Элэгний С вирусын эсрэг “Харвони” эмийг аравдугаар сарын сүүлч, арваннэгдүгээр сарын эхээр Монголд оруулж ирэхээр болжээ. Одоогоор эмч нараа сургаж байгаа аж. Улсын хэмжээнд 100 гаруй эмчийг сургах юм байна. Эрүүл мэнд, спортын яамнаас элэгний С вирустай иргэдийг бүртгэж, шинжилгээнд хамруулах ажил эхлээгүй гэж мэдэгджээ. Эм орж ирэхээс өмнө шинжилгээ авах гэнэ. Улсын хэмжээнд элэгний С вирустай 200 гаруй мянган иргэн бий аж. Гэхдээ эхний ээлжинд архаг өвчтэй, нэн тэргүүнд хэрэглэх шаардлагатай 52 мянган хүнд эмчийн заавраар эмийг олгохоор болжээ. Одоогоор 52 мянган хүнээ хараахан сонгоогүй байгаа аж. Эмч нараа сургалтад хамруулсны дараа элэгний С вирустай иргэдийн мэдээллийг албан ёсоор бүртгэлжүүлэхээр болжээ.
“Харвони” эмийн хувьд дэлхийн зах зээлд 94 мянган ам.доллараар худалдаалагддаг. Харин АНУ-ын “Гилеад Сайенсес” компани Монгол Улсад хөнгөлөлттэй үнээр худалдаалахаар болсон юм. Тодруулбал, нэг курс ”Харвони” эмийг нэг сая 732 мянга 500 төгрөгөөр худалдаалах юм байна.
Ойн тухай хуульд нэмэлт, өөрчлөлт оруулах тухай
Сүүлийн үед хууль бус мод бэлтгэлтэй
Нийтийн тээврийн үйлчилгээг цахим хэлбэрт шилжүүлэх ажлын хүрээнд 900 автобусанд цахим машиныг суурилуулжээ. Нийтдээ 1100 гаруй автобусанд цахим машин суулгах аж. Иргэдэд олгох картыг автобусны буудлууд дээрх 500 гаруй ТҮЦ-ээр худалдаалахаар болжээ. Одоогоор ТҮЦ-нүүдтэй гэрээ байгуулах ажил хийж байгаа юм. Ингэснээр энэ сарын 22-нд нийтийн тээврийн цахим системийн албан ёсны нээлтийг Чингисийн талбайд хийж, иргэд автобусаар зорчихдоо өөрөө өөртөө үйлчилж, цахим машин, карт ашигладаг болно.
“Монгол Улсын далбааны өдөр”-т
2015 оны 07 сарын 10-ны баасан гарагт
Иргэний Зориг Ногоон намын гурван даргын нэг Ц.Ганхуягтай ярилцлаа.
ОХУ-ын Уфа хотод болох ШХАБ-ын дээд хэмжээний уулзалтын үеэр ОХУ, БНХАУ, Монгол Улсын төрийн тэргүүн нар Душанбегийн уулзалтаас хойш хийгдсэн бүтээн байгуулалтын төслүүдийн талаар ярилцах аж. “Талын зам” санаачлагын хүрээнд хамтран ажиллах гурван орны бизнесийн томоохон группуудийн уулзалт болох ба уг уулзалтад манай улсаас Чингис Интернэшнл Группийн салбар групп болох Чингис Энержи Группийн Ерөнхийлөгч С.Эрдэнэ, Чингис Лэнд Девелопмент Группийн Ерөнхийлөгч Д.Амарбаясгалан, Чингис Хайвэй Корпорацийн Гүйцэтгэх захирал Ц.Гантулга нар оролцох юм байна. Сүүлийн хэдэн жил Ази-Европийг холбосон эдийн засгийн томоохон төслүүдийг ярих болсон Чингис Интернэшнл Группийн хувьд 2009 оноос эхлэн эдгээр мега төслийг хөгжүүлэх тооцоо судалгааг хийж ирсэн байна. Энэ төслүүдээс хамгийн түрүүнд Алтанбулагаас Замын-Үүд чиглэлд баригдах “Чингисийн зам” төслийг хэрэгжүүлэхээр ажиллаж байгаа. Алтанбулагаас цааш Улаан-Үүд хүртэл ОХУ-ын томоохон компаниуд, Эрээнээс урагшаа Бээжин хүртэл БНХАУ-ын бүтээн байгуулалтын том корпорациуд ажиллах гэнэ. Чингисийн “Талын зам” төслийн хүрээнд хурдны авто зам, төмөр зам, нефть дамжуулах хоолой, хийн хоолой, цахилгаан дамжуулах шугамын том төслүүд багтаж байгаа ч Чингис Интернэшнл Групп эдгээрээс гадна олон мега төслийг санаачлан хэрэгжүүлэхээр хөрш орнуудын бизнесийн томоохон корпорациудтай ажиллаж байгаа юм байна.
Өмнөд Солонгост дэгдээд буй “MERS” буюу титэм вирусын халдвар авсан тохиолдол ойрын өдрүүдэд нэмж бүртгэгдээгүй юм байна. Вирусын гаралтай уг өвчнөөр нас барагсдын тоо 35 хэвээр, вирусын тархалт намжсан гэж тус улсын эрүүл мэндийн байгууллагаас мэдээлжээ. БНСУ-ын Засгийн газраас халдварыг цаашид нэмэгдүүлэхгүй байх талаар олон талт арга хэмжээг авч байгаа аж. 
Нийслэлийн Онцгой байдлын газар Их Монгол Улс байгуулагдсаны 809, Ардын хувьсгалын 94 жилийн ойн баяр наадмыг тэмдэглэн өнгөрүүлэх ажлын хүрээнд нийслэлийн Онцгой байдлын газрын нийт бие бүрэлдэхүүн 2015 оны 07 дугаар сарын 10-ны өдрийн 09 цагаас 15-ны өдрийн 09 цаг хүртэл албаны өндөржүүлсэн бэлэн байдалд ажиллана. Наадамчдын аюулгүй байдлыг хангах ажлын хүрээнд Төв цэнгэлдэх хүрээлэн, Хүй долоон худаг, урлаг соёлын арга хэмнжээнүүд зохион байгуулагдах объектууд, ёслолын буудлага хийх газруудад гамшгаас хамгаалах, гал түймрийн улсын хяналтын хэрэгжилтийг хангах үзлэг шалгалтууд зохион байгуулагдаж байгаа аж. 
Улсын наадмын бөхийн барилдаанд түрүүлсэн бөхөд “Ланд Крузер-200” автомашиныг бэлэглэхээр болжээ. Үндэсний их баяр наадмын албан ёсны түншээр хоёр дахь жилдээ ажиллаж байгаа “Тоёота” компани энэ жилийн Үндэсний их баяр наадмаар түрүүлсэн бөхийг Тоёота компанийн Ланд Крузер-200 автомашинаар шагнах юм байна. Мөн түрүү бөхийн бай шагналд өгөх автомашиныг Чингисийн талбайд танилцуулах аж.