Month: September 2015

“Өдрийн сонин”-ы бямба гаригийн дугаар 12
нүүрээр хэвлэгдэн уншигчдын хүртээл боллоо. Уг дугаарын нэгдүгээр нүүрээс
шинээр нээлтээ хийсэн “Аз хур” номын дэлгүүрийн талаарх сурвалжлагыг унших
боломжтой. Мөн УИХ-ын ээлжит бус чуулганы хаалтын талаарх мэдээлэл болон “Нэг
ангийнхан” булангаас “Гар бөмбөгийн спортын алтан медалийн цуглуулгатай
ангийнхан”-ы талаар унших боломжтой. Тэдний хувьд 2009 оноос хойш аймаг, улсын
чанартай тэмцээн уралдаанаас алтан медаль хүртэж байсан юм. Саяхан өндөрлөсөн
Хүүхдийн спортын тавдугаар Их наадмаас гар бөмбөгийн төрөлд алтан медаль
хүртсэн билээ. Сэлэнгэ аймгийн шигшээ багийг төлөөлөн оролцсон тэдний хувьд
Мандал сумын гуравдугаар сургуулийн 12 А ангийн сурагчид ажээ. Улс төрийн
хоёрдугаар нүүрт МУИС-ийн Олон улсын харилцаа, нийтийн удирдлагын сургуулийн
багш С.Баясгалангийн “Хөгшин Европ лалын соёл иргэншилд шахагдаж байна” хэмээх
ярилцлага багтлаа. “Баримт, үзэл бодол”-ын гуравдугаар нүүрт “Өршөөгдсөн хүмүүсээ
хүлээж авахад бэлэн үү” хэмээх нийтлэл хэвлэгдсэн. Учир нь Өршөөл үзүүлэх тухай
хууль батлагдсан хэдий ч хараахан бүрэн хэрэгжиж эхлээгүй байна. Уг хууль
хэрэгжээд эхлэхэд бид тэдгээр хүмүүсээ хүлээн авахад бэлэн байна уу, эсхүл
хараахан болоогүй юу гэдгийг бичжээ. Өршөөлийн хуулийн комисст орж ажиллахаас
татгалзсан Нийслэлийн Засаг даргын орлогч Ц.Энхцэнгэлийн талаар асуудал
дэвшүүлсэн байна. “Хэлэх эрхийн индэр” булан уламжлал ёсоор дөрөвдүгээр нүүрт
багтсан байна. Харин тавдугаар нүүрт дэлхийн мэдээ болон “Өдрийн зочин” булан
хэвлэгдлээ. Энэ удаагийн зочноор Үндэсний брэнд “Exculive”-ийг санаачлагч
Г.Майцэцэг уригджээ. Харин аравдугаар нүүрт амрах агшийн буланг сонирхох
боломжтой.

“Өдрийн сонин”-ы эрхэм уншигч та, манай өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно. “Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба энэ гуравдугаар улирлын захиалгаа өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 8807-1920 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ

Улсын Дээд шүүхийн хяналтын шатны эрүүгийн хэргийн шүүх хуралдааны есдүгээр сарын 18-ны өдрийн 28 дугаар тогтоолоор Үндсэн хуулийн цэцэд хүсэлт гаргалаа.

Уг тогтоолд Эрүүгийн хуулийн 96 дугаар зүйлийн 96.1, 148 дугаар зүйлийн 148.3, 181 дүгээр зүйлийн 181.2, 181.3 дахь хэсэгт заасан гэмт хэрэгт ял шийтгүүлсэн нэр бүхий ялтнуудын хэргийг хянан шийдвэрлэхэд хэрэглэх Анхны ардчилсан сонгууль болж байнгын ажиллагаатай парламент байгуулагдсаны 25 жилийн ойг тохиолдуулан Өршөөл үзүүлэх тухай хууль нь Үндсэн хуулийн 14 дүгээр зүйлийн 14.1 дэх заалттай нийцээгүй байна гэж үзээд хэрэг хянан шийдвэрлэх ажиллагааг түдгэлзүүлж, Үндсэн хууль зөрчсөн эсэх талаар дүгнэлт гаргуулахаар Үндсэн хуулийн цэцэд хүсэлт гаргасан байна.

Түүнчлэн хүсэлтдээ Өршөөл үзүүлэх тухай хууль нь Монгол Улс нэгдэн орсон хэд хэдэн ОУ-ын гэрээ, Конвенцид хөөн хэлэлцэх хугацаа хэрэглэхгүй байх, эрүүгийн хариуцлагаас чөлөөлөхгүй байхаар заасан хэргүүдийг хэрэгсэхгүй болгохоор хуульчилсан нь Үндсэн хуулийн 10 дугаар зүйлийн 2 дахь хэсэгт заасан “Монгол Улс олон улсын гэрээгээр хүлээсэн үүргээ шударгаар сахин биелүүлнэ.” гэсэн заалтыг зөрчсөн эсэх талаар дүгнэлт гаргуулахаар шийдвэрлэжээ.

2007 оны усны тооллогоор манай оронд 400 гаруй рашаан болон рашаан төст булаг шанд байна гэсэн судалгаа гарчээ. Гэтэл Баянхонгорын “Шаргалжуут”, Өвөрхангай аймгийн “Хужирт”, Төв аймгийн “Ар жанчивлан”, “Өвөржанчивлан” гээд нэр бүхий рашааны нөөц нь багасаж эхэлсэн байна. Үүнд хэд хэдэн зүйл нөлөөлж байгаа гэж байна.

Тухайлбал зундаа иргэд сувилалд амарч байх хугацаандаа рашаан усныхаа дэргэд хэрэглэж байсан аяга тавганаас эхлээд гялгар уут хүртэл хаяж орхидгоос болж, бохирдолт үүсэх болсон байна. Мөн аймаг болоод нийслэлийн газрын албаны дарга нар, удирдлагууд рашаан усны эргэн тойронд газрын зөвшөөөрөл өгөх болсноос үүдээд усны ундрага багасахад нөлөөлөх болжээ.

Цаашлаад рашаан усны нөөц алдагдаж, эмчилгээний чадлаа алдах магадлал өндөр байгааг энэ чиглэлийн мэргэжилтнүүд хэлж байсан юм. Өнөөдрийн байдлаар байгалийн эмчилгээний хүчин зүйлийг түшиглэн сэргээн засах тусламж, үйлчилгээ үзүүүлж байгаа сувилалуудаас хоёр нь орон нутгийн өмчит бол нэг нь төрийн өмчит компани болсон байна.
Үлдсэн нь хувийн хэвшилд шилжиж, бизнес ашгийн чиглэлээр ажиллах болсон байна. Тэд рашааны нөөц, ашиглалт хамгаалалтад анхаарч байдаг ч хууль тогтоомжинд нэмэлт өөрчлөлт орохыг хүлээж суудаг байна.

Улсын Дээд шүүхийн хяналтын шатны эрүүгийн хэргийн шүүх хуралдаанаар Б.Идэрзаяад холбогдох хэргийг өнөөдөр хянан хэлэлцээд анхан болон давж заалдах шатны шүүхээс түүнд оногдуулсан 25 жилийн хорих ялыг хэвээр үлдээлээ. Б.Идэрзаяа нь 2014 оны тавдугаар сарын 6-7-нд шилжих шөнө Баянзүрх дүүргийн IX хороонд Б-тэй үл ялих зүйлээр шалтаглан маргалдаж, толгойн тус газар нь танхайн сэдэлтээр чулуугаар цохиж, олон тооны шарх үүсгэн санаатай алсан, мөн гэмт хэргээ нуун далдлах зорилгоор хохирогчтой хамт явсан Х-г толгойн тус газар нь чулуугаар цохиж, олон тооны шарх үүсгэн санаатай алсан буюу онц харгис хэрцгий аргаар хоёр хүнийг санаатай алсан гэмт хэргийг үйлдсэн хэмээн шүүхээс буруутгагдсан юм.