Туул гол дагасан гүний худгуудаас хамгийн сүүлийн худгийг буулгах ажил хэдэн өдрийн өмнөөс эхэлсэн. Эхэндээ барилгачид дээрээс нь эхлэн тун болгоомжтойгоор буулгаж байсан бол өнөөдөр экскаватораар тэгшилж байгаа зургийг та бүхэн харж байна.
Уг ажлыг “Их Модун” компани гүйцэтгэж байгаа аж. Тэдний инженерүүдийн тайлбарлаж буйгаар бол доторхи үнэ бүхий тоног төхөөрөмжийг гэмтээхгүйн тулд болгоомжтойгоор буулгаж байсан байна. Харин нэгэнт тоног хэрэгслийг авсан болохоор техникийн хүчийг ашиглажээ. “Их Модун” компанийн инженер “Актлагдсан гурван худгийн нэг нь энэ. Бид зөвхөн үнэ цэнэтэй эд ангиудыг гэмтээлгүй нураах үүрэгтэй” гэж байгаа. Гэвч Япон улсын тусламжаар 1998 онд барьсан тус гүний худгийн актлагдах хугацаа болсон эсэх нь тун эргэлзээтэй. Тиймээс ойролцоо нь оршин суудаг иргэд хашаагаар тойруулж байгаад нурааж байгаа тул газрыг нь өөрсдөө авах гэж байна гэсэн хардлагаар “Өдрийн сонин”-д хандсан юм.
Энэ үйл явдлын эргэн тойронд хийсэн сурвалжлагыг “Өдрийн сонин”-ы маргаашийн дугаараас уншаарай.
Мөн Toyota Safety Sense – явган зорчигчидоос сэргийлэх төхөөрөмж
Олон улсын хөрөнгө оруулагчдын “Invest Mongolia-2015” чуулган өчигдөр, өнөөдөр хоёр өдөр Улаанбаатар хотноо зохион байгуулагдаж өндөрлөлөө. Энэ удаагийн чуулганы хувьд хөрөнгө оруулалт, эдийн засгийн өсөлт аль аль нь буурсан үетэй давхцаж буйгаараа онцлог хэмээн албаныхан тайлбарлаж байлаа.
“Чингис хаан” олон улсын нисэх буудлын дарга М.Даваажавыг ажлаас нь чөлөөлжээ. Түүнийг албан үүрэгтээ хариуцлагагүй хандсан гэх шалтгаанаар ийнхүү чөлөөлсөн аж. Учир нь нисэх буудлын хяналтын бүсэд хууль бусаар Засгийн газрын нэрийг барьж 160 ам.долларын үнэ бүхий “Аccess” сурталчилгааны сэтгүүлийг худалдаалсан хэрэгт М.Даваажавыг албан үүргээ хэрэгжүүлж цаг тухайд нь арга хэмжээ аваагүй гэж буруутгасан бололтой. Одоогоор “Чингис хаан” олон улсын нисэх буудлын шинэ даргыг томилоогүй байгаа аж.
Германы автомашин
“Ахиллис-Монгол” байгууллагаас энэ сарын 13-нд болох бүх нийтийн марафоны талаар мэдээлэл өглөө. Олон улсын“Ахиллис” байгууллага нь хөгжлийн бэрхшээлтэй иргэдийг спортоор дамжуулан нийгмийн идэвхтэй болгох, тэднийг олон нийт ойлгохыг уриалсан бүх нийтийн гүйлтийг дэлхий даяар зохион байгуулдаг аж.
МАХН-аас хэлмэгдэгсдийн ар гэрийнхэнд тэтгэврийн мөнгөн дээр нэмээд сар бүр 100 мянган төгрөг нэмж олгох тухай хуулийн төслийг өргөн барьснаа мэдэгдлээ. 
“British Airways” агаарын зорчигч тээврийн “Boeing 777” онгоц Лас-Вегас хотоос хөөрөх гэж байгаад шатжээ. Үүний улмаас 14 хүн бэртэл авсан байна. Тэднийг яаралтай эмнэлэгт хүргэж тусламж үзүүлжээ. Гэрчүүдийн ярьснаар онгоц хөөрөхөөр талбайгаас хөдөлж явахад гэнэт зүүн хөдөлгүүр нь шатсан бөгөөд 159 зорчигч болон нисэх багийнхан сууж явсан гэнэ.
“Монголын шүүх шударга шүүх байх ёстой” гэсэн уриан доор иргэд нэгдэж Баянзүрх, Чингэлтэй, Сүхбаатар дүүргийн шүүхийн гадаа жагсаад байсан. Тэд дүүргийн шүүхийн хууль бус үйл ажиллагаанаас гадна Ерөнхий сайдын ахлах зөвлөхөөр ажиллаж байсан Л.Гансүхийн шүүх хурлыг хорих ангид хийж буйд бухимдаж байгаагаа ийнхүү илэрхийлж байсан.