусдын амь нас эрүүл мэндэд чимээгүйхэн заанал хийдэг зарим нэгэн бүдүүлэг буруу зөвгүй гүйцэж түрүүлэх, урсгал сөрдөг, улаан гэрлээр ордог, явган зорчигчоо айлгаж дохиогоо хангинуулдаг жолооч нарт шинэ Замын хөдөлгөөний аюулгүй байдлын тухай хууль сургамж болохоор замын хөдөлгөөнд оролцогч хүн болгоны эрхийг хамгаалсан, үүргийг нь өндөржүүлсэн цагаа олсон хууль гэж Улаанбаатар хотын Замын цагдаагийн газар үзжээ.
Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүхийг шүүх хуралдаан гурав дахиа хойшиллоо. Шинжээчид Багануурын нүүрсний уурхайн удирдлагуудыг хуралдаанд оролцуулах хүсэлт гаргасан ч тэд ирээгүй шалтгаанаар хуралдаан энэ сарын 10-ныг хүртэл хойшиллоо. Харин гэрчээр дуудагдсан УИХ-ын гишүүн Н.Алтанхуяг хуралдаанд ирсэн бөгөөд сэтгүүлчдэд мэдээлэл хийж байна.
Нийслэлд өчигдөр ахуйн чанартай дөрвөн гал түймэр гарчээ. Тодруулбал,
Хөвсгөл аймгийн Ренчинлхүмбэ сумын Хоолойнзах багийн “Хар давааны-Ам” гэдэг газар өнгөрсөн сарын 27-ны өдөр ой хээрийн түймэр гарчээ. Тус газар нь сумын төвөөс 70 км зайд байдаг. Түймрийг унтраахаар тус аймгийн Онцгой байдлын газрын 24 албан хаагч, 2 автомашин, орон нутгийн 48 иргэн, 5 автомашин, нийт 72 хүн, 7 техник хэрэгсэлтэйгээр түймрийг унтраахаар ажиллаж байна.
Гуравдугаар сарын 9-ний өдрийн Засгийн газрын хуралдаанаас орон даяар
УБТЗ-ын удирдах зөвлөлөөс ажилчдынхаа цалинг энэ сарын 1-нээс арван хувь нэмэх шийдвэр гаргажээ. Тус байгууллагад 16 мянган иргэн ажилладаг. УБТЗ хувь нийлүүлсэн нийгэмлэг өнгөрсөн оноос хэмнэлтийн горимд шилжиж агуулахад хадгалагдаж байсан хэрэглэдэггүй барааг зарж захиргааны урсгал зардлуудыг зогсоожээ. Үүний үр дүнд цалин нэмэх боломж гарсан байна.
Монголын оюутны холбооноос өнөөдөр мэдээлэл хийв. Оюутнуудын нийтийн тээврээр үнэгүй зорчих эрх өчигдрөөс хэрэгжих байсан. Гэвч өчигдөр оюутнууд мөнгө төлж явахаас аргагүй болсон гэнэ. Мөн оюутнуудын смарт картад хэдэн төгрөг олгох нь тодорхойгүй байгаа аж. Тиймээс үүнийг эсэргүүцэж жагсаал зохион байгуулах талаараа мэдээллээ. 
Засгийн газрын “100 000 айлын орон сууц” хөтөлбөрийн хүрээнд баригдаж буй “Эрин” хорооллын I ээлжийн барилгын нээлт өнөөдөр болно. Нээлтийн ёслолд Ерөнхий сайд Ч.Сайханбилэг оролцоно. Эрин хороолол нь 2014-2016 оныг хүртэл нийтдээ 12 давхар, 12 ширхэг блок бүхий 2000 гаруй айлын цогцолбор хороолол бүтээн байгуулах төсөл юм. Эхний ээлжинд 4 блок бүхий 550 айлын орон сууц ашиглалтад оржээ. 
Хил хамгаалах ерөнхий газрын удирдлагууд Хятадыг чөлөөлөх дайнд оролцсон, хурандаа Ж.Ядмааг хүлээн авч хүндэтгэл үзүүлэх юм байна. Тэрбээр хил хамгаалах байгууллагад ажиллаж байхдаа чөлөөлөх дайнд оролцсон юм. Мөн өнөөдөр Гадаад хэргийн яамны танхимд Чөлөөлөх дайны ялалтын 70 жилийн ойн хүрээн дэх олон улсын эрдэм шинжилгээний хурал болно. Энэхүү хурлаар Чөлөөлөх дайнд монголчуудын оруулсан хувь нэмрийн тухай голчлон ярилцах юм байна. 
“Сайдын цаг” уулзалтад Монгол Улсын сайд, ЗГХЭГ-ын дарга С.Баярцогт оролцохоор болжээ. Засгийн газрын хуралдааны мэдээллийн төвд болох уг уулзалтын үеэр Монгол Улсын сайд, ЗГХЭГ-ын дарга С.Баярцогт “11-11” төв ирсэн асуултад хариулж, цаг үеийн асуудлаар мэдээлэл өгөх юм байна.