УИХ дахь МАН-ын бүлэг Төрийн ордны “Б” танхимд ээлжит бусаар хуралдаж байна. Бүлэг ийн гэнэт хурал зарласан нь Өршөөлийн хуульд оруулах нэмэлт өөрчлөлттэй холбоотой байж мэдэх аж.
УИХ-ын ээлжит бус чуулганаар өчигдөр Өршөөлийн хуульд тавьсан Ерөнхийлөгчийн хоригийг хүлээн авч, үүнтэй холбоотойгоор Өршөөлийн хуульд зарим өөрчлөлт оруулах шаардлагатай болсон. Уг хуулийг УИХ-ын Хууль зүйн байнгын хорооноос байгуулагдсан Ц.Оюунбаатар гишүүнээр ахлуулсан ажлын хэсэг өчигдөр боловсруулан хэлэлцсэн. Гэвч энэ шатанд дахин хэдхэн хүний эрх ашгийг хамгаалах аястай төсөл болон хувирч, түүнээс болж маргаан гарсан гэх нь бий.
Тиймээс цөөнхийн бүлэг асуудлыг ийн олноороо хэлэлцэж байж мэдэхээр байна. Мөн Дархан-Уул аймгийн Иргэдийн төлөөлөгчдийн хурал болж, Засаг дарга С.Насанбат, Иргэдийн төлөөлөгчдийн хурал/ИТХ/-ын дарга Ц.Цэндсүрэн нарыг чөлөөлсөн. Энэ асуудлыг бүлэг хэлэлцэж байж магадгүй аж.
Л.Гансүх нарыг шүүх хуралдаан хэлэлцүүлгийн шатанд үргэлжилж байна. Шүүгдэгч Л.Гансүхийн өмгөөлөгч Б.Цэрэнжав хохирогч болох “Багануур” ХХК-ийн Санхүүгийн албаны даргаас асуулт асууж, хариулт авч байна. Гэвч өмгөөлөгчийн таван асуултад хохирогч хариулж чадсангүй. Тодруулбал, нүүрсээ шуудайгаар нь тооцож хохирсон уу, тонноор нь тооцоод байна уу гэдэг дээр хохирогч хариулт өгч чадсангүй. Шүүх хуралдаан үргэлжилж байна. 
УИХ-аар Өршөөлийн хуульд тавьсан Ерөнхийлөгчийн хоригийг хүлээн авсантай холбоотойгоор Өршөөл үзүүлэх тухай хуульд өөрчлөлт оруулах хуулийн төсөл боловсруулах ажлын хэсэг өчигдөр үдээс хойш хуралдсан. Дараа нь УИХ-ын Хууль зүйн байнгын хороо хуралдаанаа эхлүүлсэн ч тус хуралдаанд Авлигатай тэмцэх газрын холбогдох албан тушаалтнуудыг байлцуулах шаардлагатай хэмээн үзэж, өнөөдөр 09.00 цагт зарлахаар болж хойшлуулсан. Гэвч тус байнгын хорооны хуралдаан өнөөдөр товлосон цагтаа эхлээгүй. Харин бидэнд олдсон шинэ мэдээллээр Өршөөл үзүүлэх хуульд өөрчлөлт оруулах хуулийн төсөл боловсруулах ажлын хэсгийн хуралдаан өнөөдөр 15.00 цагт зарлагдсан байна.
Чөлөөт бөхийн дэлхийн аварга шалгаруулах тэмцээнд оролцож, түүхэн амжилт үзүүлсэн эрэгтэй, эмэгтэй шигшээ багийнханд өнөөдөр шагналын хур буулаа. Тодруулбал, Монголын чөлөөт бөхийн холбооны Удирдах зөвлөлийн шийдвэрээр 63 кг жинд алтан медаль хүртэж, дэлхийн хошой аварга болсон С.Батцэцэгт 1 кг цэвэр алт, мөнгөн медаль авсан бусад гурван тамирчинд 500гр алт, 57 кг жинд хүрэл медаль хүртсэн Э.Бэхбаярт 300гр алт өгч урамшууллаа.
Л.Гансүх нарыг шүүх хуралдаан цаг гаруй завсарлаад сая эхэллээ. Хуралдаан гэрчүүдийн мэдүүлгээр үргэлжлэх юм. Ерөнхий сайд асан Н.Алтанхуяг гэрчийн мэдүүлэг өгөхөөр шүүх дээр ирсэн, мэдүүлгээ өгөхөөр хүлээж буй. 
Нийслэлийн Баянзүрх дүүргийн 5-р хороо, Жуковын музейн хажууд байрлах “Норжин” худалдааны төвийн урдхан талд гал гарсан тухай мэдээлэл Нийслэлийн онцгой байдлын газарт ирсэн байна. Яг одоо гал командын бие бүрэлдэхүүн галын голомт дээр ажиллаж байгаа бөгөөд хохирлын хэмжээ одоогоор тодорхойгүй гэж албаны эх сурвалж мэдээллээ. Галын улмаас гарч буй хар утаа хотын захын дүүргүүдээс хүртэл харагдаж байгаа юм.
УИХ дахь МАН-ын
Л.Гансүх нарыг шүүх хуралдаан дөнгөж сая завсарлалаа. Шүүгдэгчид өөрсдийг нь ялласан зүйл ангийг хүлээн зөвшөөрөхгүй байгааг мэдэгдлээ. “Төрийн албан тушаалтан эрх мэдлээ хэтрүүлэн ашигласан зүйл ангиар яллаж байгааг ойлгохгүй байна. Бид төрийн албаны шалгалт ч өгч үзээгүй хүмүүс” гэж мэдүүлж байлаа. Шүүх хуралдаан нэг цагийн дараа үргэлжилнэ.