“Улаанбаатар цахилгаан түгээх сүлжээ” ТӨХК-аас цахилгаан шугам тоноглолд засвар үйлчилгээ хийж байгаатай холбогдуулан амралтын өдрүүдэд дараах газруудад цахилгаан хязгаарлана.
|
12/IX |
Горхи-Тэрэлжийн БЦГ |
10.00-18.00 |
Полигон дэд станц, иргэн Оюунсүрэн Цэрэндорж, Юнитель, Болор амралт, Лэгдэнхаан, Стройка, Их Биндэр хайрхан, Өндөр-Улаан, Ном, Немо кэмп, Баяримпекс, Минжин, Мираж, Тахилга, Тэнгэрийн илч, Сан жуулчин, Тэрэлж жуулчин, Талын сондор, Монгол алт, Лайт саунд, Тэлмэн камп ХХК-ууд, UB-2, Гацуурт, Жавхлант, Тэрэлж, Ламиран дацан |
|
13IX |
Горхи-Тэрэлжийн БЦГ |
10.00-18.00 |
Полигон дэд станц, иргэн Оюунсүрэн Цэрэндорж, Юнитель, Болор амралт, Лэгдэнхаан, Стройка, Их Биндэр хайрхан, Өндөр-Улаан, Ном, Немо кэмп, Баяримпекс, Минжин, Мираж, Тахилга, Тэнгэрийн илч, Сан жуулчин, Тэрэлж жуулчин, Талын сондор, Монгол алт, Лайт саунд, Тэлмэн камп ХХК-ууд, UB-2, Гацуурт, Жавхлант, Тэрэлж, Ламиран дацан |
Монгол Улсын Засгийн газраас баталсан тогтоолын дагуу энэ сарын хоёр дахь ням гаригт “Соёл урлагийн ажилтны өдөр”-ийг тэмдэглэдэг уламжлалтай. Уг арга хэмжээд салбарын сайдаас эхлээд урлаг, соёлынхон оролцдог юм. Энэ жил Соёл, урлагийн их сургууль тус өдрийн арга хэмжээнүүдийг зохион байгуулж байна. Өчигдөр Дуурь бүжгийн эрдмийн театрт хүндэтгэлийн хурал зохион байгуулсан. Энэ өдрийг өмнөх жилүүдэд тогтсон нэг өдөр тэмдэглэж өнгөрүүлдэг байсан бол энэ жил нийгэмд чиглэсэн сайн дурын олон ажил зохион байгуулж байгаагаараа илүү өргөн хүрээг хамарсан, үр дүнтэй тэмдэглэнэ хэмээн зохион байгуулагчдын зүгээс мэдэгдлээ.
Сүүлийн өдрүүдэд 1999 төгрөг дээр тогтворжсон ам.долларын ханш буцаад өслөө. Өнөөдрийн байдлаар нэг ам.долларыг “Найман шарга” зах дээр 1995 төгрөгөөр авч, 1999 төгрөгөөр зарж байна. Харин арилжааны банкууд нэг ам.долларыг 2001 төгрөгөөр зарж байна. Монголбанкны нэрлэсэн ханшаар ам.доллар 1997 төгрөг 26 мөнгө байна.
Японы мэргэжлийн сүмо бөхийн энэ сарын тэмцээн буюу Аки башё маргаашнаас Токио хотын “Кокугикан” ордонд эхлэх гэж байна. Барилдаан энэ сарын 27-ныг хүртэл үргэлжлэх бөгөөд манай улсын 10 бөх хүч үзэхээр болоод байна. Аки башёд мэргэжлийн сүмо бөхийн 69 дэх Их аварга Хакүхо М.Даваажаргал зүүн жигүүрийг тэргүүлэх бол Какүрюү М.Ананд баруун жигүүрийг манлайлан гарч барилдах ажээ. Харин гадаад орны бөхчүүдээс Гүржээс хоёр, Болгар, Египет, Орос, Бразил, Хятадаас тус бүр нэг тамирчин Макүүчи зиндаанд хүчээ сорин барилдах юм.
Монголын Хүүхдийн спортын V их наадам анх удаагаа олон улсын томоохон наадмуудын нэгэн адил энэ өдрүүдэд Улаанбаатар хотноо үргэлжилж байна. Уг наадмын хөлбөмбөгийн шигшээ тэмцээн энэ сарын 7-ноос 12-ны өдрүүдэд амжилттай зохион байгуулагдаж эрэгтэй насанд Дархан-Уул, Орхон, Дорнод, Говьсүмбэр, Хөвсгөл, Хан-Уул, Чингэлтэй дүүрэг гэсэн долоон баг, эмэгтэй насанд БЗД, БГД, ХУД, Сүхбаатар дүүрэг, Өвөрхангай аймгаас шигшээ багууд ирж оролцож өнөөдөр шилдгийн шилдгүүдээ шалгарууллаа.
“Буянт-Ухаа 2” хороололд шинээр байр авах хүсэлтэй иргэдийн захиалгыг ирэх даваа гарагт буюу 9-р сарын 14-нд авч эхэлнэ. Иргэд захиалга өгөхдөө банкны 8 хувийн зээлд хамрагдаж чадах эсэхээ судалсан байхыг зөвлөж байна.
Энэ
“Монголын хүүхдийн спортын V их наадам”-ын энэ сарын 12-19-ний өдрүүдэд болох гэж байна. Энэхүү тэмцээнд нийслэл, аймаг, сум, дүүргээс шалгарсан 2500 гаруй өсвөрийн тамирчид, дасгалжуулагчид оролцож байгаа билээ.
Оюутнуудыг нийтийн тээврээр цахим карт ашиглан зорчуулах журамд өөрчлөлт оруулахаар хэлэлцэгдэж байна. Өмнөх журмаар бол оюутны нийтийн тээврээр зорчих цахим картыг нийслэлийн Тээврийн газраар дамжуулан их, дээд сургуулиудад хүргүүлдэг байжээ. Үүнээс үүдэн ашиг сонирхлын зөрчилтэй асуудал үүсдэг байсан хэмээн албаныхан үзсэн юм. Тиймээс оюутны картыг нийслэлийн Тээврийн газраар биш, нийслэлийн Боловсролын газраар дамжуулан олгох талаар ярьж эхэлжээ.
Улсын хэмжээнд 2015 оны эхний найман сард 53872 эх амаржиж, амьд төрсөн хүүхдийн тоо 54197 болж, өмнөх оны мөн үеийнхээс амаржсан эхийн тоо 368, хүүхдийн тоо 389 буюу тус бүр 0.7 хувиар буурсан байна. Энэ оны 8 дугаар сард 6789 эх амаржиж, амьд төрсөн хүүхдийн тоо 6839 болж, амаржсан эхийн тоо өмнөх сарынхаас 272 буюу 3.9 хувиар, хүүхдийн тоо 267 буюу 3.8 хувиар буурчээ. Улсын хэмжээгээр нялхсын эндэгдэл 2015 оны эхний найман сард 819 болж, өмнөх оны мөн үеийнхээс 14 хүүхэд буюу 1.7 хувиар өсч, 5 хүртэлх насандаа 975 хүүхэд эндэж, өмнөх оны мөн үеийнхээс 9 хүүхэд буюу 0.9 хувиар буурчээ.