Month: August 2015

Categories
мэдээ спорт

Манай дөрвөн жүдоч зодоглоно

Жүдо бөхийн насанд хүрэгчдийн 2015 оны ДАШТ Казахстаны Астана хотноо өнөөдөр хоёр дахь өдрөө үргэлжилнэ. Өнөөдөр эрэгтэйчүүдийн 66 кг, эмэгтэйчүүдийн 52 кг-ын жингийн барилдаан болно. Манай улсаас Х.Цагаанбаатар, Д.Төмөрхүлэг, М.Бундмаа, А.Цолмон нарын бөхчүүд зодоглоно.

Эрэгтэйчүүдийн 66 кг-д хөдөлмөрийн баатар, дэлхийн аварга Х.Цагаанбаатар “В” хэсэгт багтсан. Тэрээр эхний тойрогт Аргентинийн П.Гонзалестай учраа таарсан байна.

Харин энэ жинд Д.Төмөрхүлэг эхний тойрогт гоц мөргөсөн бөгөөд Тажикстан, Серб бөхчүүдийн аль хожсонтой нь хоёрдугаар тойрогт барилдах юм.

Мөн эмэгтэйчүүдийн 52 кг-д А.Цолмон “В” хэсэгт багтсан бөгөөд эхний барилдаанаа Канадын Г.Екатринатай хийнэ. Гавьяат М.Бундмаа эхний тойрогт АНУ-ын Д.Ажеликатай оноолт таарчээ. Тэрээр “С” хэсэгт багтсан.

Урьдчилсан барилдаан орон нутгийн цагаар 11.00 цагт буюу Улаанбаатарын цагаар 14.00 цагаас эхлэх юм. Харин шигшээ барилдаан Улаанбаатарын цагаар 20.00 цагаас болох бөгөөд ДАШТ-ийг МҮОНТВ, ETV, SPORTBOX, C1 телевизүүд эх орон даяар шууд дамжуулан үзүүлнэ.

Categories
онцлох-нийтлэл туслах-ангилал

“Өдрийн сонин”-нд “Хоёр Алтайн өвөрт” тэмдэглэл хэвлэгдлээ

“…Аймгийн төвд зулай цоортол халуун төөнөж байсан бол Чандмань суманд арай сэлгээтэй ажээ. Өнөө жил бороо хуртай, байгаль дэлхийн гарц сайхан байгаа ажээ. Анх айлын бэр болоод нутагт нь ирж байхад жигтэйхэн гантай жилүүд үргэлжилж байсныг санаж байна…”.

Манай сонины Улс төр, гадаад мэдээллийн албаны дарга, нэрт сэтгүүлч Э.Энэрэл Хоёр Алтайн өвөрт амарсан тэмдэглэлээ тэрлэлээ. Баруун тийш аяны дөрөө залсан түүний нийтлэлийг маргаашийн “Өдрийн сонин”-ноос уншина уу.

“Өдрийн сонин”-ыэрхэм уншигч та, манай өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завъяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно. “Өдрийн сонин”-той холбоотой бүхий л мэдээллийг Мэдээлэх эрхийн утас 19001987-гоос лавлаж болох ба энэ гуравдугаар улирлын захиалгаа өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 88071920 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАМТ

Categories
мэдээ улс-төр

АН-ын Гүйцэтгэх зөвлөл хуралдлаа

Өнөөдөр үдээс хойш АН-ын Гүйцэтгэх зөвлөл хуралдлаа. Хурлаар зургаан сайдын асуудлыг УИХ-ын намрын чуулганаар хэлэлцэхийг дэмжсэн байна. Ингэхдээ намрын чуулганаар асуудлыг яаралтай оруулахыг анхааруулжээ.

Categories
онцлох-нийтлэл туслах-ангилал

Ерөнхийлөгч БНХАУ, УИХ-ын дарга АНУ-ыг зорино

Ирэх есдүгээр сард Монголын Улсын төрийн гурван өндөрлөг гадаадын улс орнуудад хийх айлчлалын тов тодорхой болжээ. Тодруулбал, УИХ-ын дарга З.Энхболд энэ сарын 31-нд АНУ-г зорих аж. Тэрбээр Нью-Йорк хотноо болох Дэлхийн парламентын спикерүүдийн дөрөвдүгээр уулзалтад оролцох гэнэ. Харин ирэх есдүгээр сарын эхээр Монгол Улсын Ерөнхийлөгч Хятад айлчлал хийх аж. Ерөнхийлөгч ирэх сарын 2-3-ны өдрүүдэд Бээжин хотноо болох Чөлөөлөх дайны ялалтын 70 жилийн ойн арга хэмжээнд оролцох юм байна.

Ерөнхий сайд Ч.Сайханбилэг ирэх есдүгээр сарын 9-11-ны хооронд Хятад болох олон улсын эдийн засгийн чуулга уулзалтад оролцох аж. Түүнчлэн Ерөнхийлөгч Ц.Элбэгдорж ч НҮБ-ын Ерөнхий Ассамблейн 65 жилийн ойн хүндэтгэлийн чуулганд оролцохоор мөн ирэх сард АНУ-ыг зорих юм байна.

Categories
онцлох-нийтлэл туслах-ангилал

Монголын инженерийн хөтөлбөр олон улсад магадлан итгэмжлэгдлээ

Шинжлэх ухаан, технологийн их сургуулийн
Эрчим хүчний сургуулийн “Цахилгаан хангамж” мэргэжлийн бакалавр,
магистрын сургалтын хөтөлбөрийн Герман улсын ASIIN e.V.–(Accreditation
Agency for Degree Programmes in Engineering, Informatics, the Natural
Sciences and Mathematics ) болон Европын холбооны EUR-ACE (Framework
Standards for the Accreditation of Engineering Programmes)-аар магадлан
итгэмжлэгдлээ. Боловсрол, соёл, шинжлэх ухааны сайд Л.Гантөмөр өнөөдөр
ШУТИС-ийн удирдлагад магадлан итгэмжлэлийн гэрчилгээг гардуулсан юм. Энэ
үеэр ШУТИС-ийн проректор Б.Очирбат “Монгол улсын боловсролын түүхэнд
анх удаа Монголын инженерийн сургалтын хөтөлбөр олон улсад магадлан
итгэмжлэгдэж, дэлхийд хүлээн зөвшөөрөгдөж байгаад баяртай байна.
Салбарын яамнаас энэ инженер технологийн сургалтын хөтөлбөрүүдийг олон
улсад магадлан итгэмжлүүлж, дэлхийд хүлээн зөвшөөрөгдсөн мэргэжилтэн
бэлтгэх бодлого баримталж байгаа” хэмээн онцоллоо. Мөн Боловсролын
магадлан итгэмжлэх үндэсний зөвлөлөөр хөтөлбөрөө магадлан итгэмжлүүлсэн
12 сургуулийн 29 хөтөлбөрийн гэрчилгээг Боловсрол, соёл, шинжлэх ухааны
сайд, Боловсролын магадлан итгэмжлэх үндэсний зөвлөлийн дарга
Л.Гантөмөр, Дээд боловсролын хэлтсийн дарга П.Эрхэмбулган, Боловсролын
магадлан итгэмжлэх үндэсний зөвлөлийн дэд дарга, ажлын албаны захирал
Х.Батсайхан нар гардуулан өглөө.

Боловсрол, соёл, шинжлэх ухааны яам
Боловсролын магадлан итгэмжлэх үндэсний зөвлөл нь цаашид тэргүүлэх
чиглэлийн буюу багш, инженер, хөдөө аж ахуйн чиглэлээр мэргэжилтэн
бэлтгэдэг их, дээд сургуулиудыг олон улсад болон дотоодод магадлан
итгэмжлэх ажлыг эхлүүлэхээр төлөвлөгөн ажиллаж байгаа юм байна.

Categories
мэдээ спорт

Г.Болдбаатар Казахстаны Рустав Ибраевтай мөнгөн медалийн төлөө барилдана

Казахстаны Астана хотноо өнөөдөр жүдо бөхийн ДАШТ эхэллээ. Дэлхийн
аваргын эхний өдөр эрэгтэйчүүдийн 60 кг, эмэгтэйчүүдийн 48 кг-ын жингийн
аваргууд тодорно.

анай улсаас энэ өдөр эрэгтэйчүүдийн 60 кг-д дэлхийн аварга
Г.Болдбаатар, өсвөрийн дэлхийн аваргын хүрэл медальт, залуучуудын
дэлхийн аваргын мөнгөн медальт Ц.Цогтбаатар, эмэгтэйчүүдийн 48 кг-д
дэлхийн аварга М.Уранцэцэг нар зодоглож байна.

Эрэгтэй 60 кг: (60 бөх)

Дэлхийн аварга Г.Болдбаатар эхний тойрогт хийлж, хоёрдугаар тойрогт
Туркийн Бекир Озлуг юүко үнэлгээгээр, улмаар Изриалын бөх Аршански
Артиомыг хоёр торгуулиар ялж, шөвгийн наймд шалгараад байсан. Тэрээр
зооны аваргын төлөө Бразилын Фелипе Китадай барилдаж, цэвэр ялснаар
хагас шигшээд үлдээд байна. Г.Болдбаатар Казахстаны Рустав Ибраевтай
мөнгөн медалийн төлөө барилдана.

Мөн энэ жинд барилдсан Ц.Цогтбаатар эхний тойрогт Швейцарийн жүдоч
Людовик Чаммартиныг, хоёрдугаар тойрогт Чехийн Павел Петриков нарыг
цэвэр ялсан ч БНСУ-ын Ким Вон Жинд ялагдлаа.

Эмэгтэй 48 кг: (40 бөх)

Дэлхийн аварга М.Уранцэцэг эхний тойрогт хийлсэн. Тэрээр хоёрдугаар
тойрогт БНХАУ-ын Шие Шишиг цэвэр ялсан ч Японы Харуна Асамид ялагдлаа.

Мөн энэ жинд Казахстаны нэрийн өмнөөс барилдсан ОУХМ Г.Отгонцэцэг эхний
тойрогт БНСУ-ын бөх Жон Бок Кёнтой барилдаж, ялагдан дэлхийн аваргыг
өндөрлүүллээ.

Categories
мэдээ нийгэм

Улиастайгаас Тосонцэнгэл чиглэлийн автозамын ажил ирэх долоо хоногт эхэлнэ

Завхан аймгийн Загастайн даваа буюу Улиастайгаас Тосонцэнгэл чиглэлийн
67 км автозамын барилгын ажлыг “Насны зам ”ХХК гүйцэтгэхээр болсон
билээ. 2015 оны наймдугаар сарын 15-нд Засгийн газар болон холбогдох
яамдуудтай гэрээ байгуулсан юм. Харин тусгайлан гүйцэтгэгчээр Хятадын
“Чайна Жиангу Жинада” констракшн компани 55 км замыг, “”Тэнгэр уул” ХХК
Уластайгаас эхлэн 12 км замыг гүйцэтгэхээр болжээ. Компаниуд замын
ажлыг ирэх 7 хоногт эхлүүлж, ирэх жил буюу 2016 онд хүлээлгэн өгөх юм.
Мөн аймгийн төвийн зарим шороон замуудыг хусаж тэгшлэх, автобусны
буудлыг сэргээн засварлах ажлууд хийгдэх аж.

Categories
мэдээ нийгэм

Хүний уураг тархи лабораторийн тавган дээр ургаж байна

0Хүн төрөлхтний хувьд шинжлэх ухаанд шинэ нээлт алхам болохуйц үйл явдал болж байгааг АНУ-ын эрдэмтэн онцолж байна. Хүний жижигхээн тархийг лабораторийн нөхцөлд, ургуулж байгаа нь мэдрэлийн өвчний эмчилгээнд шинэ нээлт болохуйц үйл явдал болно гэдэгт тус улсын эрдэмтэд итгэлтэй байгаа аж.

Охайогийн үндэсний их сургуулийн профессор, Энэтхэг гаралтай эрдэмтэн Рене Ананд таван долоо хоногийн турш лабораторийн тавган дээр хүний уураг тархийг ургуулжээ. Вандуйн чинээ хэмжээтэй энэхүү тархинд хүний генээс эхлүүлээд бүхий л хэрэгтэй мэдээлэл багтсан бөгөөд тархины олон төрлийн эс, тархи болон нугасны холбоотой мэдээллийг багтаасан ч судасны систем байхгүй аж. Профессор Ананд өнгөрсөн мягмарт Флоридад болсон цэргийн эрүүл мэндийн арга хэмжээний үеэр судалгааны ажлынхаа талаар дэлгэрэнгүй танилцуулсан байна. Түүний хийсэн энэ ажлыг эрдэмтэд ерөнхийдөө дэмжиж байгаа ч ганц хоёр хүн шүүмжилж байгаа аж. Гэхдээ өөрсдийн өгч байгаа шүүмжлэлийг Анандын дараагийн шатны ажилд тус болно гэж үзэж байгаагаа илэрхийлжээ. Түүнтэй мэргэжил нэгт эрдэмтэн Рей “Энэ том нээлт байж болох юм. Гэхдээ доктор Ананд хиймлээр тархи ургуулахын нөгөө талд, нийгэмд үүсэх үр дүнг тооцох хэрэгтэй. Үүнийг дагаад хүний амь нас, ухамсрыг ч шинээр нээх асуудал тулгарна. Зарим шашинд тархийг бурхан мэтээр сургамжилдаг. Тэгэхээр бурханыг лабораторийн тавган дээр ургуулж байна гэдгийг зарим эмзэг хүмүүс дуулбал таалахгүй. Үр дүн нь аймшигтай байж мэднэ” гэж санал бодлоо хуваалцсан байна.

Одоогоор шинжлэх ухааны салбарт хүний хэд хэдэн эрхтнийг ургуулан гаргаж авч байгаа юм. 1984 онд нүдний эвэрлэг бүрхэвчийг, 2004 оны эрүү, 2008-2009 онд судас, зүрхний эд, мэдрэлийн судас, мөгөөрсөн хоолой, 2012 онд хураагуур судас, давсаг, шээсний сүв, 2013 онд хамрыг лабораторийн аргаар ургуулсан байдаг.

Categories
мэдээ нийгэм

“Буянт-Ухаа” 1 хорооллын цэцэрлэгийн бүртгэл маргааш эхэлнэ

Төрийн орон сууцны корпорацийн захиалгаар баригдсан “Буянт-Ухаа” 1 хороолол өнгөрсөн онд ашиглалтад орж, оршин суугчдаа хүлээж авсан. Тус хорооллын дотоод зохион байгуулалтад нийт 120 хүүхдийн хоёр цэцэрлэгийн барилгыг барьж, ашиглалтад орсон байгаа билээ. Өнгөрсөн даваа гаригт Улсын комисс цэцэрлэгийн барилгыг хүлээн авч, энэ жил үйл ажиллагаагаа эхлүүлэх боломжтой болжээ.

ХУД-ийн 16-р хорооны 223-р цэцэрлэг нь хоёр барилгаас бүрдэж байгаа бөгөөд тус бүр хоёр давхар юм. Давхар тус бүрдээ хоёр бүлэгтэй. Нэг бүлэгт 15 хүүхэд хүмүүжих хүчин чадалтай юм. 223-р цэцэрлэг хүүхдүүдээ хэзээ хүлээж авахад бэлэн болох талаар ХУД-ийн Боловсролын хэлтсийн дарга С.Эрдэнэчимэгээс тодруулахад “Хүүхдүүдээ наймдугаар сарын 25-нд албан ёсоор бүртгэж эхэлнэ. Бусад цэцэрлэгийн адил есдүгээр сарын нэгэнд үйл ажиллагаагаа явуулна” гэлээ.

Categories
мэдээ нийгэм

Гал командын машин осолдож хүн гэмтжээ

Өнөөдөр 14.30 цагийн орчимд Чингэлтэй дүүргийн Наймдугаар хороо,
Гандангийн хойд талын дөрвөн замын уулзвар дээр 29-53 улсын дугаартай
гол командын авто машин, суудлын авто машинтай мөргөлдөж улмаар
онхолдсон байна. Ослын үед хүн гэмтсэн тухай эх сурвалж мэдээллэлээ.
Харин яг одоо Замын цагдаагийн газрын жижүүрийн бүрэлдэхүүн ослын газарт
үзлэг хийж, шалтгааныг нь тодруулахаар ажиллаж байна.