Монголын арилжааны банкнаас зээл авах гэсэн иргэд шаардсан материалыг нь бүрдүүлэх гэж дээс томж найзыгаа авардаг үлгэр шиг л юм болдог. Зээл авах гэж байгаа хүн барьцаа хөрөнгөнөөс эхлээд хэдэн төгрөгийн цалин авдаг, цалингаас гадна орж ирдэг мөнгөний баримт, орлого зарлага, хэрэв өөрөө зээлээ төлж чадахгүй бол ямар хүн батлан даах юм, тэр хүний бас барьцаа хөрөнгө, орлого зарлагын баримт гээд бараг л цус, шээсний шинжилгээ нэхэхдээ тулдаг. Зээл авах гэж байгаа иргэдийн бүрдүүлсэн материалаас харахад зээл авах ямар ч шаардлагагүй өндөр орлоготой баян хүн шиг л харагдана. Банкны шалгуурыг давсан бичиг баримт бүрдүүлж, зээл авахаар ирсэн иргэдийн бүрдүүлсэн бичиг баримтыг харахад ихэвчлэн хоёр газар зэрэг ажиллаж, өндөр цалин авдаг л гэнэ. “Татвараас зугтаахын тулд компани нь маш бага мөнгөн дүнг нийгмийн даатгал дээр бичүүлдэг юм” гээд илүү цаг, шагнал урамшуулал тогтмол өгдөг гэдгийг гэрчилсэн компанийн нягтлангийн тамгатай цаас ч байна.
Байр, зуслангийн газар, өөрийн болон гэр бүлийн хүний нэр дээр байдаг машины гэрчилгээг бэлдэнэ. Байхгүй бол ах, дүүгийнхээ эд хөрөнгийг өөрийн нэр дээр шилжүүлнэ. Ер нь л зээл авахын тулд хэдэн сарын өмнөөс бэлтгэл хийдэг болсон нь нууц биш. Сард хоёр хувааж авч байгаа цалингаа буунгуут хувийн данс руу шилжүүлнэ. Дансныхаа хуулгыг банкнаас аваад ажлынхаа хажуугаар хийдэг бичил бизнесийн маань орлого гэж худлаа гөрнө. Энэ мэтээр баахан хуурамч баримт бүрдүүлүүлсний эцэст банкныхан зээл олгоно. Банкныхан өөрсдөө мэдэж байж баахан худлаа санхүүгийн баримт бүрдүүл гэдэг энэ тогтолцооноосоо салах хэрэгтэй. Харин зээл авах гэж байгаа хүний бие эрүүл саруул байна уу, ажлын бүтээмж нь ямар байдаг, ажилдаа хэр сэтгэл гаргадаг зэргийг нь үнэлээд зээл олгодог болмоор байна. Эрүүл саруул биетэй, ажил мэргэжилдээ дуртай, сэтгэл хангалуун, аливаа зүйлд хариуцлагатай хүн зээлсэн мөнгөө асуудалгүй төлөөд л байна. Үүнийг дагаад чанаргүй зээл ч багасч, банк эрсдэлд орохгүй биз ээ.
Үндэсний өдөр тутмын брэнд хэвлэл “Өдрийн сонин”-ы лхагва гаригийн дугаар танд 20 нүүрээр хүрч байна.
Европын аюулгүй байдал хамтын ажиллагааны байгууллагын Парламентийн ассамблейн хурал энэ сарын 15-19-нийн өдрүүдэд Улаанбаатар хотод зохион байгуулагдаж байгаатай холбогдуулан Гэндэнгийн гудамж буюу “Shangri-La” зочид буудлын орчим, Гэрлэх ёслолын ордны зүүн талын гэрлэн дохиотой уулзвараас баруун тийш Хүүхдийн ордны баруун уулзвар хүртэлх замыг бүрэн хааж тээврийн хэрэгслийн хөдөлгөөнийг түр хугацаагаар хязгаарлалаа.
Хүүхдийн спортын тавдугаар их наадмын шатрын тэмцээний 2-р өрөг Спортын төв ордонд зохиогдлоо .Өнөөдрийн тоглолтын эрэгтэйчүүдийн төрөлд ФИДЕ мастер Э. Болдоо, Н.Гарьдмагнай, С.Агьбилэг нар хоёр оноогоор тэргүүлж, эмэгтэйчүүдийн төрөлд ФИДЕ мастер Мөнхзул, Дэд мастер Отгонсувд, Г. Буянзаяа нар оноогоор тэргүүлжээ. Мөн Спортын төв ордонд сагсан бөмбөгийн тэмцээн зохиогдож. Охидын найман баг, хөвгүүдийн найман баг, хоёр хэсэгт хуваагдан тоглож Дорнод, Дархан аймгийн багууд тус тус тогложээ.
Хэнтий, Дорнод аймагт түймрээс хамгаалах зурвас
Л.Гансүх нарт холбогдох шүүх хурал үргэлжилж байна. Яг одоо шүүгдэгч Л.Гансүх мэдүүлэг, тайлбар өгч байгаа юм. Тэрээр “Яллах дүгнэлтийг багагүй хугацаанд судалсан. “Нүүрс” гэдэг хөтөлбөр гараагүй байхад “Эм Жи Эл Эс Би” компанитай гэрээ хийсэн, нүүрсийг 39 мянган төгрөгөөр зарах ёстой байтал 27500 төгрөгөөр авсан, нэг тонн нүүрсний зах зээлийн үнэ 50-60 мянган төгрөг байхад 80 мянган төгрөгөөр иргэдэд худалдаалсан. Жолоочоороо дамжуулан хувьдаа багагүй мөнгө авсан хэргүүдэд намайг буруутгаж байгаа. Энэ бүхэн бол гэрчийн мэдүүлгээр тавьсан өнгөц дүгнэлт. Гэтэл Авлигатай тэмцэх газар гэрчүүдийг тулгаж, айлгаж, хөтөлж байцаалт авсан. Энэ бол хууль бус асуудал. Шигшиж ангилсан нүүрсийг 39 мянган төгрөгөөр худалдаалах шийдвэр байхад 27 мянгаар зарсaн гэх хэрэгт барьцаалаад миний эсрэг мэдүүлэг авсан. Авлигатай тэмцэх газар энэ хэргийг анхнаасаа зохиосон юм. Би бол Ерөнхий сайдад үйлчлэх албан тушаалтан. Надад эрх мэдэл байхгүй” гээд тайлбар мэдүүлэг өгч байна.
АНУ-ын энтертайнмент фирм алдарт дуучны 3D зургуудыг бүтээж, тэдгээрээс бүрдсэн холограм хийж байна. “Hologram USA” компани Уитни Хьюстоны холограм бүтээх эрхээ патентжуулсан зохион бүтээгчид энэхүү бүтээлүүдээ 2016 онд дэлхий дахинтай танилцуулах аж. “Амьд холограмын хувьд уулзалтанд дүрсийг дамжуулахад тусгай камер, ногоон өнгийн дэлгэц л хэрэгтэй. Харин амьгүй биеийг холограм болгоно гэдэг асар их хүч хөдөлмөр, хөрөнгө зарцуулах ажил” гэж “Hologram USA”-ийнхэн ярьсан байна.