АН-ынхан МАН-ыг наадмаас өмнө Засгийн газраас хөөнө гэх яриа биеллээ оллоо. МАН-ынхан ч хөөгдөж сууснаас нэр төртэйгөөр гарна гэдгээ мэдэгдчихлээ. Гэхдээ энэхүү шийдвэрийг албан ёсжуулах ажил улсын баяраас өмнө хараахан хийгдэж амжихгүй бололтой. Уг нь МАН-ыг энэ чуулганы хугацаанд багтааж гаргах чин хүсэл АН-д бий. Гэсэн ч улс төрийн бусад оролцоо, тохиролцоо, наймаа зэрэг олон талт хамаарлаас улбаалж асуудал нэгмөр шийдэгдсэнгүй. Нэгэнт асуудал дэгдэж нийгэмд, нам төрд хүлээлт үүсгэчихсэн учраас одоо яах бол, хэзээ шийдэгдэх вэ гэдэг асуулт урган гараад байна. Засгийн газарт орох хөдөлгөөн цаг хугацааны асуудал болчихсон нь энэ. Чуулганы хаалт хийх хүртэл Ерөнхий сайд МАН-ын гишүүдийг Засгийн газраас гаргах тогтоолын төслийг өргөн барихгүй нь ч тодорхой байгаа аж. Харин чуулган завсарлах өдөр үү эсвэл баяр өнгөрөөгөөд АН-ын нэр бүхий гишүүдийн албан бланк дээр Засгийн газрын бүрэлдэхүүнд өөрчлөлт оруулах тогтоолын төсөл өргөн баригдах юм байна. Тэр цаг үед МАН-ын гишүүд ч АН-ын сайд нараас огцруулах төслийг нэн даруй өргөн барих сурагтай. С.Эрдэнэ сайдаас эхлээд хэн хэнийг огцруулахаар төслөө боловсруулах вэ гэдгээ МАН-ынхан одоо ярьж эхэлжээ. Яагаад гэвэл зөвхөн Ардын намын зургаан сайдыг Засгийн газраас хөөхөөр чуулган хуралдвал намынх нь нэр хүндэд том хохиролтой хэмээн дүгнээд ийм арга сүвэгчилжээ. Ингээд асуудлыг хэлэлцэх үеэр АН, МАН-ынхан нэг, нэгэн рүүгээ тэнцүү хэмжээнд хатуу үг чулуудна гэсэн үг. Тэгээд аль нам нь сайдуудаа засгаас хөөх вэ гэдэг асуултад парламентын гуравдагч хүчний кноп хариулт өгөх бололтой. Нэг ёсондоо энэ их хэрүүлийг Шударга ёс эвсэл хагалах нь байна. АН, МАН-ын аль нь их бялуу амлана Шударга ёс эвсэл тэр талд үйлчилнэ. Магадгүй МАХН-ын дарга Н.Энхбаяр ирж Шадар сайдын сэнтийд тухлахгүй гэх газаргүй болжээ.
Гэхдээ АН-ынхан намаа ямар хэмжээнд авч үзэхээс асуудал ихэд хамаарна гэх. Одоо тэдэнд МАН-тай хамтарсан хэрнээ муулуулаад байх уу, намынхаа нэрийг хөсөр хаяж ээлжит бус чуулганаар асуудлыг шийдэх үү гэдэг сонголт ирчихээд байна. Төрийн ордонд гарсан явган ярианаас үзэхэд асуудлыг ээлжит бус чуулганаар шийдэхээр болж байгаа юм байна. Ээлжит бус чуулганыг долдугаар сарын дундуур зарлах уу гэдэг дээр АН-ынхан ярилцаж байгаа сурагтай. Энэ үед ээлжит бус чуулган зарлаад ирц хүрэхгүй байх магадлалтай учраас наймдугаар сар болон, есдүгээр сарын аль нэгэнд асуудлыг шийдье гэдэгт ерөнхийдөө тохирчихоод байгааг эх сурвалжууд өгүүлээд эхэлжээ. Магадгүй наймдугаар сард нэг дайрч үзээд болохгүй бол намрын чуулган эхлэхээс 15 хоногийн өмнө ээлжит бус чуулганыг зарлахдаа цэг тавих бололтой.
Үүнээс улбаатайгаар үүсч байгаа бас нэг хүлээлт нь Засгийн газрыг хэрхэн бүрдүүлэх вэ гэдэг. Энэ удаа АН-ынхан МАН-ыг жийхэд хамтарсан намууддаа нэлээд найр тавих учраас Зам тээврийн болон Хөдөлмөрийн яамыг авч магадгүй гэнэ. Өнгөрсөн өдрүүдэд хийгдсэн тохироогоор УИХ-ын даргын зөвлөх А.Гансүх, Сангийн дэд сайд С.Пүрэв, УИХ-ын гишүүн А.Бакей, Г.Баярсайхан нарын нэр нэлээд өндөрт гарч иржээ. Сая засагт хөдөлгөөн орсон бол дээрх дөрвөн эрхмийн дунд уралдаан явагдах байж. Дэд сайдуудын хувьд гэвэл АН-аас О.Магнай, Хүн амын хөгжил, нийгмийн хамгааллын яамны Стратегийн бодлого, төлөвлөлтийн газрын дарга Ц.Туваан, О.Эрдэнэбулган, Т.Хасбаатар нарын нэр дуулдана. Гэхдээ яг асуудал шийдэгдэх хүртэл эдгээр нэрсийн дунд ямар хэмжээнд өөрчлөлт орох нь таашгүй. Харин бие даагчид нэг, ИЗНН нэг, Шударга ёс эвсэл хоёр суудал авч Засгийн газарт оролцоогоо нэмэгдүүлэх юм байна.
Л.МӨНХӨӨ
УИХ-ын дарга
Монгол Улсын Их Хурлын дарга
Согтууруулах ундаагаар үйлчилдэг газрууд үүрийн дөрвөн цаг хүртэл ажиллах эрхтэй болсоныг нийслэлээс саяхан мэдээлсэн. Ганц согтууруулах ундаандаа биш л дээ, нийслэлчүүдийн амарч, тухлах, яриа хөөрөө дэлгэх орчныг бүрдүүлж байгаа гэдэг утгаараа цагаа олсон шийдвэр болж чадсаныг онцолъё. Хаа газрын нийслэлд шөнө амьдрал буцалж байдаг. Дэлгүүр, зах, үйлчилгээний төвүүдээр шөнийн цагаар үйлчлүүлэх боломж тэнд нээлттэй. Иргэд нь ч зав зайгүй ажлын өдрийнхөө дараа дэлгүүр хэсэж шоппинг хийхээс эхлээд амжуулах ажил олонтой учраас өдрөөс ялгаагүй бужигнасан хэмнэлийг Токио, Сөүлийн гудамжнаас харж болно. Гэтэл манайд эсрэгээрээ. Шөнө шүд өвдөөд гарахад л нээлттэй эмийн сан олохгүй. Ганц нэг эмнэлгийг эс тооцвол шөнөөр ажилладаг шүдний эмнэлэг ч үгүй нийслэл. Хүнсний дэлгүүр бол бүр байхгүй. Бүгд л цаад зах нь 22 цагтай уралдан хаалгаа барьдаг. Хоолны газар бол харин ганц, хоёр харагддаг. Гэхдээ дажгүй амттай хоолоор аятайхан үйлчилдэг ресторанууд шөнийн цагаар ажилладаггүй.
Монголчуудын уламжлалт соёлыг гадаад, дотоодод сурталчлан таниулах, түгээн дэлгэрүүлэх зорилгоор “Дээлтэй Монгол Наадам-2015”, “Учиртай гурван толгой дуурь”-ийн арга хэмжээг 07 дугаар сарын 10-ны өдөр Чингисийн талбайд зохион байгуулах талаар нийслэлийн Засаг даргын Санхүү, эдийн засгийн асуудал хариуцсан орлогч Н.Батаа А/571 дүгээр захирамж гаргалаа.
Тулгар Төрийн 2224 жил, Их Монгол Улсын 809 жилийн ой, Үндэсний Их Баяр наадам, Ардын хувьсгалын 94 жилийн ойн баяр наадмын хязаалан нас барианд орж ирээд байна. Хязаалан насны уралдаанд Архангай аймгийн Төвшрүүлэх сумын уугуул, аймгийн Алдарт уяач, Эрчим хүчний дэд сайд Ө. Пүрэвбаатарын загал үрээ түрүүлсэн бол аман хүзүүнд Дундговь аймгийн Сайнцагаан сумын харьяат П.Одонбаатарын халиун, гуравт Төв аймгийн Алтанбулаг сумын харьяат Б.Алтан-Очирын сартай хүрэн, дөрөвт Өмнөговь аймгийн Даланзадгад сумын харьяат Б.Бадраагиийн халзан, айргийн тавд Дундговь Адаацаг сумын харьяат аймгийн алдарт уяач Д.Сүхбаатарын хонгор халзан орж ирлээ. 
“Өдрийн сонин”-ы долдугаар сарын 9-ны өдрийн дугаарт хэвлэгдсэн сурвалжлагыг хүргэж байна. Төрийн есөн хөлт цагаан тугийг залах ёслолд хэрхэн бэлдэж байгааг энэ сурвалжлагаас уншина уу.
Туг залах хүмүүсийн тухайд урьд өмнөх жилүүдэд Зэвсэгт хүчний 032 дугаар ангийн алба хаагчдаас гадна хугацаат цэргүүд шинээр нэмэгддэг байсан бол өнөө жил дандаа ахлагч нар оролцохоор болсон байна. Олон улсын энхийг сахиулах арга хэмжээнд оролцож байсан хариуцлагатай, тэргүүний ахлагчийн зургаа нь олон жилийн туршлагатай. Шинээр гурван хүн нэмэгдэж байгаа гэсэн. Тэд уржигдар Төв цэнгэлдэх хүрээлэнд нэгдсэн бэлтгэл хийжээ. Зүлэг ногоон дэвжээний гадуур хүрээлдэг дугуйн асфальтан замыг будсан учраас түүн дээр нь морьд халтираад урагшлахгүй байсан гэнэ. Туг залж явах бүү хэл урагш алхахад бэрх байсан болохоор зүлгэн дээгүүр явахаар болжээ. Зүлэг гэж хиймэл зүлгийг хэлж байгаа. Үүгээр явахад бас л халтирч байгаа ч гэлээ будагтай замыг бодвол арай дээр байгаа гэсэн.
Ардын хувьсгалын 94 жилийн ойн баяр наадмын үндэсний бөхийн барилдааны бүртгэл өчигдөр эхэлсэн. Өнөө жилийн барилдаанд дүрмийн дагуу 512 бөх зодоглоно. Өчигдрийн 17.00 цагийн байдлаар улсын заан Ц.Мягмарсүрэн, Ч.Батзориг, Ч.Санжаадамба харцага Э.Оюунболд, Б.Пүрэвсайхан, Ө.Даваабаатар, Ө.Бат-Орших, начин Б.Одбаяр нарын тэргүүтэй 260 гаруй бөх бүртгүүлжээ. Харин аварга, арслангуудаас нэг нь ч бүртгэлд хамрагдаагүй байгаа аж. 
Хуульчийн эрх зүйн байдлын тухай хуульд зааснаар Монголын Хуульчдын холбооны үндсэн чиг үүргүүдийн нэг нь хуульчдын эрх, хуульч ёсны ашиг сонирхлыг хамгаалах юм. Тус холбоо энэ чиг үүргийнхээ хүрээнд Шүүхийн ерөнхий зөвлөлд албан бичиг илгээсэн байна.
Улсын 809 жил, Ардын хувьсгалын 94 жилийн ойн баяр наадмын хязаалан, шүдлэн насны морины уралдаан өнөөдөр болно. Тиймээс өчигдөр Хүй долоон худагт хурдан морины бүртгэл эхлээд байна. Хязаалан насанд өчигдрийн 17.00 цагийн байдлаар 120 гаруй хурдан буян бүртгүүлээд байв. Харин шүдлэнд 90 гаруй хүлэг бүртгүүлээд байсан юм. Энэ жилийн хувьд морины стандарт өөрчлөгдөөгүй бөгөөд сэрвээний өндрийг гол үзүүлэлт болгож байгаа.