Month: July 2015

Categories
мэдээ спорт

Маргаашийн тэмцээн 12:30 минутад эхэлнэ

Чингис хаан Гранпри 2015-ын хоёр дахь өдрийн барилдаан.
Өнөөдөр эрэгтэйчүүдийн -73 кг, -81 кг болон эмэгтэйчүүдийн -63 кг, -70
кг-ийн барилдаанууд болно.

Ийнхүү өнөөдрийн тэмцээн өндөрлөж, Монголын жүдочид нэг алт, нэг
мөнгө, хоёр хүрэл медаль хүртлээ. Хоёр дахь өдрийн байдлаар Монголын баг
15 медаль, зургаан шагналт байртайгаар тэмцээнийг тэргүүлж байна.
Маргааш эрэгтэй -90 кг, -100 кг, +100 кг болон эмэгтэй -78 кг, +78 кг
жингийн барилдаанууд болно.

– 81 кг-д Дэлхийн аваргын мөнгөн медальт Канадын жүдоч Антоин Валои
Фортир, 2011 оны их дуулгын мөнгөн медальт Унгарын жүдоч Аттила Унгвариг
ялж алтан медаль хүртлээ.

– 81 кг-д Инчёны Азийн наадмын хүрэл медальт Н.Дагвасүрэн, Дэлхийн
аваргын шагналт байрт О.Ууганбаатарыг юүкогоор ялж, хүрэл медалийн
болзол хангалаа.

Categories
мэдээ нийгэм

Наршихаас сэрэмжлүүлэв

Сүүлийн өдрүүдэд цаг агаар 30 хэмээс
давж халж буй учраас иргэдийг хэт халуунд нарших, даралт ихсэх зэргээс
сэрэмжлэхийг эмч нар сэрэмжлүүлжээ. Учир нь Яралтай түргэн тусламжийн
103 дугаарын утсанд энэ тухай дуудлага ихэссэн байна.

Иймээс өндөр настан болон бага насны хүүхдийг нарны шил, малгайг
тогтмол өмсч, зүрх судасны өвчтэй болон даралттай хүмүүс эмээ тогтмол
хэрэглэж аль болох халуун наранд гарахгүй байхыг зөвлөжээ.

Categories
мэдээ спорт

Ц.Цэрэннадмид алтан медаль хүртлээ

Чингис хаан Гранпри 2015 наадмаас Ц.Цэрэннадмид алтан медаль хүртлээ

Categories
мэдээ нийгэм

Архангайн сурагч ЭЕШ-т 800 оноо авчээ

Энэ хичээлийн жилийн Элсэлтийн ерөнхий
шалгалтанд математикийн хичээлээр Архангай аймгийн төгсөгч хамгийн өдөр
оноог авчээ. Тодруулбал, тус аймгийн Эрдэнэбулган сумын Ерөнхий
боловсролын I сургуулийн сурагч н.Шагж 2015 оны ЭЕШ-д математикийн
хичээлээр бүтэн оноо буюу 800 оноог авсан байна.

Архангайн аймагт хэрэгжиж буй “Математик хөтөлбөр” дөрөв дэх жилдээ
амжилттай хэрэгжиж улирлын сургалт, сондгой саруудын олимпиад, нэрэмжит
олимпиад, өртөөчилсөн олимпиадуудад тогтмол оролцдог багш болоод
сурагчид улс бүсийн олимпиад тэмцээнүүдэд тэргүүн, шагналт байруудад
орох нь сүүлийн жилүүдэд нэмэгджээ.

Categories
мэдээ спорт

-81кг: Н.Дагвасүрэн, О.Ууганбаатар нар хүрэл медалийн төлөө барилдана

Эрэгтэйчүүдийн -81кг-ын төлөө Монголын жүдоч Н.Дагвасүрэн, О.Ууганбаатар нар хоорондоо барилдахаар боллоо.

Н.Дагвасүрэнгийн хувьд хагас шигшээд Австрийн жүдоч Валойс Фортйерт вазари үнэлгээгээр ялагдсан юм.

Алтан медалийн төлөө Унгарын жүдоч Аттила Унгвари, Канадын Валойс-Фортиер Антойн нар барилдана.

Categories
мэдээ спорт

-73кг: С.Ням-Очир алтан медалийн төлөө барилдана

Лондонгийн олимпийн хүрэл медальт С.Ням-Очир -73 кг-ийн жинд, 2012
оны Лондоны олимпийн аварга Мансур Исаевтай барилдах байсан ч дэвжээнд
гарч ирээгүй тул цэвэр ялалт авч алтан медалийн төлөө өрсөлдөх эрхтэй
боллоо.

Түүний өрсөлдөгч Инжиригала Сай юм.

Түүнчлэн -73кг-д манай жүдоч хоёр хүрэл медалийн төлөө хүч үзнэ. Эдгээр нь Мастерс тэмцээний хошой алтан медальт С.Мияарагчаа Лондонгийн олимпийн аварга ОХУ-ын жүдоч Мансур Исаевтай учраа таарна.

Азийн наадмын мөнгөн медальт, Чиндао, Абу Дабигийн Гранпригийн хүрэл
медальт Г.Одбаяр Чиндаогийн Гранпригийн хүрэл, Европын нээлттэй
тэмцээний хүрэл медальт Хятадын жүдоч Сун Шуайтай учраа таарч, хүрэл
медалийн төлөө өрсөлдөнө.

Categories
онцлох-нийтлэл туслах-ангилал

Долдугаар сарын цаг агаарын төлөвийг танилцуулж байна

УУР АМЬСГАЛЫН ТОЙМ

Манай оронд зуны саруудаас хамгийн дулаан нь долдугаар сар бөгөөд агаарын температурын сарын дундаж нь

Өмнөговь, Дорноговийн ихэнх нутаг, Говь-Алтай, Баянхонгорын өмнөд хэсгээр 22-27,

Хөвсгөл, Архангайн ихэнх нутаг, Алтай, Баянхонгор, Өвөрхангайн хойд, Завханы зүүн, Баян-Өлгийн баруун болон өмнөд хэсгээр 12-17,

Бусад нутгаар 17-22 градус дулаан байдаг байна.

Гэвч цаг агаарын нөхцөл жил бүр харилцан адилгүй. Тухайлбал: 1996 онд
баруун, төвийн нутгаар, 1999-2002, 2004-2005, 2007, 2008 онд ихэнх
нутгаар, 2010 онд говийн нутгаар олон жилийн дунджаас 2-5 градусаар
дулаан, өдрийн үнэмлэхүй их температур Орхон-Сэлэнгийн бэлчир, говийн
нутгаар 36-43, бусад нутгаар 33-38 градус хүрч халжээ.

Мөн 1976 онд баруун ба говийн нутаг, төвийн нутгийн баруун хэсгээр,
1978 онд говь ба зүүн зүгийн нутгаар олон жилийн дунджаас нилээд
хүйтэрч, шөнийн үнэмлэхүй бага температур уулархаг нутгаар 3-8 градус
хүйтэн, бусад нутгаар 2 градус дулаанаас 3 градус хүйтэн байжээ. Цочир
хүйтрэл сарын аль ч үед ажиглагддаг.

Энэ сард олон жилийн дунджаар Хөвсгөл, Архангай, Булганы ихэнх нутаг,
Өвөрхангай, Хэнтий, Дорнодын хойд, Сүхбаатар, Дорнодын зүүн өмнөд
хэсгээр 75-107, Баян-Өлгий, Ховд, Говь-Алтай, Өмнөговь, Дорноговийн
ихэнх нутаг, Увс, Баянхонгор, Өвөрхангай, Дундговийн өмнөд хэсгээр
13-44, бусад нутгаар 45-74 мм бороо ордог.

Гэвч 1993, 1994, 1997, 1998, 2012 онд ихэнх нутгаар, 2003 онд нутгийн
баруун хагаст олон жилийн дунджаас 1-3 дахин их бороо орсон бол
1999-2002, 2004,2005, 2007 онд олон жилийн дунджаас харьцангуй бага
бороо орж байв.

Дуу цахилгаан жил бүр 4-8, зарим жил 10-14 удаа ажиглагддаг. Салхи 15
м/с-ээс хүчтэй болох тохиолдол жил бүр 1-3, зарим жилд 5-6 удаа
ажиглагддаг бөгөөд салхины хамгийн их хурд 1991 онд говийн нутгийн зүүн
хэсгээр түр зуур 28-36 м/с хүрч онц хүчтэй шороон шуурга шуурсан хэмээн
ЦУОШГ-аас мэдээллээ.

Categories
мэдээ улс-төр

З.Энхболд П.Очирбатаас уучлалт гуйжээ

Монгол Улсын Ерөнхийлөгч асан П.Очирбат УИХ-ын дарга З.Энхболдод хандан өчигдөр шаардлага хүргүүлсэн байна. Шаардлагад Хөрөнгө орлогын мэдүүлэгтээ оруулсан мэдээллийг УИХ-ын дарга З.Энхболд зориудаар бууруулж, мушгин гуйвууллаа хэмээж, нэр хүнд унагасан энэхүү бусармаг үйлдлийнхээ төлөө уучлал гуйхгүй бол шүүхэд өгч, нэр төрөө сэргээлгэнэ гэжээ. Ийм шаардлагыг УИХ-ын дарга хүлээж авангуутаа твиттер хуудсаараа дамжуулан уучлал гуйсан байна.

Categories
мэдээ нийгэм

Наадмаар 725 автобус иргэдэд үйлчилнэ

7 сарын 11,12-ны
өдрүүдэд Төв цэнгэлдэх хүрээлэн орох “Наадамчид”-аа зориулж Мишээл экспо
төв рүү нийт 11 чиглэлийн 98 автобус, Дүнжингарав төв рүү 22 чиглэлийн
121 автобус үйлчилнэ.

Мишээл экспо төв болон Дүнжингарав худалдааны төвөөс Төв цэнгэлдэх
хүрээлэн рүү “Мишээл экспо-Төв цэнгэлдэх хүрээлэн-Дүнжингарав худалдааны
төв” чиглэлд 15 автобус 3 минут тутамд, рейлбусны зорчигчдыг
“Урбанек”-ийн зогсоолоос Төв цэнгэлдэх рүү хүргэх “Дунд гол-Төв
цэнгэлдэх” чиглэлийн 5 автобус 4 минут тутамд, Хүй 7 худагт рейлбусны
зогсоолоос Морь барианы газар хүртэл “Давааны зөрлөг-Хүй 7 худаг”
чиглэлийн 5 автобус 4 минут тутамд тус тус богино эргэлтээр үнэ
төлбөргүй үйлчилнэ.

Мөн 7 сарын 11,12-ны өдрүүдэд Гандийн гудамжны автобусны зогсоолоос,7
сарын 13,14-ний өдрүүдэд хотын төвөөс буюу ”МУБИС”-ийн баруун талын
автобусны зогсоолоос их багтаамжийн 20 автобус, “3,4-р хороолол”, “7
буудал”, “5 шар”, “ХМК”, “Офицерүүдийн ордон”-ы зогсоолуудаас нийт 20
бага багтаамжийн автобус тус тус Хүй 7 худаг руу үйлчилнэ.

Categories
мэдээ спорт

Өнөөдөр зодоглох Монголын жүдочдыг танилцуулъя

Жүдо бөхийн “Чингис хаан” Гран При тэмцээний хоёр дахь өдрийн барилдаанууд эхэллээ. Өнөөдөр эмэгтэй -63 кг, -70 кг, эрэгтэй -73 кг, -81 кг-ын жингийн барилдаанууд явагдана.

Манай улсаас эмэгтэйчүүдийн 63 кг-ын жинд:

Лондонгийн олимпийн шагналт V байр, Ази тивийн аварга Цэдэвсүрэнгийн Мөнхзаяа

2015 оны улсын аварга, Челябинскийн ДАШТ-ий багийн мөнгөн медальт Цэнд-Аюушийн Цэрэннадмид

2015 оны улсын аваргын хүрэл медальт, Хонконгийн олон улсын тэмцээний хүрэл медальт Ширнэнгийн Ганчимэг

Залуучуудын улсын аваргын хүрэл медальт Баярбатын Баасанжаргал

70 кг-ын жинд

2015 оны УАШТ -78кг-д алтан медаль хүртсэн Цогт-Очирын Батцэцэг

Азийн хүүхдийн V наадмын хүрэл медальт Баттулгын Хонгорзул

Залуучуудын ААШТ-ий мөнгө, хүрэл медальт, 2015 оны улсын аваргын мөнгөн медальт Мөнхбатын Даваасүрэн

2015 оны залуучуудын улсын аварга Батбаатарын Хулан нар барилдана.

Харин эрэгтэй 73 кг-ын жинд:

Олимпийн хүрэл медальт, дэлхийн аварга Хашбаатарын Цагаанбаатар

Олимпийн хүрэл медальт Сайнжаргалын Ням-Очир

Азийн наадмын мөнгөн медальт, Чиндао, Абу Дабигийн Гранпригийн хүрэл медальт Ганбаатарын Одбаяр

Мастерс тэмцээний хошой алтан медальт Санжаасүрэнгийн Мияарагчаа

81 кг-ын жинд:

Азийн аваргын хүрэл медальт, “Чингис хаан” Гранпри хошой мөнгөн медальт Отгонбаатарын Ууганбаатар

Азийн наадмын хүрэл медальт, Чежү, Тбилисигийн Гранпригийн хүрэл медальт Нямсүрэнгийн Дагвасүрэн

Азийн залуучуудын аваргын хүрэл медальт Бандихүүгийн Бат-Эрдэнэ

2015 оны улсын аваргын хүрэл медальт Наранхүүгийн Баатархүү нар хүч үзнэ.