“Өдрийн сонин”-ы даваа гаригийн дугаарт УИХ дахь МАН-ын бүлгийн дарга С.Бямбацогт ярилцлага өглөө. Тэрээр Өршөөлийн хуулийн талаар болон Эдийн засгийн ил тод байдлыг дэмжих хуулийн талаар өөрийн байр суурийг илэрхийлэв. Өршөөлийн хуулийн тухайд Ерөнхийлөгчийн хоригийг хүлээж авах хэдий ч Төрийн тэргүүний зүгээс хориг тавьсан зарим заалтуудыг хүлээж авах боломжгүй гэдэг байр сууриа илэрхийлсэн юм.
Өмнөговь аймгийн Жаал шандын заставын дарга Л.Түвшинтулгынд өнжлөө. Хилийн заставын даргынд нэг өдөр яаж өнгөрдөгийг “Танайд өнжье” булангаас сонирхоорой.
“Өдрийн сонин”-ы нийтлэлийн бодлогыг тодорхойлдог гуравдугаар нүүрнээс “Г.Дэнзэнгийн өлсгөлөн буюу монголчуудын араншин” гэсэн нийтлэлийг уншаарай.
Хүнс хөдөө аж ахуйн дэд сайд гадагшаа ямар бүтээгдэхүүн экспортлох боломжтойг сонирхуулж, долларын ханшид эерэг нөлөө үзүүлэхээр экспортыг хөдөө аж ахуйн салбарынхан хийж чадна гэж ярилаа. Түүнтэй хийсэн ярилцлагыг дөрөвдүгээр нүүрэнд нийтэллээ.
“Эдийн засаг” буланд зуд болвол инфляци цойлох эрсдэл байгааг онцоллоо. Инфляци иргэдийн амьдралд яаж нөлөөлдөг, ямар бодлого хэрэгжүүлбэл төгрөгийн ханшаа унагахгүй байх боломжтойг энэ нүүрнээс уншаарай.
“Аав”, “Хязгааргүй”, “Учрал” зэрэг киногоороо олны танил болсон УДЭТ-ын жүжигчин Б.Шинэбаяртай хийсэн “Би “Аав” киноны дүр шигээ амьдралын төлөө зүтгэдэг, зөөлөн талдаа хүн” гэсэн ярилцлагыг 17 дугаар нүүрнээс уншаарай.
“Сонгодог урлаг” буланд Францын хөгжмийн зохиолч Клод Дебюссиг онцолж байна.
Харилцан байлдааны бэлэн байдалд шилжлээ гэж мэдэгдэж байсан хоёр Солонгос гал зогсоох гэрээг үзэглэж чадлаа. “Дэлхийн мэдээ” булангаас энэ талаар болон цэнхэр гаригт өрнөсөн анхаарал татсан үйл явдлуудыг уншаарай.
“Өдрийн сонин”-ы эрхэм уншигч та, манай өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно. “Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба энэ гуравдугаар улирлын захиалгаа өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 8807-1920 дугаарт холбогдож дэлгэрэнгүй мэдээллийг лавлаарай.
“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ
Хөнгөн атлетикийн Дэлхийн аварга шалгаруулах тэмцээн өчигдөр БНХАУ-ын Бээжин хотноо эхэлсэн. Хоёр жилд нэг удаа зохиогддог энэ тэмцээн Ази тивд дөрөв дэх удаагаа болж байгаа юм. 47 төрлийн тэмцээн, уралдаанаас эрэгтэйчүүдийн 100 метрийн гүйлт олны сонирхлыг татаж байна. Ямайкын Усайн Болт, АНУ-ын Жастин Гэтлин нарын дунд гол өрсөлдөөн өрнөнө гэж спорт сонирхогчид онцолж байна. Өчигдөр болсон 100 метрийн урьдчилсан гүйлтэнд Гэтлин 9,83 секундын амжилт үзүүлсэн юм. Харин Усайн Болт 9,96 секундын амжилтаар VI байрт бичигджээ. Тэмцээний эхний өдөр эрэгтэйчүүдийн 10 метр, марафон, 20 км-ын спорт алхаа, эмэгтэйчүүдийн жад шидэлтийн төрлүүд болж, Эритрей, Герман, Их Британи, Испани улсын тамирчид алтан медаль хүртэж, 10 орон ямар медаль аваад байна. Энэ удаагийн ДАШТ-д марафон гүйлтийн эрэгтэйчүүдийн ангилалд гавьяат тамирчин Б.Сэр-Од, эмэгтэйчүүдийн төрөлд олон улсын хэмжээний мастер Б.Мөнхзаяа, Л.Отгонбаяр нар оролцоно.
Цагдаагийн ерөнхий газраас иргэд, аж ахуй нэгж, албан байгууллагад анхааруулга, сэрэмжлүүлэг өглөө.
Наймдугаар сарын 24-ний Даваа гарагт дараах байршлын хэрэглэгчдийг цахилгаан эрчим хүчээр тэжээдэг шугам тоноглолд засвар хийх тул хэрэглэгчид та бүхэн цахилгаан хэрэглээгээ түр зохицуулна уу.
Сүүлийн жилүүдэд тогтмол унаж байгаа нүүрсний уналтын эрч 2015 оны эхнээс саарч, тогтворжих хандлагатай байна. Гэвч юанийн ханш суларсны улмаас БНХАУ-д импортын нүүрс, ялангуяа Австралийн нүүрсний ханш унаж эхэлсэн аж. “Fenwei Information Technology”-ийн өнгөрсөн улиралд хийсэн тооцоогоор энэ сард коксжих нүүрсний ханш доод цэгтээ хүрч, эргэн сэргэж магадгүй байгаа гэнэ. “Bloomberg”-ийн шинжээчдийн таамгаар энэ онд коксжих нүүрсний зах зээл сэргэх хандлага ажиглагдахгүй байгаа юм Коксжих нүүрсний гол хэрэглээ болох БНХАУ-ын ширэмний үйлдвэрлэл энэ онд агшилттай гарах хандлага ажиглагдсан учраас тэд ийм таамаг гаргажээ. Мөн Хятадын гангийн эрэлт нэмэгдэх хандлага төдийлөн харагдахгүй байгаа аж. 
Нийгмийн эрүүл мэндийн хүрээлэнгийн судлаачид “Нарантуул” худалдааны төв орчмын гэр хорооллын гурван хэсэг газраас хөрсний дээж авч шинжилжээ. Тус шинжилгээгээр хөрсөнд хүнд металлын бохирдолгүй ч хог хаягдлаас үүдэлтэй нянгийн болон гадаргын бохирдолт их байсан аж. Тодруулбал, хөрсөнд агуулагдах нянгийн нийт тоогоор хөрсийг 4 зэрэгт хуваадаг бөгөөд нянгийн тоо 1-1.5 сая байвал цэвэр, 2 сая бол бага зэрэг, 2.5-3 сая байвал дунд зэрэг, 3-5 саяаас дээш бол их бохирдсон гэж үздэг юм байна.
Энэ жил төрийн болон
Үндэсний цэцэрлэгт хүрээлэнд зуны амралтаараа ажиллаж байсан 19 настай охин өнгөрсөн долоодугаар сарын 13-нд золгүй байдлаар буюу галт тэргэнд дайруулж амиа алдсан харамсалтай хэрэг гарсан билээ. Талийгаач охин шөнө 00 цаг өнгөрсөн байхад найзаасаа салж, гэр рүүгээ такси бариад явсан бөгөөд уг хэрэгт талийгаачийн сууж явсан таксины жолоочийг сэжиглэн эрэн сурвалжлаад байгаа ч өнөөдрийг хүртэл олдоогүй байгаа юм. Суусан маркийн машиныг нь шүүж байгаа талаар албаны эх сурвалж хэлсэн.
Нийслэлийн иргэдийн Төлөөлөгчдийн Хурлын Тэргүүлэгчдийн 2015 оны 07 дугаар сарын 03-ны өдрийн 126 дугаар тогтоолоор батлагдсан “Хөршийн хяналт хөтөлбөр” журмыг иргэд олон нийтэд сурталчлах, хорооны оршин суугчдад бие биетэйгээ танилцах, ажил амьдралын туршлагаа хуваалцах, харилцан мэдээ мэдээлэл солилцох нөхцөл бололцоог бүрдүүлэхийн зэрэгцээ гэмт хэрэг, зөрчлөөс урьдчилан сэргийлэх ажилд иргэдийн оролцоог нэмэгдүүлэхэд чиглэсэн Хөршийн өдөр” арга хэмжээг ХУД-ийн Цагдаагийн 1, 2 дугаар хэлтэстэй хамтран тус дүүргийн 16 хороодын нутаг дэвсгэрт зохион байгуулахаар болсон билээ. Тэгвэл өнөөдөр уг арга хэмжээг дүүргийн төвийн 5 хороо Соёлын ордонд тэмдэглэн өнгөрүүллээ.