Сонгодог урлагийн үдэш нэртэй тун сайхан тоглолт өнгөрсөн бямба гаригт Чингисийн талбай дээр болж өнгөрлөө. Сонгодог урлагийг ард түмэнд түгээн дэлгэрүүлэх, таниулах, хүмүүст сэтгэлийн цэнгэл эдлүүлэх гээд олон талын ач холбогдолтой тун сайхан арга хэмжээ л дээ. Өнгөрсөн жил анх удаа зохион байгуулагдсан уг арга хэмжээ үзэгч, сонирхогчдын зүгээс их л өндөр үнэлэлт авч байсан. Харин энэ жил үзэгчдийг заавал урилгаар нэвтрэхийг шаардаж байсан нь үнэндээ л онцгүй байлаа. Урилгатай хүмүүс нь дотогшоо нэвтэрнэ. Урилгагүй нь нэвтрэх эрхгүй гадна нь зогсоно. Тэртэй тэргүй задгай талбайд тоглож байгаа юм чинь хаанаас ч үзсэн яахав дээ гэх хүн гарах л байх.
Гэвч тийм биш ээ. Үзэгч сонирхогчдыг шууд л хоёр хуваан ялгаварласан нь тун онцгүй үйлдэл. Харин тэртэй тэргүй задгай талбайд тоглож байхад заавал урилга нэртэй цаас хэвлүүлж зардал гаргах хэрэг байсан ч юм уу. Одоо наадмаар “Учиртай гурван толгой” дуурийг төв талбай дээр тоглоно. Бас л дээл өмсөөгүй бол оруулахгүй гэсэн яриа хаа сайгүй тараад байгаа. Үнэхээр дээлтэй дээлгүйгээр ялгаад эхэлбэл бас л муухай юм болно доо. Ард түмэн дунд дээлтэй нь ч бий, дээлгүй нь ч бий.
Ер нь ч тэгээд хүн ямар хувцсаа өмсөх нь ёстой л дурын асуудал шүү дээ. Муухай нь хүнийг өмссөн зүүснээр ялган үзэх санаа бидний эрх чөлөөнд халдаад байгаа юм л даа. Ямартай ч урилгатай урилгагүй, дээлтэй дээлгүй гэж ялгасан, ангилсан үйлдлийг байн байн гаргаад баймгүй л байна даа.
Я.БАЯРБААТАР
Аргын тооллын долдугаар сарын 07. Ангараг гариг, Билгийн тооллын 21. Шувуун хушуут одтой, хөх бич өдөр. Өдрийн наран 05.10 цагт мандан, 20.50 цагт жаргана. Тухайн өдөр хулгана, луу жилтнээ аливаа үйлийг хийхэд эерэг сайн ба бич, тахиа жилтнээ сөрөг муу нөлөөтэй тул элдэв үйлд хянамгай ханд. Эл өдөр худалдаа арилжаа хийх, бизнес эхлэх, хүү сангийн эх хатгах, эд агуурс авах, зээл авах, арвижуулах, дэлгэрүүлэх үйлийг эхлэх, сүм дуганыг сэргээх, бүжиг наадам хийх, цэцэрлэг байгуулах, хур оруулах, дархны үйлд сайн. Хувцас эсгэх, шинэ хувцас өмсөх, зөвлөгөө хийх, гөлөг тэжээхэд муу.
“Өдрийн сонин”-ы мягмар гаригийн дугаарт анхны Ерөнхийлөгч П.Очирбатын ярилцлага нийтлэгдлээ. Тэрбээр “Хоёр намын үл ойлголцлын үнэ цэн Монголын ардчиллаар төлөгдөж болохгүй” хэмээн ярьжээ. Үндсэн хуулийн цэцийн гишүүн тэрбээр АТГ-т дуудагдсаныхаа дараа юу ярьсаныг энэ дугаараас уншаарай. 
Ардын хувьсгалын 94 жил, Хан Хэнтий уулын аймаг байгуулагдсаны түүхт 92 жилийн ойн баярыг угтан Хэнтий аймгийнхан хаадыг хөргөөр үзэсгэлэн гаргахаар болжээ.
Даншигийн аварга Омбойн Дугарын төрсөн нутагт түүний гэрэлт хөшөөг 2009 онд Сэргэлэн сумын Засаг даргын санаачилгаар байгуулж байсан юм. Тэгвэл энэ жил тус сумын үндэсний бөхийн холбооны холбооны санаачилгаар Монгол Улсад анх удаа хамгийн өндөр хөшөөг Сэргэлэнд босгожээ.
Нийслэлийн Засаг даргын 2013-2016 оны үйл ажиллагааны хөтөлбөр, Налайх дүүргийн иргэдээс авсан санал асуулгыг үндэслэн нийслэлийн ИТХ-ын 2015 оны 04 дүгээр сарын 03-ны өдрийн хуралдаанаар Нийслэлийн дагуул хот байгуулах шийдвэр гаргасан. Уг шийдвэрийн дагуу УИХ-ын 1994 оны 59 дүгээр тогтоолоор батлагдсан Хот тосгоны захирагчийн сонгууль явуулах, огцруулах тухай журам, НИТХ-ын Тэргүүлэгчдийн 77 дугаар тогтоол, нийслэлийн Засаг даргын А/437 дугаар захирамжийн дагуу Налайх хотын Захирагчийн сонгуулийг зохион байгуулж дахин санал хураалтаар нэр дэвшигч Шаравхааны Хаан санал өгсөн нийт сонгогчийн 50,87 хувийн саналыг авч, Налайх хотын Захирагчаар сонгогдсон юм. Нийслэлийн Засаг даргын “ Нийслэлийн дагуул Налайх хотын Захирагчийн бүрэн эрхийг хүлээн зөвшөөрөх тухай” А/593 дугаар захирамжийн дагуу Налайх хотын Захирагчаар сонгогдсон Ш.Хааны бүрэн эрхийг баталгаажуулж, тангараг өргөх ёслолын ажиллагаа боллоо.
МАН-ын Удирдах зөвлөл хуралдаж, Засгийн газраас гарах талаар шийдвэрээ гаргажээ. Хуралдааны үр дүнгийн талаар МАН-ын дарга М.Энхболд, намын ЕНБД Ж.Мөнхбат, УИХ дахь МАН-ын бүлгийн дарга С.Бямбацогт, нарийн бичгийн дарга Б.Гантулга нар Төрийн ордонд мэдээлэл хийв. АН-ын бүлэг Гүйцэтгэх зөвлөлийнхөө шийдвэрийг дэмжиж МАН-ыг засгаас хөөхөөр болсон. Харин МАН-ын удирдлагууд Ерөнхий сайд Ч.Сайханбилэгтэй уулзаж өөрсдийн байр сууриа илэрхийлсэн бөгөөд намын бүлэг болон Удирдах зөвлөлийнхөө хурлыг хийж Засгаас гарахад бэлэн гэх байр сууринд нэгджээ. МАН-ын дарга М.Энхболд “Хамтран ажиллах гэрээг цуцлахад бэлэн байна. Манай нам 6 сайдын суудалд хоргодоод байх зүйлгүй. Улс орноо хямралт байдлаас гаргахын төлөө ажилласан” гэлээ. МАН-ын ЕНБД Ж.Мөнхбат “МАН цагаан захтнуудыг дэмжих боломжгүй. Тэр хуулиудыг дэмжих боломжгүй учраас АН жудаггүй загнаж ийм санаачилга гаргалаа. МАН-ын 6 сайд нэр төртэй ажилласан. Нэр төртэйгөөр ажлаа хүлээлгэж өгөхөд бэлэн байна” хэмээн байр сууриа илэрхийлэв. 
Аймаг, орон нутгийн
Баяр наадмын өдрүүдэд дугаарын хязгаарлалт үйлчлэхгүй гэдгийг албаны хүмүүс мэдээллээ.
“Монгол Улсын Төрийн далбааны өдөр”-т зориулсан цэргийн ёслолын жагсаалыг уламжлал ёсоор долоо дахь жилдээ зохион байгуулан явуулахаар бэлтгэл ажлыг хангаж байна. Энэ жилийн цэргийн ёслолын жагсаалд ЗХЖШ-ын бие бүрэлдэхүүн, Батлан хамгаалахын их сургуулийн Цэргийн хөгжмийн сургуулийн бөмбөрчид, Улаанбаатар цэргийн хүрээний хүндэт харуул, Зэвсэгт хүчин, Батлан хамгаалах их сургууль, Хууль сахиулахын их сургууль, Хил хамгаалах ерөнхий газар, Цагдаагийн ерөнхий газар, Шүүхийн шийдвэр гүйцэтгэх ерөнхий газар, Онцгой байдлын ерөнхий газрын нийт 1800 гаруй цэргийн алба хаагчид оролцоно. Энэ жилийн онцлог нь цэргийн үлээвэр найрал хөгжмийг анх удаа өргөн бүрэлдэхүүнтэй оролцуулж байгаа аж. Өөрөөр хэлбэл цэргийн үлээвэр найрал хөгжмийн бүрэлдэхүүнд ЗХЖШ-ын Үлгэр жишээ үлээвэр найрал хөгжмөөс гадна Зэвсэгт хүчний ангиуд, ХХЕГ, ЦЕГ, ОБЕГ-ын хөгжимчид оролцох юм. Цэргийн ёслолын жагсаалын бэлтгэл өнгөрсөн зургадугаар сараас эхэлсэн юм. Шөнийн ёслолын жагсаал 2015.07.07-ны 04.00 цагт буюу өнөө шөнө Чингисийн талбайд болно. Түүнчлэн энэ сарын 9-нд мөн адил бэлтгэл ажлын хүрээнд шөнийн цэргийн ёслолын жагсаалыг гүйцэтгэх юм байна.