2001 оны есдүгээр сарын 11-ний өдөр Нью-Йорк хотноо аймшигт халдлага болсон билээ. Тус хотын төвд орших дэлхийн худалдааны төвийн ихэр хоёр цамхагийг алан хядагчид онгоцоор мөргөснөөс нурсан юм. Үүний улмаас 2977 хүн нас барж, 24 хүн сураггүй алга болсон. Тэр өдөр алан хядагчид дөрвөн онгоц барьцаалсны хоёр нь дэлхийн худалдааны төвийг байрыг мөргөсөн юм.
Уг халдлагын тухай Монголын хэвлэлүүдээс хамгийн түрүүн “Өдрийн сонин” мэдээлж байсан түүхтэй. Энэ халдлагын улмаас нас барагсдын дурсгалыг хүндэтгэх ёслолын арга хэмжээ Миссури мужийн Канзас-Ситид болно. Гэтэл энэ үеэр Флорида мужийн оршин суугч 20 настай Жош Голдберг гэгч алан хядах ажиллагаа зохион байгуулахаар төлөвлөж байсныг Холбооны мөрдөх товчоо илрүүлжээ. Тэрээр интернэтээр тэсрэх бодис хэрэглэдэг аргыг хүртэл авсан байна.
Ю.Дэлгэр
Монголд анх удаа “будагтай гүйлт” арга хэмжээ болох гэж байна. Уг гүйлт өнөөдөр Үндэсний цэцэрлэгт хүрээлэнд 15.00 цагт эхлэх юм байна. Ингэхдээ оролцогч залуус гурван км метрийн замд гүйх бөгөөд 600 метр тутамд будгаар бие биенээ шүрших гэнэ. Будгийн хувьд улаан, ногоон, шар, цэнхэр, улбар шар, ягаан өнгөтэй байх аж. Энэхүү гүйлтэд 14-өөс дээш насныхан оролцох юм байна. Ингэхдээ гүйлтэд оролцох эрхийн тасалбарыг 30 мянган төгрөгөөр худалдан авна. Тасалбарын үнэд зориулалтын логотой цагаан цамц болон хар нүдний шил, 150 гр будаг багтжээ. Будаг эрдэнэшишийн нунтаг цардуул учраас эрүүл мэндэд хор нөлөө үзүүлэхгүй юм байна.
Японы зүүн хойд хэсгийн нутгаар хэдэн өдөр дараалж орсон аадар борооны улмаас үер болжээ. Үерийн улмаас 63 настай нэг эмэгтэй нас барж, 22 хүн сураггүй болсон бөгөөд 90 гаруй мянган хүн орон гэрээ орхисон байна. 
Мэргэжлийн сүмогийн 70 дахь ёкозүна Харүмафүжи Д.Бямбадорж энэ сарын башёд зодоглохгүй юм байна. Учир нь тэрээр өмнөх башёд Мёгирюүтэй барилдаж давахдаа дэвжээнд гараа эвгүй цохижээ. Үүнээс болж баруун гарынхаа тохойг гэмтээсэн аж. Уг гэмтэл бүрэн эдгээгүй учраас Аки башёг өнжихөөр болсон байна.
Нийслэлийн хэмжээнд энэ сард цахилгаан шугам тоноглолд засвар үйлчилгээ хийж байгаатай холбогдуулан өнөөдөр цахилгаан хязгаарлах хуваарийг танилцуулж байна.
Чөлөөт бөхийн насанд хүрэгчдийн ДАШТ энэ өдрүүдэд Ласвегас хотод болж байгаа билээ. Тэгвэл тус тэмцээний эмэгтэйчүүдийн 63кг-д зодоглосон С.Батцэцэг аваргын төлөөх барилдаанд Залуучуудын ДАШТ-ий хошой алтан медальтай Японы Рисако Кавайг цэвэр ялж алтан медаль хүртлээ. Тэрээр ийн дэлхийн хошой алтан медальтан болж байна. Түүний хувьд дэлхийн алт, мөнгөн медаль хүртээд байсан бөгөөд Лондонгийн олимпийн хүрэл медальтай манай улсын шилдэг тамирчин юм.
Баян-Өлгий аймгийн Улаанхус сумын Баянзүрх дугаар багийн иргэн 24 настай А гэх эмэгтэй энэ сарын 9-нд сураггүй болжээ. Тэрээр гэрээсээ
Нийслэлийн Баянзүрх дүүргийн IV хороонд 150 хүүхдийн багтаамжтай цэцэрлэг ашиглалтад оржээ. Тус цэцэрлэгийг канад технологийн модон байшингийн үйлдвэрлэл, угсралтын “Изо хаус” ХХК барьж гүйцэтгэжээ. Энэ жил тус цэцэрлэгт 285 хүүхэд сурч, хүмүүжихээр төлөвлөөд байгаа юм байна. 2013-2016 оны хичээлийн жилд Баянзүрх дүүрэгт төрийн өмчийн зургаан цэцэрлэг, төрийн бус өмчийн 26 цэцэрлэг шинээр баригдсан байна. Цэцэрлэгийн нээлтийн арга хэмжээнд Боловсролын яамны хэлтсийн дарга Б.Гантулга, Нийслэлийн Засаг даргын орлогч Ц.ЭнхцэнгэлБаянзүрх дүүргийн Иргэдийн төлөөлөгчдийн хурлын дарга Ц.Батхүү, Засаг дарга Д.Пүрэвдаваа зэрэг албаны хүмүүсээс гадна тус хорооны иргэд, эцэг эхийн төлөөлөл оролцсон байна. 
Гол, мөрнөөс хууль бусаар их хэмжээний загас агнах явдал сүүлийн үед гарах нь ихэсчээ. Тухайлбал, Архангай аймгийн Өгий нуур, Сэлэнгэ аймгийн Хараа, Ерөө, Сэлэнгэ, Хэнтийн нурууны голуудаас хууль бусаар загас агнах болжээ. Хууль бус анчид тор тавьж загас барьдаг байсан бол сүүлийн үед тогонд цохиулж, нэг дор олон тооны загас агнах болжээ. Энэ талаар хөдөө орон нутгийн иргэд цагдаагийн байгууллагад мэдээлэл өгөх болсон байна. Эх сурвалжийн хэлж буйгаар Сэлэнгэ аймгийн иргэд жижиг оврын мотор ашиглаж загас үй олноор агнасан хэрэг гарсан байна. Хууль бус анчид мотор асааж цахилгаан гаргадаг аж. Цахилгаан дамжин ирж байгаа кабелийн үзүүр хэсгийн зэс утсыг ил гаргаад түүнийгээ голын усанд дүрдэг байна. Ус цахилгааныг маш хурдан дамжуулдаг учир ойр хавийн бүх загасыг цахилгаанд цохиулдаг аж. Хоёр гурван минут цахилгаанд цохиулсан загас үхэж голын мандалд хөвөөд ил гарч ирдэг гэнэ. Тэгэхээр нь гол руу ороод түүгээд авчихдаг байна. Ингэж хэдхэн минутын дотор барагцаалсан тоогоор зуу гаруй загас агнадаг болох нь тогтоогджээ. Хууль бус загасны анчид ингэж амар хялбар аргаар мөнгө олдог байна. Бүлэг этгээдүүд агнасан загасаа хотод авчирч, томоохон ресторануудад худалдаалдаг гэдгийг эх сурвалж онцолж байв. Цагдаа нар загас хууль бусаар агнаж нийлүүлдэг бүлэг гэмт хэрэгтнүүдийг шалгаж байгаа аж. Б, Г, Н нарын цагдаа нарт өгсөн мэдүүлгээр “Хотын томоохон ресторанууд шинэ загас аваад ирэх юм бол өндөр үнээр худалдан авах санал тавьдаг. Загасны махаар хийсэн хоол борлуулалт сайтай. Бас өндөр үнэтэй байдаг болохоор хэн хэндээ ашигтай байдаг” гэх утга бүхий зүйл ярьсан гэнэ. Хэнтийн Дархан цаазат газар болон бусад нуур, голуудаас хүмүүс цахилгаанд цохиулж загасыг үй олноор нь хядаж байгаа гэх мэдээлэл сум, орон нутгийн цагдаа нарт ирж байгаа гэнэ. 
Хууль бусаар загас агнасан хятад иргэнд торгуулийн арга хэмжээ аваад өнгөрчээ
Нийслэлийн ундны усны эх үүсвэр болсон гүний худгийн нэгийг нурааж, барилга барихаар хашаа хатгасан гэх мэдээлэл манай редакцид ирсэн юм. Энэхүү мэдээллийн мөрөөр “Маршал”-ын гүүрний баруунхантай байх “River tower” барилгын өмнө очлоо. “River tower” барилгын урд талд ердөө 100 метрийн зайтай хашаа барьж хаалт хийсэн байв. Дотогш орвол хашаалсан талбайн голд байсан худгийг экскаватор нураагаад дуусч байв. Нураасан суурийг тойроод дөрөв, таван хүн байх бөгөөд худгийн гүнд байрлах техникийн эд ангийг авахаар ажиллаж байгаа нь энэ. Тэд уг худгийг нураахаар хоёр өдөр ажиллажээ. Ажилчдын хувьд “Бид өгсөн чиг үүргийн дагуу л хөлсөө авч ажиллаж байгаа. Энэ худгийг нурааж доторх тоног төхөөрөмжийг нь авахад тав хоног шаардагдана. Тийм хөлсөөр ажиллана гэж л тохиролцсон. Өөр зүйл мэдэхгүй. Ямар ч байсан ашиглагдахаа болиод удсан худаг юм билээ” гэв. Мөн тэд “Ганаа ах биднийг хариуцаж байгаа” гэсэн тайлбарыг өгөв. Худгийн барилгыг бүрэн нураах ажлыг өчигдөр өглөө гүйцэтгэжээ. Худгийн гүнд байрлах тоног төхөөрөмж дээр “1998 онд Япон улсын хөрөнгөөр барив” гэсэн тэмдэглэл цаг минуттайгаа тодоос тод бичээстэй харагдсан. Тэгэхээр актлаад байх хугацаа ч болоогүй юм байж гэсэн бодол зурсхийв. Худгийг цагаан тоосгоор барьжээ. Зарим эх сурвалжийн мэдээлж буйгаар уг худгийг хэдэн жилийн өмнө лацадсан гэх яриа байна. Ашиглах боломжгүй болсон энэхүү худгийг акталж Ус сувгийн удирдах газрын мэдлээс Нийслэлийн өмчийн харилцааны газарт шилжжээ. Тэгвэл одоо уг худгийг тойруулаад “Их Модун” компани хашаа татсан бөгөөд худгийг нураах ажлыг ч тус компанийн ажилчид гүйцэтгэж байгаа юм байна.
С.Гансүх: Бид нийслэлийн өмчийг нийслэлийн зөвшөөрлийн дагуу л нурааж байна
