Нийслэлийн иргэд өөрсдийн оршин суугаа нутаг дэвсгэрийн аюулгүй амьдрах орчин нөхцлийг бүрдүүлэх, бие биетэйгээ танилцах, ажил амьдралын туршлагаа хуваалцах, харилцан мэдээ мэдээлэл солилцох, гэмт хэрэг, зөрчлийг бууруулах, урьдчилан сэргийлэх зорилгоор сайн дурын үндсэн дээр нэгдэж, энэ чиглэлээр нутгийн захиргааны байгууллага болон цагдаагийн байгууллагатай хамтран ажиллах тогтолцоог бүрдүүлэх, зорилгоор жил бүрийн 8 дугаар сарын 22 ны өдөр “Хөршийн өдөр” арга хэмжээг зохион явуулахаар шийдвэрлэсэн. Нийслэлийн Засаг даргын А/662 дугаар захирамжийн дагуу 08 сарын 22-ны бямба гарагт нийслэлийн 152 хорооны нутаг дэвсгэрт Хөршийн өдөр арга хэмжээг зохион байгууллаа. Тус арга хэмжээг зохион байгуулсанаар иргэд хөрштэйгээ танилцаж, аюулгүй, амар тайван орчинд амьдрах, бие биендээ туслах, цэвэр цэмцгэр орчин хамтдаа бүрдүүлэх зэрэг давуу талууд бий болж байгаа юм. Нийслэл хотод орон нутгаас шилжин ирэгсдийн тоо нэмэгдэж, хэт төвлөрөл бий болж хөрш зэргэлдээ айл өрх, иргэд бие биенээ таньж мэдэхгүйгээс найрсаг дулаан харилцаа холбоо алдагдсан, гудамж талбай, гэр, орон сууц, ахуйн хүрээнд үйлдэгдэж байгаа гэмт хэрэг, зөрчлийн тоо нэмэгдэж Монгол Улсын Үндсэн хуулиар баталгаажсан иргэний эрүүл, аюулгүй, амар тайван орчинд амьдрах нөхцлийг бүрдүүлэх шаардлага гарч тус цагдаагийн газраас “Хөршийн хяналт” хөтөлбөрийг боловсруулан Нийслэлийн Иргэдийн Төлөөлөгчдийн Хурлын Тэргүүлэгчдийн 2015 оны 07 дугаар сарын 03-ны өдрийн 126 дугаар тогтоолоор батлуулан, 2020 он хүртэл нийслэлийн хэмжээнд хэрэгжүүлэх болно.
Тус хөтөлбөрийг хэрэгжүүлсэнээр:
• Ахуйн хүрээнд үйлдэгдэж байгаа гэмт хэрэг, зөрчил буурна.
• Аюулгүй амьдрах нөхцөл боломж бүрдэнэ.
• Нийслэлийн иргэд, оршин суугчдын нийгмийн хариуцлага нэмэгдэнэ.
• Айл хөршийн нэгдлийг бий болгож тэдэнд өөрсдөөрөө бахархах сэтгэл төрүүлнэ.
• Холбогдох байгууллагуудыг шуурхай мэдээллээр хангах боломж бүрдэнэ.
• Иргэд, оршин суугчдаас ирүүлэх гэмт хэрэг, зөрчлийн талаарх мэдээ, мэдээлэл нэмэгдэнэ.
• Цагдаагийн байгууллагад идэвхтэй дэмжлэг үзүүлэх ухамсар төлөвшинө,
• Цагдаагийн байгууллагын ажил үйлчилгээг иргэдэд шуурхай хүргэх нөхцөл бүрдэнэ.
• Гэмт хэрэг, зөрчлөөс урьдчилан сэргийлэх ажилд иргэд, оршин суугчдын оролцоо дэмжлэгийг үнэлж, дүгнэдэг, урамшуулах нөхцөл бүрдэх зэрэг үр дүн хүрэх юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Сонгинохайрхан дүүрэг буюу 52-ын давааны урд замд “Энхбулаг” амралтын газрын зүүн замд “Ланд крузейр 200” маркийн машин Зэвсэгт хүчний 084 дүгээр ангийн “Зил 130” машинтай мөргөлдөж хоёр хүн амь насаа алдсан талаар “Өдрийн сонин” өнөөдрийн дугаартаа мэдээлсэн. Энэ сарын 21-нд гарсан ослын талаар Зэвсэгт хүчний жанжин штабын Хэвлэл, олон нийттэй харилцах ажилтан Б.Оюунгэрэлээс тодруулахад “Хэргийг Замын цагдаагийн газарт шалгаж байгаа. Одоогоор ослын шалтгааныг эцэслэн тогтоогоогүй байна. “Ланд круйзер 200” маркийн машин дүрэм зөрчсөнөөс осол гарсан гэх дүгнэлт эхний байдлаар гарсан. Зэвсэгт хүчний 084 дүгээр ангийн алба хаагчид хуваарьт дадлага сургуулилтдаа оролцоод явж байх үеэр осол гарсан. Хоёр алба хаагч ослын газарт амь насаа алдсан. Одоогоор нэг алба хаагчийн биеийн байдал хүнд Батлан хамгаалах хууль сахиулахын эмнэлэгт хэвтэн эмчлүүлж байна. Мөн үзлэг оношилгоонд орж, ослын шокноос гарсан алба хаагчдыг гадуур эмчилж байна” гэсэн юм.
Энэ хичээлийн жилд зарим их дээд сургууль сургалтын төлбөр болон дотуур байрны төлбөрөө 40 хувь хүртэл нэмсэн. Үүнээс шалтгаалж Монголын оюутны холбоо их, дээд сургуулийн удирдлагуудад хандаж, шаардлага хүргүүлээд байгаа. МОХ-ноос сургуулиудын удирдлагуудад хандаж, “Нэг оюутанд үзүүлэх үйлчилгээнд зарцуулах зардлын хэмжээг бодитойгоор тогтоох замаар сургалтын төлбөр, дотуур байрны төлбөрийн хэмжээг тооцох аргачлалыг боловсронгуй болгох, санхүүгийн ил тод нээлттэй байх зарчмыг баримтлан, оюутан бүр өөрийн сургалтын төлбөрийн зарцуулалттай танилцах, хяналт тавих тогтолцоог бүрдүүлэх, сургалтын төлбөрийн хэмжээг нэмэгдүүлэхгүй байх, нэмэгдүүлэх тохиолдолд инфляцийн түвшинтэй уялдуулан тогтоох” зэрэг шаардлага тавьжээ. Тэд шаардлагынхаа хариуг энэ сарын 25-ны дотор авах бөгөөд шаардлагын хариу хэрхэн гарахаас хамааран олон нийтийн эсэргүүцлийн арга хэмжээ, жагсаал цуглаан, хичээл хаялт зохион байгуулахаа бас мэдэгдээд байгаа юм.
Ашигт малтмалын газраас хайгуулын тусгай зөвшөөрөл хүссэн өргөдлийг
Казахстаны “Рэкетир” киноны хоёрдугаар анги өнгөрсөн баасан гаригт Монголд нээлтээ хийлээ. Нээлт “Өргөө” кино театрт болсон бөгөөд уг киноны нэгдүгээр ангийн гол дүр Русланд тоглосон Мурат Бисенбин, Саянд тоглосон Саят Исембаев нар болон “Сатай фильм”-ийн гүйцэтгэх захирал Анна Чакиртова нар иржээ. “Рэкетир” киноны уран бүтээлчдийг “Тэнгэрийн Модун” ТББ урьж авчирсан бөгөөд цаашид “Сатай фильм”-тэй хамтран ажиллах гэрээнд гарын үсэг зурж албан ёсоор Монгол болон Казахстаны кино контентуудыг хоорондоо солилцохоор болсон аж. Тус киноны нэгдүгээр анги 2007 онд нээлтээ хийж байжээ. Харин “Рэкетир-2” кино ийнхүү Монголд нээлтээ хийлээ. Уг киноны дууг реппер GEE, Desant нар хамтран дуулжээ. Ингээд “Рэкетир” киноны уран бүтээлчид нээлтийн үеэр сэтгүүлчидтэй цөөн хором ярилцсаныг хүргэе.
Энэ сарын 11-16-нд Дэлхийн ур чадварын 43 дахь удаагийн олимп Бразилийн Сан Пауло хотод болж өнгөрсөн. Үүнд манай улсаас есөн мэргэжилтэн оролцсон юм. Уг тэмцээний тогоочийн мэргэжлийн төрөлд 479 оноо авч оролцоод ирсэн Б.Мөнх-Эрдэнэтэй ярилцлаа.
2015 оны насанд хүрэгчдийн жүдо бөхийн дэлхийн аварга шалгаруулах тэмцээн маргааш Астанагийн цагаар 11.00 цагаас эхэлнэ.
Нийслэлийн Засаг даргын үүргийг түр орлон гүйцэтгэгч Нийслэлийн Засаг